بســم الله الرحمــن الرحــيم ..
إأول شي حاب إأشكركم على الموقع اللي يثلج الصدر
ثآنياً
إأنا عندي مشكلة جدا جدا صعبه وعجزت فيه لدرجة السياره جالسه بحلقي
الحمدلله معي اكثر من سياره لكن هذي دلعها زايد شويتين :a1120(86):
السياره نوع كيا سيراتو فورت .. فل وبصمه مواصفات امريكيه 6 سلندر
كانت السياره احلى ما يمكن بصراحه لكن جاها حادث الله يبعد عنكم الشر
اضرار الحادث كانت
1- الواجهه
2- الايرباق
** الحمدلله ماوصلت للمكينه
طبعا بعد اي حادث عاد تستقبل المشاكل اللي بتجي بصدر رحب
والحمدلله ماكان في مشاكل كثير الا مشكلة الفرامل ..
إذا ضغطة فرامل تضعف اللمبات الداخليه + يقوى المكيف [دفع الهواء] :a1120(82):
الحلول اللي سويتها
1- شيكت الظفيره + علبة الفيوزات
2- غيرت حساس الفرامل اللي يجي خلف الدعسه [احتياط]
3- غيرت دنمو البطاريه بالوكاله + سلك الدنمو مع البطاريه
4- دبلت سلك الدنمو مع البطاريه وايضاً دبلت اسلاك السالب مع صنفرتها
5- غيرت طرمبة البنزين وكاله
6- غيرت حساس كوع الحراره
7- غيرت البواجي
8- تأكدت من الثروتل او البوابه تبع الهوا
9- غيرت البطاريه
ماحصلت اي نتيجه ابدا السياره في تشغيلها تمام مافي مشاكل
من الاشياء اللي جت بعد الحادث يوم امشي على اي سرعه وافك رجلي من البنزين تحس السياره تشفط الين يوصل العداد 20 وبعدها تفك المشكله ان هذا مو دايم تسير مرات ومرات لا
لاحظت شي انو بعد مانضفت البخاخات بمنضف ميتسوبيشي فكت مشكلة ان السياره تشفط كم يوم وصارت في الممشى زي اللوز بعدها ترجع تشفط
هذي مشاكل السياره
بس اللي مادخل راسي حكاية الفرامل ولا ورشة قادره تجاوبني تكبس فرامل اللمبات الداخليه تضعف والمكيف دفعه يقوى وبرضه يوم اكشح بالنور العالي تحس السياره تنفض مع كل كشحه
واذا طلعت عند الشكمان واقعد اكشح يضعف صوت الشكمان مع كل كشحه
خويكم صدع يبغالها نشمي يحاول يساعدني ..
لا إله إلا الله محمد رسول الله ..
