هلا ياعزيزي
السيارة فولفو اس 80 - 2004
خمسه سلندر بدون تيربو (على مااعتقد قيرها ياباني)
هلا خوي. قير سيارتك من شركة ZF الألمانية و ليس ياباني. و هي التي توفر القيرات أيضًا لرنج روفر و بي إم و ساب و غيرهم معظم السيارات الأوربية.
لمبة القير اشتغلت واعطاني انذار لصيانة القير عاجلاً. وديتها الورشة طلع مبرد الراديتر خلط الزيت مع المويه
صلحته وغيرت الزيت مره فقط وضبط حال السيارة.
مع العلم انها وقت المشكلة قامت تفضى و ما تمشي الا وهي باردة وبصعوبة
الان القير تغييراتها ناعمه مره في المشي للأمام ولكن اول ماتعشق فيه طقه قويه سواء ريوس او دي .
أخوي gavity , مخ القير عمله تنظيم توقيت التبديلات. فالتأخير فيها يعني مشكلة الحساسات فيه و ليس هو نفسه , كذلك النتعة مشكلة حساسات.
هذه المشاكل تحصل في حال استخدام زيت غير مطابق للقير أو خلط ماء أو خراب حساسات القير ,, و ليس بعيدًا أنها خربت بسبب الماء.
المشكله الاخرى الريوس ترجع عادي بس مجرد ادعس عالبنزين وماهو دايم ولكن اغلب الاوقات تحس فيه شي يزحلق السيارة ماهي طبيعية
إذا قصدك أن الريوس ما يستجيب , بمعنى تدعس بنزين و تحس القير ما يمشي السيارة بنفس قوة الدعسة , فهذه كلتشات محترقة و الله أعلم. خلي مهندس فاهم يجرب السيارة.. عطيتك الوصف تحت.
لكن تأكد من مستوى الزيت أولاً. و تأكد من أنك استخدمت اللزوجة ATF3 اصفر اللون و ليس أحمر. هذا هو الزيت لقيرات AF .
الطقه والاشياء هاذي قال انها تتعدل بتغيير مخ القير لكن لما شاف حركة الريوس قال لابد تغييره ولو صار شي داخل القير ممكن يكسر الحذاف او المكينة
الآن يا عزيزي أنت توضح لي أكثر و أكثر أن صاحبك خبرته ضعيفة. ما علاقة خراب بلف البدي بإتلاف الحذاف ؟! لا و المكينة كمان !!
هذا يجهل الكثير حتى و إن كان له 20 سنة في المهنة. العبرة بالمعرفة و ليس السمعة و لا الثقة و لا العمر.
من الاشياء الللي مادري هل لها علاقه بالموضوع او لا هي اني اذا فكيت الدعسه احيانا تجي رجه قويه في السيارة لدرجة انها تحرك الطبلون و بمجرد أدعس تتعدل.
مع العلم اني شيكت عالعكوس وصلحت جلب المقصات وعمود التوازن
هذا دليل عدم دقة عمل بلف البدي و حاجته للتنظيف. لازم ينفرط و يتنظف. الغسيل الي سواه لك ما يكفي. أما أنه خرب كليًّا فهذا غير صحيح.
اذا تقدر تساعدني اكون شاكر ومقدر او تدلني على ناس يفهون في القيرات او هل تنصح اوديها لوكالاتها؟
موقعي الرياض
روح على مخرج 17عند ورشة الرصيص .. وكيل ZF في السعودية. و حسب ما قال لي مهندس بأنه متمكن و يمتهن عمله عن دراسة و له خبرة قديمة في القيرات. المركز يبين عليك على يمينك و أنت في الدائري (في خط الخدمة) متجهًا إلى الجنوب أول ما تعدي إشارة إيكيا.. يكون (مركز بلدا للبناء) على يسارك.
ابعد عن ورشات فولفو في الصناعية القديمة مثل (النصيب) و غيره. ناس تحط شعار سيارات معينة على أساس أنهم خبراء و مختصين و حقيقتهم عكس ذلك!
نقطة اخيرة / وقت خراب القير والراديتر لاحظت ان شاشة القير تطلع ارقام غريبه في الشاشة مثلا الدي مقطعه الار ان كلها اشكالها عجيبه مما حسسني انه فيه مشكلة برمجة او كهرب
بعد الاصلاح والريست للانذار رجع كل شي طبيعي
لا أعلم لكن ربما من اختلال البرمجة.
