وش رايكم بالسيارة الصينية جيلي ec7

ما انصح بها والأجواء عندنا قاسية جدا والسيارات الصينيه ماتستحمل الجو الحار من وقع تجربه

السلام عليكم ورحمة الله وبركاته

حاليا من مالكي هذه السيارة بعد الاستخارة . الفئة الاستاندرد.

وتقيمي للسيارة إلى حد ما جيدة . على أساس الجربوعة حقتي الحلوة اللي ملكتها من قبل :bigggrin: .
فالمميزات لايمكنني حصرها .

و العقبات اللي لاحظتها ورح يزعجك مستقبلا :
1- المكيف . توزيع الهواء سيء في منافذ التهوية من الأطراف , والكمبروسور يفصل ودرجة الحرارة كأنه 25 درجة مئوية داخل حجرة القيادة. وكأن توزيع التبريد في السيارة سيء. فهذه الدرجة سيئة في منتصف الظهر.
2- نظام الدركسون . بعد كل مشوار أبو نصف ساعة . لاحظت انه اذا وقفت السيارة وأقوم بتدوير المقود وهي واقفة , أسمع صوت ضعف في علبة الدركسون والتدوير يكون ثقيل جدا . فتحتاج إلى أحد أمرين , إما تحريك السيارة قليلا , أو دعس دواسة البنزين قليلا.
.
وأي ملاحظات أكون جاهز لها ان شاء الله


الحقيقة انه الوكالة رفعوا أسعارها - بحجة أنها كانت عرض - . فصارت أسعارها قريبة من المستعمل النظيف . فاذا كانت تلك القعبات مزعجة . فأنصحك بغيرها.

من رأيي الغالي انك تاخذها بعد الإستخاره

ودام هذي إستطاعتك أجل ريح روحك وتوكل على الله

بس خلك على الضمان عشان تستعمل السيارة وانت مرتاااااح

السيارة أشوف لها أقبال كبير في المملكة بسبب السعر والضمان المغري

للمعلومية ترا السيارة خذت 4 نجوم في إختبارات الحوادث (( يعني سيارة ممتاااااااازة بالنسبة لسعرها ))

الله يسهل دربك

============ ============== ===============

بشر كيف السياره تنصح بشرائها او لا

سيارة انتشرت بشدة ما اتوقع راح تكون سيئة جدا كما يشاع عنها

واتوقع بهذا السعر ما راح تلاقي جديد غيرها

صيني أبو كلب ما يسوى (امزح لا تاخذها جد :smile:)

أنا اشتريت زيها قبل شهرين فل كامل

الأوتو ستاندرد كان بـ 41000 بدون عرض للسيدان و 40500 للهتشباك و الفل سيدان كان عليها عرض بـ 45000 (خسارة ما كان فيه فل هتشباك :smilie20:) لكن بالنسبة للأقساط ما عندي علم

أول صيانة بعد 5000 كلم باقي ما وصلتها لذا ما أدري عن الصيانة ايش وضعها

السيارة داخل البلد ما يحتاج لكن على الخطوط مزعجة إلى حد ما

قير الـ CVT فيها مريح جدا بس يبغاله تتعود عليه لأنه يمسك السيارة في حالة أنك رفعت رجلك عن البنزين (طبعا هذي ميزة في القير مو عيب عشان تحافظ على قماشات الفرامل)

بالنسبة للضمان تراه للمكينة و القير بس

و أي استفسار أنا حاضر و آسف على الإطالة