السلام عليكم ورحمة الله وبركاته
اكتب لكم موضوعي ياخوان وارجو مساعدتكم لي الله يعطيكم العافيه
صار لي بنشر على سيارتي وسبق ونزلت صور السياره بعد البنشر تضررت السياره وسعر القطع 11 الف ريال تقريبا بدون شغل يد
المهم سيارتي عليها تامين شامل من العربيه اول ماصار البنشر اتصلت عالمرور وكنت على طريق سفر وبعيد عن المدن بعد ماتصلت وشرحت للمرور قال امش عالسياره واذا دخلت للمدينه اتصل على نجم وهو يجيك لانه مايباشر حوادث عالطرق الطويله قلت ان شاء الله ومشيت لما وصلت الرياض ووقفت عند البيت اتصلت على نجم وجاو بعد ساعه تقريبا لما وصل قال الموظف وين الكفر القديم اللي بنشرت عليه قلت ماخذته تركته متقطع قال طيب ليه السياره نظيفه للعلم وصلت وغسلت السياره على طول هذي عاده فيني بعد كل مامسك طريق اغسل الموتر قلت وش يفيد اذا هو مغسل ولا باقي بغباره استقعد لي وقعد يماطل قلت له ياخي انت تبي تسوي خير وتكتاب لي التقرير ولا خلاص بلاها وانا بطريقتي راح اجيب لي تقرير ومنت الله ولامنتك ياخي قال طيب طيب صور السياره وصور مكان البنشر والاضرار ومشى
الاسبوع الماضي رحت للوكاله بعد مادخلت الموتر عندهم تفاجات انهم مادخلوه مع ان له 4 ايام مستلمين الموتر قلت وش السبب قال لي الموظف رفض التامين يصلحه قلت ليش راح وجاب لي التقرير مكتوب اسباب الرفض
1_عدم وجود الكفر القديم اللي هو التالف:rolleyes1:
2-عدم الانتظار في مكان الحادث وترك الموقع:smilie20:
3_عدم التبليغ عن الحادث في وقته ومضي وقت طويل عليه :a1120(121):يعني وش عرفهم اني اخذت كم يوزم مابلغت مع انه وبنفس اليوم بلغت:blue:
وبس هذا اللي صار باختصار قال الموظف استلم سيارتك ترى مراح نكطون مسئولين عنها لو سرقت قلت لا
مادري وش اسوي الكلام هذا صار له 5 ايام تقريبا وبحكم عملي برى الرياض وعدم تواجدي الا نهايه كل اف عندي ماسويت شي
افكر لما اروح بكره للرياض اروح لشركة نجم واقدم اعتراض هذا اللي جاء ببالي لو احد عنده اي نصيحه او مساعده اكون شاكر ومقدر له وبانتظاركم ياشباب
تحياتي للجميع
