اولا احب اهنيكم على هالمنتدى النشط و استفدت منه كثير فالشكر موصول لكل الأعضاء و الادارة....
لي شهر تقريبا و انا ادور لي سيارة جديدة....
امر الوكالات و القي نظره ثم اجلس اسبوع ناسي الموضوع ثم ارجع اهتم بالموضوع مره ثانيه و ادخل المنتدى و اقرى مواضيع الاعضاء و ما قصرو غالب المواضيع هنا افادتني....
قريت موضوع لاحد الشباب عن تجربة المرسيدس E class و اعجبتني السياره خصوصا شكلها الخارجي لكن بعد ما شفتها بالوكاله حسيت انها صغيره شوي من داخل خصوصا المراتب الخلفية....
انا توي شباب و ما تزوجت لكن رغبتي بسياره كبيره و تكون وسيعة داخلياً و فخامه الى حد ما....
الأسبوع الماضي كنت شبه قررت على الجاكوار اكس جي و رحت جربت السيارة من الوكاله و اعجبتني السياره الصراحة مع ان فيها نواقص.
لكن فضلتها على اللكزس LS و على البي ام..... لأن الاولي ما اعجبني شكلها كثير و سعرها غير مناسب لمواصفاتها و الثانيه كذا نفسيا ما ارتحت لها و قالو لي شكلها بيتغير اضافة الى انها مالية الشوارع.
تلقفت قبل يومين ورحت لأودي و انا كنت قبل شايلها من راسي بسبب تجربه لاخوي قديمه معهم... رحت لمعرضهم بالضباب و شفت الأودي A8 L 2015
الصراحة ركبتها و انا اضحك على نفسي ههههههه
لاني اخيرن وصلت لقرار و اخترت الجاكوار لكن يوم الشفت الاودي انحست من جديد....
فياليت تنوروني بآراكم عن السيارتين و لا خاب من استشار....
ميزانيتي من 300-350 لكن ممكن تزود شوي لاجل الاودي....
الجاكوار اللي شفتها 2014 نوعين وحده ب 299 الف و الثانيه 350
الثانيه قالي انها بريميوم مع شاشات خلفيه و تخشيبه دركسون ولون يجي جملي.... طبعا هذا كلام اللي بالوكاله و اللي اكتشفت انه غير دقيق و ما يعرف عن السياره واجد.... لان من الفروق ان الثانيه فيها تسحين و تبريد مراتب امامي و خلفي و الاولى فيها تسخين مراتب فقط.
الأودي شفت وحده ست سلندر 310 حصان مواصفاتها الداخلية جميله لكن ما دققت فيها.... تبريد و تسسخين مراتب اماميه و تسخين فقط للخلفيه و بدون شاشات و سعرها 369
