القير ينقل على 3 و ما يطول على 2 ( لاندكروزر 2006)

الحمد لله على حل المشكلة الأولى.

مشكلتك الثانية التي قال لك عنها كهربة القير , هي الي أنا حطيت صورتها في ردي الأخير. هذي صورة بلف البدي , و كهربة القير الي هي الحساسات الي تلاحظها على أطرافه. لا يوجد كهربة في داخل القير و لا يلزم فك القير. و الصورة الي فوق هي من أسفل السيارة بمجرد إزالة كارتير القير لا غير. و هي حق كراون فكتوريا , و المبدأ واحد لكل السيارات في العالم لا يختلفون.

مثل هذه المشكلة تحتاج خبير قيرات أوتوماتيك و ليس مختص تويوتا. القيرات عالم مستقل بذاته و هي متشابهة في كل السيارات. فتحتاج مختص في القيرات عزيزي , و يكون فاهم صح و ما يفتي من راسه مثل حال الأكثرية.
الله يعينك لازم تتعب و أنت تدور و لا تثق و تسمع كلام أي واحد. بالرغم من عدم تعقيد القيرالأوتوماتيك و بساطته أكثر من العادي لكن تشخيص مشاكله قليل الي يفهم لها ؛ لأن المؤهلين قلة للأسف.

السلام عليكم ورحمة الله وبركته


ياخون الحمدد لله حصلت الحل الشافي لمشكلة حق دفعة القير للخف في الريوس وطقته في D
اول شي التشييك على العكوس الامامية اذا سليمة تغيير جلد داخل القير ناسي اسمها بس هي جلد وثاني شي تنظيف بلف البدي
وثاني شي زيت اصلي من تيوتا من 2007 وتحت الاحمر ومن 2008 وفوق الرصاصي يشيل جالون ونص جالون ثاني وفلتر اصلي
وتشحيم العمود كامل 6 مواضع تتشحم وبعدها الدفعة صارت خفيفة والاغلب مايدفع والطقة اختفت الحمد لله
ماادري وش الي زبطها منهم لاني سويتهم كلهم مرة وحدة وزبطت ماابي الا دعواتكم واحفظو الطريقة ياراعين الجيوب 90% من الي كلموني سبق وحصلت لهم لاكن
باذن الله هذا الحل لمشكلة الدفعة عند الريوس والطقة
لاكن مشكلة النمرة رقم 2 الي الان الثقل موجود فيها يعني في التبديل العادي (D) الموتر طبيعي ويبدل الي النمرة 3 سريعا والاغلب حنة في التبديل
بس اذا نزلت القير الي نمرة 2 في القير يجي الثقل في النمرة والكتمة في الموتر حتى لو كاتم الدعسة يعني حد 3 ونص وخلاص مايزيد بعدها شي .
وايضا الحالة في استياء قام الموتر وهو يبدل من 2 الي 1 طقة وانا دق بريك ابي اوقف وايضا اذا بدل من 1 الي 2 دفعة قوية

وايضا الي قالي المشكلة في الكهرباء ماعرف واعتذر انه يصلحه لان المشكلة داخل القير
وفحصت كبيوتر قالي القير سليم وبعد مركبته معي وخليته يشوف الكتمة بعد ماحطيت القير على 2 قالي في مشكلة في القير قلت اكيد
ليش مطلع الفحص سليم قالي بيسوي برمجة لكبيوتر القير ايضا مانفع وبعدها وصفلي محل مختص للقيور قالي روح شيك خاريطة القير

وايضا الرجال الي اشتغل لي في كهربة القير قالي القير مفكوك من قبل واكيد موضوب وناقص بلط ماركبوه

وانشاء الله احصل مشكلتها وبخبرتكم ومساعدتكم جزاكم الله خير حليت المشكلة الاولى باقي المشكلة الثانية انشاء الله احلها ومايكون توضيب
وانا احتمالية التوضيب معطيها 20% بس لاكن الله اعلم والحديد ماينعرف له
ولكم جزيل الشكر الي كلموني وتواصلو معي


وهذا رقمي تواصلو معي لي لهم حل لي المشكلة والي ماارد عليه يكلمني وتساب او يرسل رسالة وانا بتواصل معه
0561829839 اخوكم ابوريم

مرحبا

قلت الآن أنه يوجد تأخر في التعشيق. هذا بسبب قلة الزيت أو انسداد الفلتر أو اتساخ بلف البدي مما يسبب عرقلة دفع الزيت في مجاري بلف البدي بواسطة حساسات القير (وهي في الحقيقة صمامات و ليس حساسات , و التي ظن أنه سماها لك الميكانيكي: بوبينات).

لكن قلت في بداية ردك أن الزيت تعبان. أرجو أن لا يكون فاقد اللزوجة و شفته بعينك ما هو كلام ميكانيكيين.

هذا شكل بلف البدي بعد فك كارتير القير:

ياشباباانا وديت الموتر اليوم لشخص كان يشتغل في تيوتا والرجال الي وصلني له ثقة وقالي الرجال له اكثر من 10 سنوات في الجيوب وخبير
ورحت له اليوم فقال لي في البداية القير نص العمر يمشيك سنة وقلت له انه ناقص نص علبة قاالي ازيده لكك وجاب لي زيت من عنده وزاد الزيت
وبعدها نزل تحت القير ممكن ربع ساعة تحت ويقولي دق دي ودق ريوس في النهاية قالي القير سليم المشكلة في البوبية او البوبينة صحح لي ان كنت تعرفها قالي مشكلتكك في الكهرباء مو في القير
قالي ان هاذي الي يقول عنها مسدودة وماتوصل زيت عدل ونمرة 2 تخشر لنها مسدودة
وبعدها طلعنا في الموتر وقالي حط نمرة 2 قلت له ثقيل ومايمشي قال اسم كلامي فا نزلته الي L ومشيت به ورفعته الي 2 وجات ححالته الثقل قالي ادعس الي يوصل العداد رقم 2
وبعدها قالي ارفع رجلكك وقام يطفي ويشغل في السيارة وهي تمشي ونمرة 2 وسويتها مرة ثانية بس طلع صوت غريب قالي قيركك سالم والمشكلة كهرباء وهاذا الصوت انها هاذي اليويبنة مافتحت علشان تدف الزيت للكلتشات
هل تشوف يالغالي تشخيصه سليم وممكن تكون كيذا المشكلة

مرحبا من جديد يااخون زيت القير طلع تعبان ممرة وتوني الاحضه وغيرته امس هو والفلتر لاكن المشكلة وشرحها مختصر ومفهوم باذن الله وهذا ماحصل بعد تغيير الزيت والاعراض نفسها قبل التغيير

يعني الي اتضح لي في السيارة بعد تغيير زيت القير والفلتر وهاذي المشكلة واحس انه خفت عن اول يعني اول ماكنبت الموضوع الي محيرتني ومو جاي في راسي ان البلا توضيب :
ولي العلم بعد التغيير ناقص نص علبة وابي ارجع واتشري زيت اصلي ويكمل الناقص وطلعت من الورشة على ضمانته اني اذا جبت نص العلبة اليوم مايضر القير ابد
يعني يوم اغيره امس قالي الزيت ماييكفي جيب علبة صغيرة ونزيده ناقص نص

1 اذا مشيت والقير في دي تقريبا نص متر ووقفت حطيت القير على فاضي بعدين ريوس بعد 3 ثواني بالضبط تجي دفعة
بدون طقة الي الخلف قوية واذا داق بريك بقوة تخف عن الضغط العادي للبريك
واذا نزلت القير من P الي الريوس يدفع لاكن خفيفة المشكلة اذا رفعت القير من D اذا كنت ماشي قدام لو نص متر اما وانا وقف حطيت من D الي ريوس تكون دفعه خفيفة

2 اذا رجعت القير من الريوس الي فاضي بعدها الي D بعد 3 ثواني طقة طق نفس طقة الشفة الي يقلون عنها مو دايم في بعض الاحيان
واذا نزلت القير من P الي D مايطق ويستقبل معا تاخيير طبعت في الاستقبال
بس اذا نزلته رجعت ريوس مثل كنت بموقف وشغلت وحطيت ريوس مايدفع خفيف لو ضغط البريك كامل مااحس فيها وابي امشي قدام واحط D يطق

يعني الطقة تطلع اذا نزلت القير من الريوس الي D مو دايم بس الاغلب تطق وبعضها ماتطق والدفعة الي لاحطيت الريوس تجي بعد ممشى قدام يعني بعد D
اتمنا فهمتو على

3 جميع التغيرات سلسة وناعمة وماعليها خلاف الا اذا بدل من 1 الي نمرة 2 التبديل سلس لاكن نمرة 2 تحس الموتر فيه ثقل واحس انه خف قليل بعد تغيير الزيت والاغلب يحن وهو يبدل الي النمرة 3 والتبديل النمر الباقية سلسة وماعليها خلاف

هاذي المشكلة بختصار وفي شخص كلمني اليوم الله يجزيه الخير وجعل ولديه بالجنة
قالي مشكلة القير الي بينت الD والريوس هاذي عكوس اذا كان رباعي مستمر واذا مفصول خلفي وانا موتر مفصول يعني خلفي قالي فضوه في الكرونة او مشكلة في العمود او سبب التاخير في الاستقبال يسبب طقة او دفعة بس الظن الاكيد من العمود او الكارونة القير ماله دخل في الدفعة القوية او الطقة وقالي بخصوص النمرة يمكن حساس او زيد الزيت الناقص وشوف

يعني الي فهمته من الرجال ان القير فيه مشكلتين بس
1 تاخيير في الاستقبال يعني مايلقم ريوس علطول او دي علطول
2 النمرة الثانية سبب الثقل حساس او شي ثاني نسيت اسمه حق النمرة الثانية غير الكلتشات بس قالي زيد الزيت ولاتحكم علطول احكم بعد يوم او يومين
علشان انك الزيت نزلته تعبان والجديد يبيله مشي راكد بعدين احكم في الثقل او الحنة عند التبديل

3 الطقة الي في D او الدفعة في الريوس مالها دخل في القير والمشكلة في العامود او الكارونة فيها فضاوة


ووش رايكم بكلام الرجال وياليت يا اخ [COLOR=#336600]super_safari تعقب على كلامة او كلامه غير صحيح [/COLOR]

وجزاكم الله خير ياجماعة والله ان الي كلموني ودقو على جزاكم الله خير وجعل الله يحرم وجيهكم من النار والله يرفع مقامكم في الدنيا والاخرة .

ما فهمته منك باختصار:
القير ما يطول على الثاني , و بسرعة يشعق إلى الثالث.
إذا كان الوصف كذلك فإن العلة في توسخ مخ القير (بلف البدي) و يحتاج تنظيف و الله أعلم.
و احتراق الكلتشات نتيجته ليس كما يجري معك. إذا احترقت الكلتشات ستجد فضاوة لحظية بين تنقيلات النمر (إذا احتراق بسيط) أو إذا عدد أكبر قد احترق فسوف تلاحظ فضاوة تامة من الانطلاقة , أو ستلاحظ أن القير يفضي بعد يوصل الثالث مثلاً , و ما عاد يمشي إلا بعد ما تطفي السيارة و تشغلها.
أيضًا حط في بالك دليل واضح على احتراق الكلتشات: أن يكون الزيت محروق و غير صافية. و أنت شيكت على الزيت و لاحظت عكس ذلك.
أستاذي , ليكن في علمك أن أكثر الورشات على نوعين:
1- قلة خبرة
2- قلة ضمير! يضخم المشكلة و هو عارف سهولة حلها.

و لنحسن الظن بالمركز الي رحت له و نقول: قلة خبرة. ستحتاج وقت و تعب و قبل ذلك توفيق الله حتى تصل إلى ميكانيكي أمين و فاهم في نفس الوقت.
تنظيف بلف البدي ما يتطلب أكثر من فك كارتير القير ثم انتزاع بلف البدي خارج السيارة. و يجب فتحه (لأنه طبقتين) و تنظيفه جيدًا بالبنزين. و رأس ماله ساعة واحدة. و تكلف في السيارات الصغيرة 300 ريال تقريبًا. يمكن وجود عمود الدبل عندك يزيد التكلفة شوي.

تريث و خذ جولة أكثر بين الورشات و لا تستعجل. مشكلتك لا تثير القلق و لا تتفاقم إذا أجلتها.
و إذا أنا فهمت مشكلتك غير الواقع معك فأرجو التبيين. وصفك لخبطني شوي :smile: , المعذرة منك.