مشكورين على اهتمامكم
السياره يوكن 2005 العطل كنت على نيه سفر وبعد تجاوز الرياض بمائة كيلو وانا ماشي 120 فضى القير وقفت قليلا بعدها تحركت القير يبدل الأول والثاني فقط الثالث يفضي
هذا يعني فعلاً احتراق الكلتشات أخوي. فلازم تغييرها.. يعني توضيب.
مشيت على سرعة 30 - 40 لما وصلت البيت فكيت كرتير القير في اليوم الثاني وجدت رايش وبرادة حديد والزيت محروق تأكدت ان الكلتشات وأجزاء من القير معدومه
و هذا دليل آخر غير التشخيص.
مريت على اكثر من ورشه في الصناعيه والاسعار ومدة الضمان متفاوتة واغلبهم يوضب قطع امريكي
ما يعيب الأمريكي. اذكر مين الي مريت عليكم و كم الأسعار.
أفضلهم مركز ديكسول . حسب نصيحة سابقة من أخونا مركز جوانا ,, و كذلك من تجربتنا في توضيب قير سيارة الوالد أيضًا (أرمادا 2010 ). . و تشخيصهم للخراب جيد. طبعًا تقدر تجيب أنت القطع و تتفق على شغل يد فقط كما فعلت , و هذا ما أنصحك به. كلفنا الشغل عندهم 2000 ريال , و مع قطع أصلية و زيت الوكالة 6000 ريال شامل.
و الضمان 6 شهور أخوي .. و ليس 15 يوم :smile: .
ومريت على التشاليح ووجدت قير راكب في سياره شد بلد وضمان 15 يوم بعد التركيب وافكر اركبه
ما أنصحك ؛ للكلام الي كاتبه تحت عن التشاليح.
طبعا في اعتقادي ان القير يوضح من يوم يركب في السياره من ناحية تبيديلاته ونعومة التغيير من نمره الى أخرى واستجابتة للدعس ولون الزيت ورائحته بعد المشي عليه 10 أيام تقريبا لان التشليح بيغير فلتر وزيت جديد . هل توافقونني الرأي
العمر الافتراضي و كم مستهلك منه , لن يظهر من أولها. قيرات و مكاين التشليح ما تبين بلاويها بسرعة. و تعديك فترة الضمان و بعدها الله يستر. أيضًا لا تدري كيف كان استخدام راعيها السابق , و هل كان منتظم بتغيير الزيت و يتابع إصلاحاته أم كان مطنش. كل هذا لن يظهر لك في 15 يوم فقط :smile:.
و العجيب أن قير التشليح سعره يتجاوز التوضيب , و ربما التوضيب بالقطع الأصلية! و اسأل بنفسك.
