هونداي ازيرا 2014 ولا هوندا اكورد 2014 ؟!

والله يالغالي الأزيرا سيارة ممتااااااااااااازة وجباااااااااااااااارة بالنسبة لسعرها

والسنتافي هذا جيب مثالي بمعنى الكلمة ،، انا جربة النوع القصير والنوع الطويل صراحه شي جمييييييييل من هيوناي انها تصدر جيب مثل هذا

شوف انت إيش أحتياجك للسيارة ،، هل انت راعي بر وسفريات ؟؟؟ هل انت تميل حق الصالون او الجيب ؟؟؟

يعني الإختيار بين الأزيرا والسنتافي كله صحييييييييييييح بعد الإستخارة

الله يوفقك

يعطيكم العافيه حبايب قلبي و م قصرتوا

ولسى المجال مفتوح للتفكير

افيدونا :bigggrin:

أشوف الأزيرا أفضل في المواصفات والراحة والصيانة والقطع والحجم والمحرك

والأكورد أفضل في الجودة على المدى الطويل والحداثة والإسم والأمان ،

ومتقاربين في الرساوة والتصميم ، أرشح الأزيرا ....

بالنسبة للسنتافي قارن بينه وبين الأزيرا حسب احتياجاتك واستخدامك ....

بالتوفيق وأهم شيء صلاة الإستخارة .....

ي جمممماعه !

قممممممممممممممت افكر في السنتافي سبورت فل كامل , وش رايكم بالله ؟ :bigggrin:

الأزيرا أفضل , خصوصاً أن الأكورد ماهي فل كامل :)
بالتوفيق أن شاء الله

هو صحيح ان هونداي بدأت تتطور من ناحية الجودة ولكن اعرف ناس يقولون لي
ان الازيرا فيها خرابات شائعه مثل ان البناوراما تطقطق عندهم ..

بالنسبة للي قالي أورين ..
أنت بالله مقتنع ان هذي سيارة؟ اقصد من ناحية الشكل الخارجي والداخلي

الازيرا 6 سلندر بس ان تسارعها الى 100 تستغرق 10 ثواني

\ فيه احد يعرف موزع بالدمام وعندهم ازيرا ؟

لان الوكالة حسب كلامهم ان مافيه وينتظرون 2015

وبالنهاية حاب اقول ان شكلي باخذ ازيرا :bigggrin:

الازيرا مقارنة بالأكورد هي الافضل بكل تأكييد

فئه أعلى ومساحه أكبر وعزل أفضل ومواصفات وبسعر مغري ورائع

وله ثلاث وكلاء في المملكه عكس الاكورد وكيله عبد الله هاشم واسعار قطع

الغيار عنده مولعه لكن الاكورد يشهد له بالصبر والتحمل بس مايعني

ان الازيرا سيئه لا , المشكله فقط هو الفيس لفت في 2015 يعني لازم تصبر

كم شهر وإذا انا مكانك راح اخذ الازيرا وبكل قوه وسعر الفل كامل

بــ 115 الف فيها تبريد وتسخين وزينون وجميع المواصفات

بالنسبه لي اخذ اكورد حتي لو اربعه سلندر
شكل جميل وتخدم لسنوااات
لكن لو فكرت في السته سلندر. اخذ تورس
ومبروك مقدما

انا مثلك كنت محتار حيره قويه بين الازيرا واكورد سبشل

لاكن فكرت فيها هونداي الان صارت جودتها عاليه ماراح اشيل هم خراباتها اذا انا راح احافظ عليها
غير كذا الاكورد صحيح جوده وشكل جديد ودلع بس 4 سلندر مقابل 6 سلندر للازيرا برضو السرعه القصوى بالازيرا 255 مقارنه بالاكورد 215 هذا من ناحيه القوه

انصحك بالازيرا بالنسبه للشكل 2015 فيس لفت 2016 او 17 ممكن الشكل الجديد

و عليكم السلام و رحمة الله و بركاته
نُقل الموضوع إلى القسم الصحيح

الكفة تميل للأزيرا بكل جدارة .

وبالنسبة لأسعار قطع الغيار لسيارات هوندا فهي غالية جدا وهذا الأمر على مستوى الخليج !

قبل فترة سألت عن حساس القير للأكورد 2011 وطلع سعره 992 ريال بعد الخصم واتصلت على وكلاء هوندا في الخليج والسعر متقارب جدا.
92 دينار بحريني
61 دينار كويتي
960 درهم اماراتي

لذلك لا أنصح بالأكورد أبدا والأزيرا لها 3 وكلاء وقطع أسعارها معقولة.

للعلم فقط
ترى السيارات كل مازادت تقنياتها كثرت بلاويها
يعني انت بتشتري سياره تريحك ولا سياره تعرفك على الورش ؟

الأكورد الأربعه سلندر ستاندر بـ 107 الف ؟؟
ياخي ليش ماتوسع اختياراتك وتشتري تويوتا اوريون
اتوقع انها افضل حسب رأيي
ولكن اذا اصريت مابين السيارتين المذكوره اعلاه خذ الأزيرا وانت مغمض

وربي غير الازيرا لا تااخذ .. يااخي مووووتر

اليوم سقتها من جنوب جده ل ذهبان يااخي مرييييييييحه بالخط

سواقتها جدآ جميله ، قطع غيارها اسعارها جدآ مناسبه بالنسبه ل سياره سيدان فخمه

بس عيبها الوحيد سعر الاسطبات الاماميه ، بس بصراحه تستاهل شوف الاضاءه كيف led

انا خلاص بعد ما سقتها هالمسافه نويت عليها بس منتظر 2015

اذا شفت التغييرات مالها داعي نزلت الحراج وصكيت لي 2014

ومبروك مقدمآ ، بلا اكورد بلا كذب .. امريكيه وقطع غيارها تقول معك بي ام وعلى ايش ؟

اتوكل ازيرا ولا يردك الا المعارض =))

حدثثثثثثثثثثثثثثثثوني !!

ما سمعت عن العرض بس ما اتوقع ان الفل ب 88
مو معقول السعر !!
بس تتوقع شكلها مابيتغير كليا الا على 2017 كذا ؟
بس ماقلت لي اكورد ولا ازيرا :tongue: