المشكله في السمعه الي اكتسبتها الشركه لا دعايات ولا عروض
ولا فروع صيانه + احتكار في قطع الغيار
حالها من حال متسوبيشي و يمكن المازدا افضل من ناحيه مابعد البيع
و المشكله في الصيانه خارج الوكاله لو تعطلت اخوانا الشاميين هم الي يشتغلون عليها و يضربون في السعر
اذكر في 2003 كنت راح اخذ زوم زوم هع المهم المكينه كانت معقده 32 بلف على 4 سيليندر و قير توب ترونك كانت من اول الشركات اليابانيه تنزله على سيارات عاديه مو من الطبقه الفاخره
قال الموظف و اذكرها الى الان اذا اخترب اي شي في المكينه لو تفر الورش كلها ماراح يصلحونها غير الوكاله ؟؟؟ هذا سبب في امتناعي عن شرائها مع انها عاجبتني
و عند البيع تجربه صاحبي زوم 3 2005 استخدام سنه
في السوق ماحيد يسومها غير اخوانا الشاميين وهم الي اشتروها في الاخر ولما سالنا عن السبب قالي
انتو ماتعرفون للسياره عندكم مو مرغوبه لكن عندنا القطع رخيصه مره و اي شي راح نجيبه من هناك .. طبعا طاح اكثر من ثلث قيمتها اذا مو نص
من الاخر سبب عدم رغبه الناس فيها في مجتمعنا يعود الى الوكيل و كيف كان تعامله و الى الان فرع صيانه واحد فقط يخدم الشرقيه ؟!؟!؟ و معه وكاله بيجو كمان ايش يغطو وايش يلحق ورى العملاء ؟؟!!!
مازدا وضعها صعب الصراحه مع انها مشتركه مع فورد في تطويير المحرك مثل ماسمعت
متسوبيشي وضعها افضل بسبب اعتمادها على بيع الشاحنات و البيك اب و العقود مع الشركات اكثر من بيع السيارات العاديه
و اكثر اهتمامهم في الاشخاص هو بيع الباجيرو و الانسر
و اسف على الاطاله و هذا من وجهت نظري
