سلام عليكم و رحمة الله و بركاته
رجفة في السيارة غير طبيعية بالذات إذا كانت السيارة باردة يعني أكثر من 5 ساعات ما تشغلها إذا شغلتها شوي و تطفي لكن إذا احتمت السيارة ما الرجفة تروح لكن تحس فيه تفتفة أو رجة خفيفة يوم الخميس وديتها لكم ورشة أغلبهم قال ما نقدر لإنها حساسات و لازم تكشف كمبيوتر و ما نقدر نبين الخلل و رحت لثاني و قلت له الرجفة إذا كانت السيارة باردة و العازم مرة طايح و ضعيف لدرجة إذا هديت عند المطب ما تطلع إلا إذا دعست بنزين و شبك الكمبيوتر و مسح الأخطاء اللي في السيارة و قال ذحين ما يبين معي شيء جيبها يوم السبت و أكشف عليها و هي باردة و جيته الصبح و خليتها واقفة أكثر من ساعة و نص لكن تحس السيارة فيها حرارة و شبك الكمبيوتر و ما بين معه شيء و نسيت اذكر إن فيها صوت خرخرة إذا دعست بنزين و السيارة ماشية لكن إذا واقفة و دعست بنزين ما تسمع الصوت قال اللي أشوفه الحساسات ما فيها شيء و ما فيه مشكلة في الكهرباء لكن يمكن يبغالها برمجة عن طريق الانترنت و رحت لورشة ثانية (لو تقول له السيارة مبنشرة و ما تمشي يقول لازم اكشف و احتمال القير مضروب) على طول قال كشف و جاب سيرة القير و رديت عليه النقلات كلها فيها و قال فيه فراغ ما بين النقلة و الثانية قلت له ما فيه فضاوة و النقلات سليمة و إلا يبغى يكشف و ما ارتحت له و رحت لورشة أتراك و قال الميكانيكي لازم اكشف و حق الكشف 250!!! مع إن اللي قبله بـ100 و اللي فحصت عنده جهازه tech 2 و الجهاز لكشف سيارات gm حاولت فيه ما رضي يقول الكشف عن طريق الانترنت موصل للشركة المصنعة و اللي يظهر معنى بنعلمك به
البواجي و فلتر البنزين غيرتها قبل الحج بكم يوم يعني شهر 12 و دوبها كملت 3 أشهر و معها فلتر البنزين و اللي أعرفه إذا كان الخلل في واحد من البواجي التفتفة و الرجفة بتكون على طول مو و السيارة باردة و إذا كانت طرمبة البنزين السيارة ما تشتغل لكن السيارة تشتغل و على طول
السيارة كابرس 2006 و السيارة لواحد من أقاربي و ماشية تقريبا 145000 و أتوقع احتمال كبير ما غير فلتر القير و الزيت المستخدم للمكينة 30-10 و حاليا وقفتها عند ورشة عشان يشوفها و هي باردة
اللي عنده أي اقتراح أو تجربة زي ما صار معي يا ليت يفيد و استناكم و أنا قدام الشاشة
يعطيكم العافية
