قود مورننق :xyxthumbs:
يااخوان بالموضوع هذا باطرح اهم الاشاعات و الاعتقادات عن جي كلاس وانها ملكة الدفع الرباعي
وبالمقابل باطرح حقيقة الموتر:
هنا اعتمدت على عدة مراجعات ومصادر عن هالسيارة
والي يبيها يراسلني خاص لأني اخذتها عن طريق مراسلات شخصيه مع ملاك السيارة
اعتقاد
مرسيدس جي كلاس مركبة أوف رود صممت اساسا للاستخدامات العسكرية
الواقع
جي كلاس صممت بناء على طلب خاص من شاه ايران في سنة 1970
وكانت سيارة واحده فقط لزبون واحد فقط والتصميم من طلب شاه ايران.
ومع الوقت اصبحت مرسيدس تطورها للاستخدامات العسكرية.
-----------------------
اعتقاد
جي كلاس مركبة صلبة مصممه للاستخدام الشاق
الواقع
مركبة ناعمه وصممت للاستعراض والموضه فقط
وكان يستخدمها اثرياء اوروبا في بداية الثمانينات كموضة ثم انتقل لامريكا بالتسعينات
وأخيرا وصلت للخليج :bigggrin: آخر شي هالموضه <<نفس موضة الي يربي اسد او نمر ويقول انا مطنوخ. في اوروبا وامريكا بالستينات تدخل اي محل حيوانات اليفه وتاخذ اسد ونمر باارخص الاسعار :smilie16:
----------------------
اعتقاد
امتلاك جي كلاس يخليك كول :bigggrin:
الواقع
امتلاك جي كلاس يخليك مهايطي لاأكثر :bigggrin:
---------------------
اعتقاد
تجربة قيادة جي كلاس ممتعه للاستخدام اليومي
الواقع
من اسوأ تجارب القياده على الطريق للاستخدام اليومي
تسارع ضعيف
ثبات ضعيف
استهلاك عالي للبنزين
وزن مرتفع جدا
زوايا الرؤيا سيئة
تصميم القزاز الامامي والخلفي والجانبي بشكل عامودي
مثال: انت ماشي بنص الطريق , جا واحد يبي يتعداك عن طريق المسار الايسر
في الجي كلاس راح تشوف انواره عالمرايات الي من جهة السائق ومن جهة الراكب
يعني تدوخ ماتدري هو في احد بيتعداك من جهة اليمين او اليسار
------------------
اعتقاد
جودة المواد والمكونات الداخلية عالية
الواقع
منظمات الدرايش تخرب بشكل مستمر
الديكورات تتفكك بشكل مستمر خاصه في استخدامات الاوف رود
--------------------
واقع
الي يشترونها للاوف رود <<ماخذين مقلب
غالبا يبيعها وياخذله اوف رودر من تويوتا او رانقلر :xyxthumbs:
---------------
الي عنده اي معلومات عن جي كلاس يحطها
ومانبي كلام
الموتر بنص مليون يعني ملك الدفع الرباعي
والموتر مررسيدس يعني وااااو اقوى شي بالعالم :bigggrin:
نبي كلام منطقي مبني من تجارب شخصية او غير شخصية
بالتوفيق
