انتقلت من الياباني إلى الكوري

أبو مؤيد @user_128009 · 08-05-2014

السلام عليكم

قبل 7 شهور تقريبا كنت محتار جداً بين السيارات

بدأت احصرها واركز على السيارات بمواصفات معينة بالمبلغ اللي معي وهو 130 الف

مثلاً, الملاحة
يعتبر خاصية اساسية في السيارة الجديدة اللي بشتريها

الراحة + العزل وغيرها تعتبر مواصفات اساسية

بالمبلغ المذكور

وقعت في اختيار 3 سيارات

CX9 2014 فل كامل
اكورد 2013 4 سلندر فل كامل
هيونداي ازيرا 2014 6 سلندر فل كامل

هنا بدأ الصداع وبدأ البحث عن العيوب والمشاكل وغيرها بالمواقع والمنتديات
وبدأت استشير الشباب المستخدم وغبر المستخدم للسيارة
وهنا الغلطة

لاتستشير أحد ماجرب السيارة ويتفلسف عليك ويقولك ولد عمي وخويي

حتى صاحب السيارة , سواقته اكيد تختلف عن سواقتك
ممكن صاحب السيارة مو محافظ عليها ولا مداوم على صيانتها وبيشتكي منها

انا كنت ضد الكوري تماماً وليس عن تجربة
فقط سمعة لاغير

حذفت الأزيرا من القائمة بحكم سمعة الكوري الخاطئة والمتناقلة بين الناس
الأكورد كان فيها عيب بدخول الهواء من باب السائق وهذي عن تجربة مني شخصيا لسيارتين أكورد 2013

وقع الخيار على ال CX9 واللي زادني ثقة عبارة "صنع في اليابان"

السيارة بعد شرائها كانت ممتازة
لكن للأسف بعد أول خط أو اول سفرة على السيارة من الرياض لجدة

بدأت المشاكل بالظهور
بأحصر لكم مشاكل السيارة
1- صوت حساسات الرجوع للخلف R معلق ومسبب ازعاج داخل السيارة
2- عند التعشيق من 4-5 يوجد هزة قوية بالسيارة
3- صوت طقة قوية بالمكينة عن اطفاء السيارة
4- البنزين كان يمشيني 630 كيلو الآن يمشيني 450 كيلو
5- اختفاء الرادار الأمامي في الظهر فقط وذلك لقوة الشمس
6- السيارة تشرب بنزين بشكل غير طبيعي حتى مع القيادة الهادئة كأنها 12 سلندر
7- صوت ضرب حديد اسفل السيارة عن المشي على عيون القطط
8- اصوات الديكور والبلاستيك السئ الداخلي , حتى قاعدة القير تتحرك يمين ويسار

تم مراجعة الوكالة بجميع المشاكل اعلاه
في البداية قالوا كلها طبيعي مافيها شي

رفعت بلاغ لوزارة التجارة , صارت الوكالة تتصل علي عشان وصلهم خطاب من التجارة

بعد الخطاب راجعتهم , قاموا بتغيير جميع الحساسات الخلفية والحمدلله اختفت المشكلة الأولى

وللأسف ردهم كان بأن المشاكل الأخرى طبيعية بالسيارة

السيارة كانت ماشية 15 الف فقط
كنت شهريا وانا في الوكالة عشان العيوب المصنعية

قررت في الأخير اني ابيعها واشتري غيرها وارتاح
بعتها بخسارة للأسف
حتى الياباني مامسك سعره وقت البيع
ثقافة تويوتا فقط هي اللي تمسك سعرها

قررت اني اشتري بدون ماأشاور أحد
الحمدلله اشتريت هيونداي جينيسس 2014 مستخدمه ماشية 15 الف

السيارة ماشاء الله تبارك الله جديدة وتم شرائها من شايب ثقة
فحصتها من إلى , ماشاء الله تبارك الله لايوجد أي شئ

انصدمت من جودة الكوري
انصدمت من هدوء الكوري
انصدمت من فخامة الكوري

وين اللي يذمون في الكوري ؟
صاروا يتحسسون لأي صوت في السيارة عشان يقولون كوري تعبان

ارتحت بعد شرائها
الله يسامحك يالمازدا

نصيحة لكل المقبلين على شراء سيارة جديدة
لايهمك كلام الناس , فلسفة فقط وسمعة متناقلة خاطئة عن جميع الشركات
مثلا التشارجر
ناس تذم وناس تمدح

جرب السيارة بنفسك وأقرأ عنها
لاتخاف من الشركات
الضمان موجود
الخوف فقط من الوكيل السيئ

استمتع وارضى باختيارك للسيارة
لاترضي الناس بشرائك لسيارة لاتريدها

سيارتك
ملكك
يوميا 4 ساعات مابين دوام وبيت ومشاوير وغيرها بسيارتك
تمتع بها

S2K @user_5614 · 23-05-2014

لاأعلم في أي سطر من السطور ذكرت أن جودة تويوتا أفضل من هيونداي؟ هل تعي معنى كلمة "نسبياً"؟

وما علاقة نوع السيارة التي أقودها في الموضوع! ولكن لارضاء فضولك فأنا امتلكت سيارات هوندا و 350Z وانفنيتي G35 و BMW M3 وفورد وبيجو وسوزوكي.. ونعم أنا سبق وأن قدت الجينيسس لمدة أسبوع وغيرها من السيارت من جميع الماركات والحمدالله.. فمافي داعي "نشخصن الموضوع"...

ردي فيه ملاحظة مبطنة للسيارات اليابانية أنهم إذا ما استكانوا للسمعة السابقة لجودة مركباتهم فإن الكوريين قادمون بقوة...

رحاااااال @user_277946 · 21-05-2014

يا خوي مسألة ان الكوري ما وصل إلى جودة الياباني !!!!!!!!!!

هذي قاعدة خاطئة ياخوي ،، صدقني انا اشوف وغيري يشوف ان الياباني قلت جودته مع الأيام بإستثناء الكزس اما الأفالون وباقي التويوتا من سيئ إلى اسوء والله

روح بنفسك ولاحظ الله يبارك فيك

انا لاحظت ان في من الأعضاء من رجعو عن انتقاد الكوري بسبب الواقع والأرقام العالمية للأمان وهذي الأمور

وانا شخصيا أعرف ناس انتقلو من التويوتا إلى الهيونداي ولا عاد يرجعون لها مره ثانية

انتبهو يا جماعة حق كل فلس تدفعونه في سيارات لافيها أمان ولا جودة بس بأسم السعر بعد البيع !!!!!

تفكير خطئ في خطئ في خطئ

Talal Aziz @user_297454 · 21-05-2014

^^

تقنعني ان تويوتا احسن من هيونداي ؟!

جب لي موتر واحد بس فيه جودة

ماعندك الا هوندا حتى هوندا ما قدرت تنافس باكورا

اذا كان هيونداي بعلامتها العاديه تنافس لكزس

تلقاك سايق النترا وسوناتا وتقول هالكلام

جرب الازيرا جينيسيس سنتافي الخ

S2K @user_5614 · 21-05-2014

طبيعة عملي تتطلب استأجر سيارة لمدة يوم على الأقل مرتين لثلاث مرات في الشهر والسفر بها أكثر من 100 كيلو... بالإضافة لتجاربي الشخصية أيضاً..

بكل أمانة الكوري نعم تتطور وفي تحسن جيل عن جيل لكن تظل السيارة كبكج كامل ناقصة الإنسجام او التناغم "Harmony" في عمل قطعها الميكانيكية مع بعض بشكل جميل.. مازال يوجد تلك الحلقة المفقودة بين السائق والطريق من خلال السيارة الكورية....

بالنسبة للداخلية وجودتها لاحظت إن الهيونداي أفضل الكوري مع استمرار تفوق السيارات اليابانية نسبياً في جودة التركيب وتماسك القطع وقلة الأصوات...

إذا ما استمرت هيونداي على هذا النهج فسوف تصل لمستوى الجودة اليابانية والتي بدورها في تطور أيضاً والصراع على أشده....

أبو مؤيد @user_128009 صاحب الموضوع · 20-05-2014

M

MaiThooM

كلامك صحيح .. سوبارو و ميتسوبيشي يعيبهم ضعف الوكيل ..
ولكن لا اعلم عن اسعار قطع الغيار ..
والسوبارو تعقيدها بسبب محركات البوكسر ..
وطريقة تصميمها .. صح انها محركات جبارة
لكن تكلفة تصليحها غالية ومو أي واحد يقدر يشتغل فيها

كان لي تجربة بسوبارو ليجاسي من 2007 وحتى 2014

صيانة غالية جداً
صيانة ال 100 الف سعرها 5300 ريال بالوكالة

قطع الغيار نار

MaiThooM @user_297982 · 20-05-2014

ا

ابوفارس1212

والله يباركلك فيها ياخوي
ومستوبيشي سيارات جودتها عاليه وعمليه اكثر من تويوتا ونا مجربها
ولكن قطع الغيار جداا عاليه والوكيل ضعيف واثناء البيع ينزل سعرها والسوبارو مثل مستوبيشي ولكن فيها تعقيد اذا تعطله مو اي احد
يعرف لها ونيسان يكفيك تبحث في النت عن مشاكله كثيره

وهذا الي انا اشوفه

كلامك صحيح .. سوبارو و ميتسوبيشي يعيبهم ضعف الوكيل ..
ولكن لا اعلم عن اسعار قطع الغيار ..
والسوبارو تعقيدها بسبب محركات البوكسر ..
وطريقة تصميمها .. صح انها محركات جبارة
لكن تكلفة تصليحها غالية ومو أي واحد يقدر يشتغل فيها

بوعبدالوهاب @user_296378 · 19-05-2014

A

Azizm123

الأعطال اللي تتكلم عنها ماهي شي كبير !! قول لي قير ! مكينه ! أما عكوس ورديتر ! ترى يعتمد على سواقه صاحب السياره اذا ياكل مطبات بتتكسر العكوس والرديتر بينشق !

عموماً كلن ينام على الجنب اللي يريحه ! ما راح اتمرمط معاك بالورش إذا صار لموترك شي ..

بالتوفيق :xyxwave:

السواقة ما لها علاقة بالرديتر والدينمو والكومبروسر هذا قلة جودة

ابوفارس1212 @user_280537 · 19-05-2014

m

mazda62005

الحمد لله استخدم مازدا اكثر من عشر سنين وما واجهتي مشاكل بالسياره واذا على مشاكل السيارات بشكل عام كل السيارات لازم يطلع واحد تحصل عنده مشكله ان كان هوندا او تويوتا وياما سمعنا عن خراب مكاين وقيور في سيارات جديده فيا خوي لا تعمم والياباني ليس هوندا وتويوتا فقط عندك مازدا وسوبارو ومتسوبيشي ونيسان.

والله يباركلك فيها ياخوي
ومستوبيشي سيارات جودتها عاليه وعمليه اكثر من تويوتا ونا مجربها
ولكن قطع الغيار جداا عاليه والوكيل ضعيف واثناء البيع ينزل سعرها والسوبارو مثل مستوبيشي ولكن فيها تعقيد اذا تعطله مو اي احد
يعرف لها ونيسان يكفيك تبحث في النت عن مشاكله كثيره

وهذا الي انا اشوفه

Azizm123 @user_300396 · 18-05-2014

ب

بوعبدالوهاب

هذا انت قلتا لاندكروزر موديل 99 ذاك الوقت تويوتا ما عليها كلام الحين تغير الوضع الجودة في انحدار انا اعرف واحد عنده لاندكروزر 2007 ما يتحرك الا يومين فالاسبوع وفيه كذا علة :c0038:
واعرف واحد معه كامري 2009 ضرب عنده دينمو الكهرب والعكوس والرديتر و 2 من اخواني معهم كوامري نفس الموديل كلهم ضرب عليهم الدينمو وواحد منهم ضرب عليه الكمبروسر وانا عندي ازيرا 2008 تجاوزت 200 الف كيلو واغلبها في خطوط ما غيرت الا الاستهلاكي بس ما شاء الله تبارك الله كيف ما تبيني اثق فالكوري وفي نفس الوقت اذم في التويوتا وكل هالاشياء شوف عيني ماحد قالي

الأعطال اللي تتكلم عنها ماهي شي كبير !! قول لي قير ! مكينه ! أما عكوس ورديتر ! ترى يعتمد على سواقه صاحب السياره اذا ياكل مطبات بتتكسر العكوس والرديتر بينشق !

عموماً كلن ينام على الجنب اللي يريحه ! ما راح اتمرمط معاك بالورش إذا صار لموترك شي ..

بالتوفيق :xyxwave:

بوعبدالوهاب @user_296378 · 18-05-2014

A

Azizm123

انا من وجهه نظري جودة السياره اللي تخدمك فتره طويله بدون ما تتعطل اعطال كبيره ..

كان عندنا لاندكروزر موديل 99 وخدمنا الى 2010 وكان ماشي فوق الـ 350 الف والله ما غيرنا فيه الا القطع الاستهلاكية ! وبرضوا كان فيه حيل والموتر ما يشتكي من شي ! وبعناه بـ 75 الف ! واشترينا كرزور 2010 والحين ماشي 140 الف .. كيف تبوني ما اثق بالمنتج الياباني وبسهوله اتخلى عنه ! وقت اللي اشوف سواناتا سوناتا ماشيه 350 الف كيلو وبدون مشاكل ذيك الساعه قولو لي الكوري صار يستاهل الواحد يحط فيه فلوسه ! وبعدين حتى السيارات الصينيه تمشيك 4-5 سنوات بدون مشاكل ..

هذا انت قلتا لاندكروزر موديل 99 ذاك الوقت تويوتا ما عليها كلام الحين تغير الوضع الجودة في انحدار انا اعرف واحد عنده لاندكروزر 2007 ما يتحرك الا يومين فالاسبوع وفيه كذا علة :c0038:
واعرف واحد معه كامري 2009 ضرب عنده دينمو الكهرب والعكوس والرديتر و 2 من اخواني معهم كوامري نفس الموديل كلهم ضرب عليهم الدينمو وواحد منهم ضرب عليه الكمبروسر وانا عندي ازيرا 2008 تجاوزت 200 الف كيلو واغلبها في خطوط ما غيرت الا الاستهلاكي بس ما شاء الله تبارك الله كيف ما تبيني اثق فالكوري وفي نفس الوقت اذم في التويوتا وكل هالاشياء شوف عيني ماحد قالي

Azizm123 @user_300396 · 18-05-2014

انا من وجهه نظري جودة السياره اللي تخدمك فتره طويله بدون ما تتعطل اعطال كبيره ..

كان عندنا لاندكروزر موديل 99 وخدمنا الى 2010 وكان ماشي فوق الـ 350 الف والله ما غيرنا فيه الا القطع الاستهلاكية ! وبرضوا كان فيه حيل والموتر ما يشتكي من شي ! وبعناه بـ 75 الف ! واشترينا كرزور 2010 والحين ماشي 140 الف .. كيف تبوني ما اثق بالمنتج الياباني وبسهوله اتخلى عنه ! وقت اللي اشوف سواناتا سوناتا ماشيه 350 الف كيلو وبدون مشاكل ذيك الساعه قولو لي الكوري صار يستاهل الواحد يحط فيه فلوسه ! وبعدين حتى السيارات الصينيه تمشيك 4-5 سنوات بدون مشاكل ..

CLASSIC @user_295808 · 18-05-2014

اقول ارجع للياباني واترك الكوري ابو هربدة ( يدور حرش ) ذذذ

bo 3low @user_300999 · 18-05-2014

m

mazda62005

الحمد لله استخدم مازدا اكثر من عشر سنين وما واجهتي مشاكل بالسياره واذا على مشاكل السيارات بشكل عام كل السيارات لازم يطلع واحد تحصل عنده مشكله ان كان هوندا او تويوتا وياما سمعنا عن خراب مكاين وقيور في سيارات جديده فيا خوي لا تعمم والياباني ليس هوندا وتويوتا فقط عندك مازدا وسوبارو ومتسوبيشي ونيسان.

كلام سليم 100% :xyxthumbs:

أبو مؤيد @user_128009 صاحب الموضوع · 18-05-2014

m

mazda62005

الحمد لله استخدم مازدا اكثر من عشر سنين وما واجهتي مشاكل بالسياره واذا على مشاكل السيارات بشكل عام كل السيارات لازم يطلع واحد تحصل عنده مشكله ان كان هوندا او تويوتا وياما سمعنا عن خراب مكاين وقيور في سيارات جديده فيا خوي لا تعمم والياباني ليس هوندا وتويوتا فقط عندك مازدا وسوبارو ومتسوبيشي ونيسان.

:xyxthumbs::xyxthumbs:

mazda62005 @user_98759 · 18-05-2014

ا

ابوفارس1212

والمازدا للان للاسف فاسده
حتى انا للاسف اعرف واحد خبط عليه جربكس مازدا جديد نفس الجيب حقك بس الشكل القديم والرجال من كثر مشاكله كره السياره وراح بيبيعه ماجابله نصف القيمه الى
شراه فيه

ومو كل ياباني يعني اصلي في ياباني تعبان مثل المازدا
واذا تبي الياباني الصح الاعتمادي من جميع النواحي هو تويوتا وهوندا ولكزس غيره لا تدور عند اليبانيين

والف مبروك على الجينسس سياره جباره والكل يمدح فيها

الحمد لله استخدم مازدا اكثر من عشر سنين وما واجهتي مشاكل بالسياره واذا على مشاكل السيارات بشكل عام كل السيارات لازم يطلع واحد تحصل عنده مشكله ان كان هوندا او تويوتا وياما سمعنا عن خراب مكاين وقيور في سيارات جديده فيا خوي لا تعمم والياباني ليس هوندا وتويوتا فقط عندك مازدا وسوبارو ومتسوبيشي ونيسان.

ابوفارس1212 @user_280537 · 18-05-2014

والمازدا للان للاسف فاسده
حتى انا للاسف اعرف واحد خبط عليه جربكس مازدا جديد نفس الجيب حقك بس الشكل القديم والرجال من كثر مشاكله كره السياره وراح بيبيعه ماجابله نصف القيمه الى
شراه فيه

ومو كل ياباني يعني اصلي في ياباني تعبان مثل المازدا
واذا تبي الياباني الصح الاعتمادي من جميع النواحي هو تويوتا وهوندا ولكزس غيره لا تدور عند اليبانيين

والف مبروك على الجينسس سياره جباره والكل يمدح فيها

الفجر @user_19253 · 17-05-2014

فعلا الكوري اثبت نفسه بجدارة

bo 3low @user_300999 · 13-05-2014

ر

رحاااااال

للاسف لاحظ أغلب إلي ينتقدون الكوري بنو آرائهم على العاطفه فقط !!!!

يقولك تبقي هيونداي هههههههههه

ياخي البني آدم يتغير ويتطور ويصير افضل فا كيف بالسيارة إلي يصنعها الإنسان !!!!!

ههههههه وضع مضحك والله

صدقت فيها واولهم انا
بعد ماشفت مواصفات الجنسس والسوناتا
الكوري تقدم
وما اقتنعت فيه الا لما اخذت الجنسس افضل سيارة امان بفئتها
بعدها اقتنعت ان الكوري بدا ينتج سيارات بتصميم انيق وجميل واهم حاجة امانن بالتوفيق ان شاء الله
وانا اشوف انها تستاهل سعرها بالنسبة للانظمة الي فيها والامان

رحاااااال @user_277946 · 12-05-2014

للاسف لاحظ أغلب إلي ينتقدون الكوري بنو آرائهم على العاطفه فقط !!!!

يقولك تبقي هيونداي هههههههههه

ياخي البني آدم يتغير ويتطور ويصير افضل فا كيف بالسيارة إلي يصنعها الإنسان !!!!!

ههههههه وضع مضحك والله