حصري | تقرير مفصل كاديلاك ATS 3.6L

زرت الجميح قبل كم يوم وصراحه اعجبتني السيارة جدا ..... حجمها جميل وشكلها جدا راااااائع ومميز .
الاسعار الي تتكلمون عنها غريبة صراحه ..... الاربعه سلندر تبدأ من 150 تقريبا والستة ب170 تقريبا للأسف ما اذكر السعر بالضبط المهم انه قريب جدا من هالأرقام والسيارة عليها ضمان 6 سنوات مفتوح الكيلو وصيانة مجانية ..... اعتقد ان كاديلاك جالسة تحاول تحسن سمعتها في السوق .

يعيب السيارة صراحه انها ضيقة في المقعد الخلفي ولدرجة ان الدخول للسيارة من الباب الخلفي صعب شوي ومررررة فاجأني هالشي.... قارتنها بالمرسيدس السي وحسيت ان الكاديلاك ضيقة شوي مقارنة بالمرسيدس لكن كسعر مقارنة بالمواصفات الكاديلاك تتفوق بمراحل صراحه. ويكفي انه الى 100 الف ماراح تدفع في السيارة ولا ريال.

من المنافسين المهمين للسيارة كمان الانفينتي Q50 السيارة جدا تتفوق على كل السيارتين السابقتين ولكن للأسف مازال الوكيل غير واضحه معالمه ولحد الحين ما يبشر بالخير .....واتنمنى انه يشتغل بشكل كامل في بداية 2015 على كلامهم لأن سياراتهم جدا جميلة.


خلاصة الكلام الATS احد اجمل السيارات الي شفتها وحطيتها ضمن خياراتي في الشراء والله يكتب الي فيه الخير

ما شاء الله تبارك الله

هذي من أجمل السيارات الصغيرة الدفع خلفي

فعلا جنرال موتور ابدعت فيها

بصراحة أتعجب من الكثير في المنتديات يجي يفتي من راسه هذي السيارة ممتازة وهذي سيئة!!

اي شخص يحكم على سيارة بدون تجربة اسمحوا لي اقول غبي من يأخذ برأيه!

قرأت الموضوع من البداية وشفت ردور مادري شقول عنها! اللي يجي يحط صور استدعائات لسيارات كاديلاك واللي يذم فيها بدون تجربة! بالنسبة للاستدعائات فأبشركم كل شركات السيارات بما فيهم تويوتا وهوندا ولكسز ووو استدعت ملايين السيارات خلال سنة بس! يعني مو بس كاديلاك!

حبيت اكتب هذي المقدمة واقول لأي شخص يعطي رايه في سيارة بدون تجربة ولمجرد التعصب استح على روحك لان هناك من سيأخذ برأيك ويدفع فلوس!

انا امتلك كاديلاك ATS 3.6 2014 من سنة تقريبا والحمد لله سيارة اعتمادية وجودة وفخامة ورساوة وعزل هواء اتحدا أي لكزس تكون أفضل منه لاني جربتهم... الشكل مميز جدا والكل يناظرني وانا في الشارع لان السيارة تلفت النظر لتصميمها الجميل الرياضي.. المكينة جبارة جدا في فئتها.. من 0-60 تقريبا في 5.2 . بعد سنة في الشوارع السيئة الحمد لله الديكور ممتاز ولا فيه اي صوت.

نظام كيو سهل جدا وجميل وسلس بدون اي تعليق في سنة كاملة..
مميزات ارفاهية والسلامة كلها موجودة في السيارة..
صوت السيارة رياضي في حال الدعس وهادئ في حال ثبات السرعة..
ضمان 4 سنوات وخدمة مجانية ممتازة في فرع كاديلاك الدمام..


الحمد لله رغم استخدامي القاسي عليها ولكن ولله الحمد ولا مشكلة واجهتني ابدا..

وانصح اي شخص يروح يجرب في الوكالة ولا يسمع للكذابين!!

مشكلة السيارة ذي و كادليك بشكل عام هو نظام CUE العقيم و المعقد !
لو يغيرونه بنظام أفضل زي نظام أبل الجديد كار بلاي يكون أفضل .
أو على الأقل يجيبون نظام زي الأودي و البي أم و المرسيدس .

أحوي طلال شكرا على التقرير ..

ما تدري متى بتنزل النسحة الرياضيو الـ V عندنا بالسعودية ؟ كم سعرها ؟

أغلى فئة من الـ ATS كم سعرها حاليا ؟

تقرير جميل و سيارة جميلة، البعض يكون متعصب لشركة معينة ياخي ما يمنع إنك تعطي كل ذي حق حقه أنا من ملاك كرايسلر لكن عجبتني هالسيارة فأروح أسبها عشانها ما هي من نفس شركة سيارتي بعض الأشخاص تشوف منه العجب العجاب. و يعطيك العافية

:xyxthumbs:

يعطيك العافيه حبيبنا طلال على تقريرك المميز ,,

تمم تثبيت الموضوع ,ونحن بأنتظار جديدك ونتمنى لك المزيد من الابداع والتميز . .

^


اها تصدق مدري وش شفت فيديو وخربطني

السياره حلوة لاكن انا اختار ATS عليها لانها رياضيه بحته بالنسبه لفئتها

والتجهيز قادم قريب بنسخة V sport

لا يا اخي الكريم

الانفنتي Q50 منافس للسيدان الفاخرة صغيرة الحجم


وهيا تتفوق على الجميع بصحبة السي كلاس

^^

ياخي حتى انت خربطت

ليش جالسين نشوف الQ50 منافس للسيارات الدفع الخلفي الصغير بينما هي اساسا تنافس لكزس جي اس و جينيسيس 380 !

بالنسبه للسي كلاس جالسه تنافس نفسها الحين "مارح احد يجيبها "

تحياتي

خلفية الكاديلاك لا تظاهي التطور اللي حدث للشركة

ما زالت الخلفية تعاني

واجهة السيارة مميزة وعصريه اما الخلفية كلاسيكية الى ابعد درجة

اتمنى النظر في الخلفية والعدادات وتبقى السيارة ملكة في فئتها بعد السي كلاس والانفنتي كيو50

تحياتي للحميع

أهنيك عالتوقيع

سي كلاس روعه

ودي اشوفها عالطبيعه بس متعيجز اروح الوكالة
:xyxthumbs:

لا وش دعوه مصدقك ياعزيزي . الي بغيت اوصله اني استخدمت سيارتين ولازلت استخدم وحده وما واجهت الشي الي تقوله فهذا معناته انه عطل. او على قولتك يمكن لان السيارة ايجار

انا اول واحد واكثر واحد اكره كاديلاك الاجيال السابقه لعدم تحملها و قلة الجودة الداخليه بعكس جيل "ماقبل99"

والسبب هو قلة اموال جنرال موترز

ولكن الان افضل كاديلاك على لكزس

بالجودة والقوة والسعر والضمان

لان الان جيل جديد كليا ماله اي علاقة بالجيل السابق

فا رجاءً هنا نتكلم عن سيارة 14 مو 07 !!

الوضع مختلف كليا

وايضا السيارة افضل من بي ام دبليو الفئه الثالثه "موتور تريند"

اخوي انا م جبت شي من راسي الموتر معي للحين لو حاب اصور لك المشكله فيديو صورتها بس اتوقع بسبب انها اجار

مجهود تشكر عليه

بالنسبة للـ دي تي اس اوافقك انه كان فيه مشاكل ، وبحكم تجربة مثل كثير من السيارات لكن مايرضي طموحي كمستخدم كاديلاك، وبالمقارنة بالـ اس تي اس الي اخر ايامه صار مفتاح مع السواق ومفتاح في الملحق سبيل وكلن يحط حرته في السياة بدون اعطال وخرابات ، تحس ان السيارتين مو من نفس الشركة ، الاس تي اس والسي تي اس تتحمل ومافيها مشاكل ، في باقي الامور اخالفك جدا اس ار اكس استخدمته قبل ولازلت استخدمه ولا اشوف مشاكل في تغيير القير ، اوافقك بالنسبة للسي تي اس واسكاليد خصوصا بالنسبة لسعر السي تي اس. لكزس ممتازة لكن هذا ماينفي ان كاديلاك سيارة منافسة لها في معظم الفئات ، شخصيا افضل اس ار اكس على الـ ار اكس لكن ماينفي هذا ان الـ ار اكس سيارة جيده وعموما لكزس تفوقت في الهدوء على معظم السيارات مو بس على الكادي

ولا زال اصحاب السيارات المتوسطة يقاومون :bigggrin: