فولفو S80 أو أكورد V6 موديل 2014

حسب ماذكر لي الموظف أنه بإمكانك استبدال السيارة بعد حسب نقاط معينة ودفع الفرق ..

أما إذا كنت بنزلها السوق ف سعرها سيكون زهيد و الطلب عليها ضعيف جداً على الفولفو ..


جزاك الله خير ..

شاكر لك مرورك .. واتفق معاك على النقطة اللي ذكرتها ..

نسيت اعلق على هالنقطة
القطع مافي اي مشاكل الحمدلله

وحتى لو رحت لهم وقتها ولا كانت موجودة يجيبونها لك عن طريق DHL ما تاخذ يومين الا وهي عندك
هالشي حصل معي على اكسسوار وليس قطعة مهمة! ومع ذلك وفروها لي بشكل سريع

صدقني أفضل من غيرهم بكثير من هالناحية لكن الناس تتخوف من الشي اللي تجهله

طالما تحتاج سيارة للخطوط لن تجد مثل الفولفو
راحة + رساوة + عزل + أمان باذن الله

وما دامت الصيانة مجانية ٥ سنوات فمافي شي تشيل همه
السيارة اعتمادية وعملية وخراباتها قليلة مهما كرفتها


مافيه ٥ سلندر حاليا بالنسبة للـS80
حتى المكينة T5 الرقم لا يدل على عدد السلندرات وانما ترتيب المكينة
كل ما زاد الرقم زادت القوة

T4 = ٤ سلندر ١٨٠ حصان ممكن تزيد الى ٢٠٠ حصان
T5 = ٤ سلندر ٢٤٠ حصان ممكن تزيد الى ٢٥٠ حصان
T6 = ٦ سلندر ٣٠٤ أحصنة ممكن تزيد الى ٣٢٩ حصان

كلها توربو وزيادة الأحصنة تكون عن طريق برمجة لكمبيوتر السيارة تسويه الوكالة بنفسها


الأكورد ممتازة واعتماديتها وجودتها عالية وهي أيضا آمنة وأوفر لك بكثير
لكنها ليست مريحة وأظنها بتتعبك في الخط.

بالتوفيق واي سؤال لا تتردد

والله اذا كان باستطاعتك دفع مبلغ الفولفو فلا تتردد أبدا

أنت تقطع مشواير مو هينه وتحتاج سياره ترتاح فيها

سواءاً وأنت جالس فيها أو حتى كعزل

وأيضا عرض الصيانة ممتاز وإن شاء الله ما تعاني من أي شي

أما بالنسبه للوهندا فما أنصحك فيها

الشكاوي كثيره من بعض الأعضاء بسبب عزلها

والسبورت بيكون الجنط كبير والعزل بيكون سيء وأيضا غير مريحه في السفر

فالحقيقه هذا كل ما لدي وأتمنى أكون ساعدتك ولو بالقليل ..

انصحك بالفولفو
لأنها سياره اوربيه سويديه تحديدا و جوده لايستهان فيها
و انت قلتها صيانه مجانيه
و مع استخدامك للسياره لمدة 5 سنوات على سببيل المثال
ستكون مستهلكه و يفضل بيعها
لاككن هي تكون خدمتك في هذا المشوار الطويل
ملحوظه سعر البيع نازل
لاكن بنسبه لي لايهمني سعر البيع بقدر راحتي و استخدامي للسياره