بالفعل لابد من التضحية لبعض رغباتك فمن الصعب انك تحصل جميع ما ترغب به في سيارة واحدة وبسعر معين
تضحيه بالوكيل وبخدمات ما بعد البيع ( انفنتي )
تضحيه بالحجم والمساحة الداخلية ( لكزس )
تضحيه بالعلامة الفاخرة ( هونداي جينيسيس )
لكن في النهاية انصحك بأحد هذه السيارات
فكر في الموضوع مرة ثانية
عداك العيب يابعدي
وكل المشكله في هذه الخيارات بالذات الانفنتي المغريه ولكنها حتى الان وضعها غامض وغير مستقر
بفكر مجددا ومشكور على اضافتك يالغالي
من قال انهم نفس الحجم ؟؟ ادخل على الرابط هذا و شوف المقارنة و ادخل على الـ Measurements و شوف من اللي أرقامها أعلى
http://www.edmunds.com/car-comparisons/?veh1=200459661|&veh2=200443803|sedan&show=0&comparatorId=827746
شكرا على اضافتك ومشاركتك ياعسل ومنور يابعدي
الاخوان افادوك
وانا ارشح لك الانفنتي Q50S من ثم الجنسس
لا تبعد عن السيارتين ذيلي اذا تبي كل المواصفات
فخامة اداء رياضي وشكل رياضي وقوة وشكل جديد
هذا بلا ابوك ياعقاب
ننتظر ونستخير ونشوف
شكرا على مشاركتك يالذيب ولا هنت
الـ Q50 بحجم الـ GS وليس الـ IS :c0214:
هلابك يابطل تسلم على اضافتك ومنور
إسمع مني ... انا على قول زين العابدين "فهمتكوا"
إنت ل انفينيتي M
وانفينيتي M إلك
السيارة هذي مرادفة للروعة
وما في داعي تنتظر الفرع يفتح .. احجز طيارة لجدة نهاية اسبوع وخلص امورك
وكلها اسابيع ويفتح فرع الخبر على خير ... واذا بتصبر برضه الصبر طيب
موفق اخوي
ياخي انت كذا :xyxthumbs:
وصح لسانك فعلا ال m كلام كبييييييير وخققققه اخر حاجه
لكن من كم تبدا اسعارها؟ ::
وعلى فكره اللي قال فهمتكوا بعد في جده يعني يمكن بيضبطني اذا رحت هناك
تسلم على توصيتك يالغالي وماقصرت
أول انفنيتي Q50 معروضة للبيع ، ماشية بس 3000 كم و مطلوب فيها 140 ألف ريال قطري ، اللون أسود داخلي أسود
http://www.qatarsale.com/mycar_a.aspx?carid=54497
ماشاء الله اللهم لا حسد ياهل الدوحه
احنا مازلنا على الانتظار وتحت حقول تجارب الوكلاء
لو تنزل ويستقر وكيلها ويشتغل صح اعتقد بتكون في متناول الكثير هنا
شكرا على الاضافه يابعدي
حياك يالغالي
موضوع تعبير تاخذ عليه 10 على 10 :bigggrin:
بالنسبة للسيارات ، فهي تختلف حسب ذوقك و قناعاتك الشخصية ::
أنا أشوف انك مقتنع أكثر بالـQ50 و هي فعلا سيارة رائعة جدا
بالنسبة لفئتها الفعلية فلا يوجد منافس لها من لكزس لأنها جاية أكبر من IS أصغر من GS يعني مثل الأودي A5
لكن اللي أعرفه مع وضع الوكيل فعلا شراءها مجازفة
سيارة أخرى رائعة من كل الجهات و هي الجينيسيس فخامة قوة تقنية و سعر جيد لكن بتضحي بالعلامة الفاخرة و متعة القيادة
خيار أخير معشوقتي شخصيا GS ، متعة قيادة رهييبة فعلا و نظام تعليق خيالي ، لكن الوكيل حقها لا أفضل التعامل معه لأنه باختصار ناتفها و رافع سعرها - بالمعارض موجودة مواصفات أفضل و سعر أرخص -
الكاديلاك CTS أيضا رائعة جدا ، لكن وكيلها مشكلة
..
باختصار أغلب الوكلاء كلهم سلامتك لكن شوف الأهون ، و بالتوفيق لك .. :xyxthumbs:
ههههه اهم شي ماكتبت يجب علينا عشان كذا استاهل 10 هههههه
والله انك كفيت ووفيت ووصفت الداء والدواء
ومعشوقتك ماعليها كلام بس مثل ماقلت انت ابو جميل طاقها واجد بزياده
خلنا نشوف الايام القادمه ستظهر المزيد
ماقصرت يابعدي
السلام عليكم,,
وش كان موديل الأفالون الي أنت جربتها؟
وعليكم السلام هلا بك منور يالغالي
الافالون موديل 2014
سويت تست دريف لها في فرع الجلويه ياانها مجنونه
استجابه وفزه مجنونه ماشاءالله وفخامه داخليه اكثر من لكزسes
روووعه بصراحه وامس يوم شفت ال is يقولي الموظف عليها خصم جديد ب142 الف فل الفل
انا استبعدتها بسبب رغبتي بدفع خلفي + وجهيتها وخلفيتها غير رياضيه وتعتبر مقبوله نوعا ما
حياك يابطل وياهلابك
ما حددت ياخوي اي Q50 الي بتاخذ اي نوع وكم قيمتها
بالنسبه للسيارات الي تناسبك
هي لكزس GS350 F قيمتها 275 الف
جينيسيس الفاخرة V8 5.0 420HP قيمتها 206 الوعلان
كاديلاك CTS V SPORT ما ادري كم قيمتها بس فال200 وغير كذا توربو ما يصلح فالحر
الجيني 8 سلندر و تقنيه وافضل سيارة امان فالفئة و اهم شي صيانه مجانيه
اللكزس وكيل حلو وسعر مبالغ فيه عشان مساعدات وصدامات وجنط لاكن قيادة ممتعه
الانفنتي مقدر اقارنها مع اللكزس والجينيسيس لانها اقل فخامه ولاكن علامتها تضل علامة فاخرة
ولعلمك اكثر سيارة ممتعه فالقيادة هي كاديلاك
بالنسبه للكرايزلر و التشارجر ابعد عنهم تراها جدا جدا سيئه يكفيك اذا حطيته D ينسدح الموتر من ورا
الاختيار لك
هلابك اخوي طلال
انا كنت افكر بال q50 على امل ماتتجاوز 170 الف لان هذي مزيانيتي اللي حاطها
والمشكله الان المواصفات اللي نزلت ناقصه وسعرها بشكل عام طاق فوق وحتى الجنسس اتوقع بتنزل مع الوقت شوي
السيارات اللي وصيت بها تنم عن ذوق عالي وخبره
ماقصرت على الافاده والتفصيل ومشاركة اخوانك
تسلم يالغالي وماقصرت
اخوي نصيحتي لك استخير الله
وراح ترتاح للي الله اختاره لك
هلابك اخوي فواز
ونعم بالله ان شاء الله بأستخير وربك يسهلها
ماقصرت يابعدي
والله يا طويل العمر اني مثلك ..
لكن نصيحتي لك , انا قبل كم يوم شفت تقرير بسيط عن لينكولن MKz
فعلا فعلا سيارة جميلة و قوية و رائعة و عريقة و اعجبتني .
و لو اني باقدر اوصل سعرها كان اشتريتها باذن الله .
زينتها انها مميزة و نااااادرة جدا , و فيها من الـES من ناحية بعض الاشياء .
لكنها السيارة تحتاج شخص ناعم عليها و رجل خفيفة , و صيانتها بالوكالة بس .
اما كانك راعي مشي و كرف فانا انصحك بالكرايسلر 300c 6v الي في نظري افضل الموجود على سعره لكن ابعد عن الوكيل و رح لورش متخصصة في سيارات دودج .
و السلام عليكم
هلابك ياذوق
فعلا شفتها اول مانزلت واعجبتني مثلك بس بيني وبينك استبعدتها ماقدرت اغامر واحطها في بالي بالذات انها من يوم نزلت اعتقد حول رمضان الماضي الى يومك هذا ماشفتها بالشارع الا مره وحده بالخبر
ماني عارف ليش ماتباع حتى الان بالشكل المتوقع ولذلك اللي بياخذها معرض للوهقات حتى مابعد البيع
تسلم على مشاركتك ويارب تنول اللي تبيه ويرضي غرورك وبأقرب وقت
جينيسيس سيارة مو للمقاومات لاكن شاصي رياضي تم اختباره في نوربرجرينج
تسارعها
5.2 من 0-60 ميل تسارع موتر تريند
وزن السيارة 2180 مصنوعه من الستيل المسلح
وقير 8 نمر وليس ZF , مطور ومصنع تحت يد هيونداي بجانب المحرك الي اخذ من 10 افضل محركات 5.0 لتر بقوة تعطي في حدود 450 حصان لاكن فالجينيسيس تم تخفيضها الى 420 حصان لتقليل الاصوات والاهتزازات
صيانه مجاني الى 100 الف و ضمان كيلو مفتوح وخمس سنوات شامل كل شي
قسم خاص فالصيانه وخدمه خاصه عالطرق و دخول للصيانه بدون موعد
وبديل للسيارة عند دخولها الصيانه
خدمة السيارات الالمانيه
شكرا على المعلومات والاستفاضه اخوي طلال
لكن بالنسبه للجنسس 6 سلندر اللي تسارعها تقريبا 5.8 معقول الافالون ابو 270 حصان تقريبا يقوم عليها؟
