مشكله في رادار المازدا 6 2014 من المحتمل ان تحدث لك

المشكله الاولى فعلا تحصل لي لما امسك خطوط طويله لكن لما تجي سياره تتعدى يشتغل المؤشر

ممكن هو مبرمج من الشركه على انه يطفي اذا مر وقت طويل ماجت سياره ممكن يحافظ على عمر النظام

اما المشكله الثانيه ماعانيت منها واتوقع انه خلل ولازم انك تراجع الوكاله

الحمدلله ما قط صادتني هالمشكلة، لكن صادتني مشكلتين غيرها

الأولى هي نظام RVM او النقطة العمياء صار باللون البرتقالي وماعاد يشتغل، ظليت فترة وبعدها اشتغل بروحه وبعدين رجع اخترب وبعدين رجع اشتغل :p وصورته لكم، للعلم كنت امشي في خط طويل من البحرين إلى قطر




الثانية بعد ما رجعت من خط قطر وتميت يومين في البحرين، طلعت لي هالمشكلة FCS Inspection Required



بعد البحث والاطلاع تبين ان الكاميرا الأمامية فيها مشكلة، وحتى نظام تغيير المسار ما قام يشتغل وكان يولع ويطفي بشكل مستمر (Flashing)، قفلت السيارة وشغلتها وماطلعت عندي نهائياً، بس السيرفس الجاي باخليهم يفحصونها بالكمبيوتر حق يشوفون الخلل

سامحوني الصور طلعوا مقلوبة :p

بعد اطلاعي على المشكله ومعلومات عنها

تبين ان حساس جهاز الرادار الموجود على الزجاج الامامي اذا تعرض للاوساخ لا يعمل بالشكل المطلوب و يتعطل المثبت معه

لذلك يجب التأكد من نظافة الزجاج الامامي اذا واجهة هذه المشكله

وعلى فكره انا سمعت انه كتيب السياره يحث على التأكد من نظافة حساس الرادار

تحياتي لكم واشكر الجميع على المرور

^^
هذا صحيح بالاضافه الى تعاون مازدا وفولفو مع فورد
وطبعا احتمال كبير ان مازدا استفادت من تعاوناتها بإضافة التقنيات الجديده في سياراتها

تصير معي في سيارتي ومثل ما قلت ثواني معدودة ويرجع كل شي طبيعي
ما أستبعد ان التقنية هي نفسها في الفولفو والمازدا بحكم التعاون اللي كان بينهم سابقا

تطمن :wink:

هذه المشكله كانت تحصل معي يوم كان كفر السياره منتهي أو خلاص معد ينفع كان اذا ثبت يقعد 5 دقائق حولها بعدين يفصل بعد تغير الكفر اختفت المشكله تماما ماقعدت اسبوع على بعضها

وبرضه الحساس تأكد انك تنظفه من الخارج

^^
نعم حسب كلام احد الردود يقول ان المشكله حصلت مع شخص في منتدى اجنبي انا حطيته فوق

ويقول انك لازم تنظف الرادار من برا في اعلى وسط الزجاج الامامي اذا كان عليه غبار

بس انا بشوف كم واحد واجه هذه المشكله لان ممكن يكون عيب مصنعي خصوصا موديل ٢٠١٤

بالنسبة لي لا اواجه اي مشكله حاليا ولله الحمد ولحد اليوم استعملت المثبت والامور طيبه

اشكركم

وهذا اغلب الظن ..

في مثل هالاحالات راجع الوكالة وخلهم ينظفونه خصوصا من الداخل ..