السلام عليكم
عندي لكزس صالون
ومن كم يوم دخل في المقصورة
(برص) أو سحلية متوسطة الحجم
أثناء فتح الباب وتشغيل السيارة في الطبيلة
(أوالباركنغ) بالبيت ، ودخت مع هالبريعصي وأنا أحاول أقضي عليه
بدون أي فايدة.
آخر شيء شفته دخل تحت الدرج الأمامي
ولاحظت وجود فتحتين صغار هناك ، وعبثـًا حاولت
أستدرجه ولا فيه فايدة.
وديت السيارة محل تنظيف وتلميع واجتمعوا عليها 5 بلا فايدة.
تطمنت شوية وقلت يمكن مات أو طلع.
ثاني يوم جيت أركب السيارة لقيته واقف على العمود
الداخلي مقابل الراكب الأمامي (العبري) ، لكنه تحرك
بسرعة وراح دخل نفس المكان .
سقت السيارة وأنا متحفظ جدًا والشارع زحمة جدًا
ووديتها مباشرة مغسلة سيارات واجتمعوا عليها كمان 5
بالهواء المضغوط في كل السيارة بدون فايدة.
البارحة رشيت مبيد صراصير (أجلكم الله) وقفلت الزجاج
كله ، وكررت الرشة 10 صباحـًا ، وبالليل ما بيـّن شيء.
واليوم جاتني فكرة اللاصق الخاص بالفئران
شريته وحطيت كم حبة عيش (رز) وقطعة جبنة صغيرة
وصرصورين (نعم صرصورين مقتولين) - أجلكم الله -
وحطيت اللزقة بمحتوياتها على أرضية العبري الليلة .
جيت السيارة بعد 4 ساعات ولا لقيت شيء .
أرجوكم إخواني الأعزاء شوفوا لي طريقة فعالة
لقتله أو طرده ، ولازم أشوفه بعيوني علشان أتطمن
ولأن مجرد احتمال ظهوره فجأة قد يؤدي بي لحادث
لا يحمد عقباه .
السيارة وقفتها الليلة خارج البيت
في مكان (بحيث يكون بكرة تحت الشمس المباشرة)
مع اللاصق ، وناوي أتركها حتى بكرة بالليل ، ونشوف .
ألله يحفظنا وياكم جميعـًا
وبانتظار خبراتكم - إن وجدت - في مثل هالأحوال .
عندي لكزس صالون
ومن كم يوم دخل في المقصورة
(برص) أو سحلية متوسطة الحجم
أثناء فتح الباب وتشغيل السيارة في الطبيلة
(أوالباركنغ) بالبيت ، ودخت مع هالبريعصي وأنا أحاول أقضي عليه
بدون أي فايدة.
آخر شيء شفته دخل تحت الدرج الأمامي
ولاحظت وجود فتحتين صغار هناك ، وعبثـًا حاولت
أستدرجه ولا فيه فايدة.
وديت السيارة محل تنظيف وتلميع واجتمعوا عليها 5 بلا فايدة.
تطمنت شوية وقلت يمكن مات أو طلع.
ثاني يوم جيت أركب السيارة لقيته واقف على العمود
الداخلي مقابل الراكب الأمامي (العبري) ، لكنه تحرك
بسرعة وراح دخل نفس المكان .
سقت السيارة وأنا متحفظ جدًا والشارع زحمة جدًا
ووديتها مباشرة مغسلة سيارات واجتمعوا عليها كمان 5
بالهواء المضغوط في كل السيارة بدون فايدة.
البارحة رشيت مبيد صراصير (أجلكم الله) وقفلت الزجاج
كله ، وكررت الرشة 10 صباحـًا ، وبالليل ما بيـّن شيء.
واليوم جاتني فكرة اللاصق الخاص بالفئران
شريته وحطيت كم حبة عيش (رز) وقطعة جبنة صغيرة
وصرصورين (نعم صرصورين مقتولين) - أجلكم الله -
وحطيت اللزقة بمحتوياتها على أرضية العبري الليلة .
جيت السيارة بعد 4 ساعات ولا لقيت شيء .
أرجوكم إخواني الأعزاء شوفوا لي طريقة فعالة
لقتله أو طرده ، ولازم أشوفه بعيوني علشان أتطمن
ولأن مجرد احتمال ظهوره فجأة قد يؤدي بي لحادث
لا يحمد عقباه .
السيارة وقفتها الليلة خارج البيت
في مكان (بحيث يكون بكرة تحت الشمس المباشرة)
مع اللاصق ، وناوي أتركها حتى بكرة بالليل ، ونشوف .
ألله يحفظنا وياكم جميعـًا
وبانتظار خبراتكم - إن وجدت - في مثل هالأحوال .
