تحذير لـ ملاك مازدا 6 2014 بشأن تغيير زيت المكينه

^^

لا اعتقد ان الصره لازم تتغير كل فتره قصيره فيه اكثر من سياره عندنا الصره ماغيرناها منذ سنوات ومافيها تهريب ولا شي للحين تمام ماتتغير الا بعد وقت طويل او اذا شفتها خربت غيرها

والصره خربت معاي لان البناشر اللي رحتلهم كانو يفكونه بمقاسات اخرى غير مقاسه الخاص الين ما عدم لان المفتاح مو مناسب للصره

عموما الصره سعرها من الوكاله 9 ريال

وبالنسبه للمفتاح الخاص لفك الصره اسمه ( ألنكي ) ومقاسه 8

وفيه منه نوعين نوع يجي درزن بجميع المقاسات , وتقدر تطلب المفتاح منفرد مثل مانا اخذته

وانا اخذته من محلات المعدات الصناعيه وصناعته ألماني أصلي وسعره 10 ريال

وحاطه معاي بالدرج ومتى ماجيت اغير عطيته البنشري فك الصره وغير الزيت وارجع المفتاح

وقبل اسبوع غيرت الزيت وجربته انا بنفسي على الصره وفتحت معاي بكل سهوله لانه مفتاحها المناسب

وانصح الجميع بذلك

يعني من الآخر أشتري "مجموعة صرر - جمع صرة :smilie16: -" .. ومع كل تغييرة أغيرها ؟؟

الظاهر متعمدين تكون ضعيفة عشان ما تتضرر أسنان الكرتير - كما قرأت في المنتديات :smilie16: -



أعتقد الصرة رخيصة ما تكلف .. ولو تكرمت من وين أحصل المفتاح حقها ؟؟

السلام عليكم ورحمة الله وبركاته
متى من المفترض تغيير زيت القير الاوتوماتيك الكتلوج غير مكتوب فيه اي شي

في الكتالوج مكتوب يتغير الى 100 الف .. لكن للقير العادي فقط !!

هل هو مشابه للقير الاوتو ؟؟ الله اعلم

^^
سألت فني الوكاله بهذا الشي , وقالوا في الموديل السابق كانو يغيرونه على 40 الف

اما الان مع قير مازدا الجديد SKYACTIV الزيت يتغير على 100 الف كيلو مع فلتر القير طبعا

وفيه سيارات من شركات اخرى تتغير بنفس الممشى وفيه اقل على حسب نوعية القير

السلام عليكم ورحمة الله وبركاته
متى من المفترض تغيير زيت القير الاوتوماتيك الكتلوج غير مكتوب فيه اي شي

جزاك الله خير .. على التحذير

اشكر الجميع على المرور , واخر ماسويته اني شريت صره جديده من الشركه , وسألت الفني في الوكاله قال الخطأ من البنشري والمفتاح مقاسه 8

لانه قالي ان تغيير الزيت من الصره افضل من الشفط , والحقيقه انا افكر جديا بشراء المفتاح واخليه معاي ومتى ماجيت اغير اعطيه البنشري

يا غالي صرة الزيت تتغير مع كل غيار زيت في الوكالة ، عشان كذا ما يصنعونها من مادة صلبة

لكن إذا بتغير برا اكيد ما راح يغيرون صرة الزيت و تتآكل مع الوقت

..

ياشباب لا احد ياخذ مواعيد الصيانه من الوكاله لان كل الوكالات نصابين بلا استثناء خل مرجعك الكتيب اللي يجي مع السياره من بلدها انا اكتشفت ان فيها اشياء يغيرونها الوكاله على 40 وفي كتيب السياره يتغير على 120 يعني نصب عيني عينك وايضا اخوي غير زيت قير فورد في الوكاله ب300 والسياره ماشيه 60 الف وفي الكتيب الاصل يشيك على 200 الف واذا نقص يزود

طيب ليه ما يكون معك مفتاح الين كي بالمقاس المطلوب
وتخليه في درج السيارة يستخدمه البنشري ويرجعه
لان بيجيك يوم تنحد على بنشر ما عنده شفط زي بناشر
الخطوط السريعة او تدخل مدينة ماتعرف فيها بنشر بعينه
.. مجرد اقتراح والمفتاح بيكون رخيص

هلا حياك الله

بترومين اول ماشريت السياره غيرت عندهم , وجاني واحد منهم ماعرف يفك الصره , لان السياره من تحت فيها حركه حلوه بس متعبه شوي بالفك واللي هي ( فيابر ) من تحت السياره بالكامل للحمايه

بعدين جاني واحد ثاني وعرف يفكها بس بيني وبينك كنت متوتر وخايف منه , بس شكله خبير جاب ( المفتاح الالنكي ) بالمقاسات حقته لين فكه

انا قصدي فيه بعضهم مايعرفون لها , لكن انت قلهم ( مفتاح ألنكي ) بس انا انصحك بالشفط افضل لك

وبالنسبه للوكاله انا وجهة نظري ان اسعارهم مبالغ فيها وانت بكيفك

موفق ان شاء الله

سيارتي ماشيه 30 الف ولها معي 6شهور بس انا امسك بها خطوط كثير , ولا غيرت فيها اي شي غير فلتر وزيت وكل شي تمام ولله الحمد

انا هذا اللي يبعدني عن الوكالات الاسعار الغاليه والمبالغ فيها

انت تقدر توفر على نفسك وتسأل الوكاله عن موعد تغيير الاشياء الاستهلاكيه واكتبها بورقه او بالملاحظات بالجوال وخلك ماشي عليها

تغيير زيت مامنه خوف ان شاء الله لو غيرته برا الوكاله بس زي ماقلت لك عليك بالشفط بدل فك الصره لانه يعدم مع الوقت وبنفس الوقت فيه بناشر ماتعرف له

هههههههههههههههه

من جد مضحوك علينا .. 800 ريال سلامات !!! :confused1:

800 ريال أشتري بها 73 صرة زيت وأقول للبنشري تفداك 100 صرّة.

البواجي ماتتغير الا عل 100 الف كيلو

وفلتر الهوا عل 40 الف

عندنا وكالات تحب تشفط جيوب الشعب

20 الف تعتبر السيارة لسى جديدة حرام يتغير فيها شي تبذير

يعني ابو صقر نمسك في صيانه الوكاله واللطعه كم ساعه افضل ؟


طيب بترومين ممتاز لان في واحد قريب من البيت ؟

على كلام الموظف قال راح يغيرون القطع الاستهلاكية مثل فلتر الهواء وصفاية البنزين ويشيكون علي البواجي وعلى منسوب زيت القير هذا اللي يحضرني الان ..

طبعا بتكلفة 800 ريال لصيانة العشرين الف ..

حنا وياك

افضل لك غير في الوكاله واذا غيرت برا انصحك بالشفط

بالنسبه للأداء لا ولله الحمد لم يتغير لكني ماغيرت فلتر الهواء لان اعتقد المفروض يتغير بعد 50الف