شيفرولية تاهو له شعبية كبيرة عندنا بالخليج وخاصة بالسعودية وأي مشوار تطلع له داخل الرياض خاصة والمدن الكبيرة لازم تقابل ثلاثة او اربع تاهو على الأقل والسيارة وإن كان عليها ملاحظات الا انها منتشرة بشكل كبير جدا
طبعا هنا بالمنتدى نتابع أخبار السيارات وجديدها خاصة السيارات الشعبية مثل التاهو ، ومن خلال بحثي بالنت لقيت كذا تاهو 2015 الجيل الجديد معروض للبيع وفيه صور مع الأسعار والمواصفات ، ومن باب نشر الفائدة أطرح لكم هالموضوع بتعليقاتي وملاحظاتي وبعض المعلومات
الجيل الحالي 2007 - 2014 فيه ثلاث أو أربع فئات
LS وهذا ستاندر
LT وهذا المنتشر ويعتبر نص فل
LTZ وهذا الفل كامل ويقابله باليوكون الدينالي
نزل عندنا بالسعودية فئة Z71 لكن قليل جدا وكمية محدودة
الموديل الجديد 2015 أصبحت فئة الـ LS بمكانة الـ LT وهذا ظاهر من خلال المواصفات المطروحة بالمواقع الأمريكية
محرك الجيل الجديد أصبح بنظام إيكوتك ، ثمانية سلندر بحجم 5.3 وقوة حصانية تبلغ 355 حصان وقير 6 سرعات
خلونا نشوف صور تفصيلية للتاهو فئة LS دبل وسعره بأمريكا تقريبا 48 ألف دولار ولو حسبناها بالسعودي تقريباً 180 ألف ريال !!!!
وبدون دبل قرابة 170 ألف ريال !!
السعر عالي جداً وأنصح المستخدمين اللي ما يقدرون على سعر الجديد باستغلال العروض على موديل 2014 لأن الفارق قرابة 45 ألف ريال !!!
هنا المرتبة الأمامية مفصولة ومتصلة بوقت واحد وهاذي ميزة يبدو أنها تفردت بها جي إم في السيارات العائلية و تعتبر مفيدة لاستيعاب راكب إضافي
المرتبة الخلفية ( الوسطى ) واتمنى أن تكون خامة القماشات أنعم من الجيل الحالي الشبيه بالبلاستيك ! مع ان خامة الأمريكي افضل وشفته بالمعارض كذا مرة لكن مدري ليه مواصفاتنا أحياناً تكون أقل !
المرتبة الأخيرة
وطريقة طيها رائعة جداً ومريحة من نواحي عديدة
يعني ما يحتاج تفك وتنزل المراتب
وممكن تصفطها وتنام فيها بالبر أو بالسفر
مساحة جيدة لحفظ الأغراض الخفيفة
يعجبني تصميم ديكورات الأبواب ويبدو أن جودتها عالية أكثر من الجيل الحالي
يتبع
