اذا انت مأخذ فل كامل ما نصح بتظليل الزجاج الامامي
لان فيه أيضاً ورا المرايه كاميرا حقت تحديد المسار والسياره الي قدامك وايضاً حساس للمطر والضوء
الله يجزاك خير أخي، و إن شاء الله يسهل أمرك بالسيارة الجديدة و يعطيك خيرها و يكفيك شرها.
نعم ادري عن الكاميرا و الحساس، لكنهم داخل علبة راكبة على القزاز، و ما أظنهم (حقيقة ما سألتهم) بيفكونها و يركبون العازل تحتها. اظن بيركبونه حولها.
لكن يمكن يسبب مشكلة للمرايا الداخلية لأن فيها حساس للضؤ موجه للأمام، ارجو ان لايكون حساس المطر معاها.
والمرايا الصراحة مضايقتني قبل ما اركب العازل. في الليل تغمق سواء رضيت أم أبيت، ما اشوف زين، اضغط الإزرار يفتّح اللون، اذا سيارة خلفي نوره مضايقني اضغط الإزرار مرة ثانية تغمق، بعدين (بعد ما تزول المضايقة) ارجع اضغط عليه مرة أخرى وهكذا. لكن تاخذ لها وقت لتغيير الحالة، ماهو تغيير فوري مثل المرايا العادية. واذا طفيت المكينة و رجعت شغلتها، تشتغل، ما ترجع مثل ما تركتها آخر مرة. آآآخر علعلة.
نرجع لموضوع العازل، فيه عوازل الآن جدا فاتحة الوانها فما اظن تأثيرها بيكون كبير على الكاميرات أو حساسات الضؤ.
و اذا بتركب عازل حراري للسيارة (سولار و ليس فقط تظليل)، فيجب ان تركبه على كل الزجاج (حتى فتحة السقف) و الا لن يكون فعال، يعني خسارة فلوس.
