رانجلر ,,,,,

السلام عليكم ورحمة الله وبركاته ,,,,,
ياخوان صراحة مأدري وش اقول لكم ,,, الله يوفقكم كلكم ياخوان على الاهتمام والنصائح الجمة العظيمة الفائدة ,,,,, وبالنسبة لاستخدامي سيكون بشكل يومي طلعات وداخل البلد وسفريات كذا بالنسبة لسؤال الاخ لي ,,,,, لكن وفقكم الله جميعا وشاكر لكم اهتمامكم وردودكم وتجاوبكم ونصائحكم ,,,, وفقكم الله وشاكر لكم

انا املك 2014 رانجلر روبيكان بابين و الحمد الله سبع شهور و ما شفت اي مشكله.

قبل ما تشتري رانجلر لازم تعرف بعض الامور المهمه اذا تقبلتها راح يجلس معاك الرانجلر 10 سنوات و انت مبسوط.

1- عزل السقف سيء و اقصد العزل الحراري لانه فيبر جلاس و مافي عازل من الداخل.
الحل موجود و هو تركيب عوازل اصليه من نفس الشركه انا شريتها من امريكا لاني مقيم هناك حاليا سعر العوازل 297 دولار و الحمد الله عزل الحراره تغير بنسبه 90 بالميه و المكيف صار يبرد السياره بسرعه بالاضافه الى عزل الصوت صار افضل بكثير.

2- عزل الارضيه الحراري كويس ولاكن انا ركبت عوازل اضافيه تحت الفرشه الاصلي مجرد احتياط لاكن للامانه بعد تركيب العزل بالارضيه فرق معاك الهدوء بشكل ملحوظ!!

3- صرفيه البنزين داخل الديره السياره كويسه و التانكي يمشي حول 430-400 كيلو بالخط على سرعه 120 يمشي حول 500 كيلو.

4- بالخط السياره مزعجه و مافيها تنسيم ابدا لاكن مشكله صوت ضرب الهواء بالقزازه الاماميه يكون واضح و يسبب ازعاح حالها حال التويوتا اف جي القزازه الاماميه ماقفه مافيها انسيابيه.

5السياره مريحه المقاعد مريحه و تعليق السياره مريح و غير قاسي بالعكس جدا معقول.

انوار الوكاله ضعيفه نوعا ما و تقدر تركب زينوون او تغير اللمبات الى لمبات LED انا غيرت اللمبات الاماميه الى LED و فرق معاي النور الواطي و العالي بشكل خرافي.

6- مشكله قطع الغيار بالسعوديه

اذا جهزت نفسك و تقبل الكلام اللي فوق وقتها توكل على الله و خذ السياره.

لان اي شي من اللي ذكرته فوق ممكن يكرهك بالسياره و تبيعها بخساره.

مميزات اضافيه:

المجال مفتوح لتعديل السياره بشكل كبير جدا جدا
ميزه فتح السقف و الابواب
قوه السياره بالمحرك الجديد ممتازه
جوده الديكورات الداخليه متماسكه و انيقه

وعليكم السلام ورحمة الله وبركاته

الرانجلر سياره قويه جدا وعصريه شكلها جذاب ومميز
العيوب حسب ماقريت عنها
اول شي عزلها سيء سواء الصوتي او الحراري
الشي الثاني فيها ان القير العادي على طول يحترق فيه الكلتش
ايضا لاتصلح للسفر الى اكثر من 100 كيلو

وللمساعده فيه تجارب على اليوتيوب للسياره ممكن تفيدك

السلام عليكم ورحمة الله وبركاته ..

لدي سؤال لك سيعتمد إذا كنت أنصحك بالرانجلر او لا ..

ماهو استخدامك للسيارة ؟
استخدام يومي .. ( دوام , طلعات مع الاهل, سفر وغيره )
أو للبر فقط وتمشيات خفيفة داخل البلد ؟

واسعارها تبدأ من 80 الف ريال .. ولا اعلم عن اسعار الفئات

سيتم النقل إلى قسم سيارات الدفع الرباعي .. وان شاء الله بيفيدونك بشكل أفضل هنآك ..
ولي عودة برد بإذن الله ..
تحياتي لك ..