مشكله قير سوبربان 2010

حبيبـ الامسـ @user_7055 · 07-01-2015

بسم الله الرحن الرحيم
السلام عليكم ورحمة الله وبركاته
للخبراء واصحاب الورش عندي مشكله يااخوان في قير جمس 2010
السياره ماشيه تقريبا 150 الف ميل والمشكله اذا حطيت السياره في d تكون ثقيله وبعدين تنتع وتمشي
طبعا التغييرات كويسه مافيها شي لكن النتعه هذي والثقل في المشي بداية التعشيق في d او r
هي المشكله
فيه ناس قالو شريحه محروقه وقالو توضيف انا من كثر الاراء قلت نتروى قليلا ونتستشير اصحاب الشأن
اتمنى القى استشاره طيبه او حل للمشكله لدى الاخوان بالمنتدى
طبعا اذا فيه ورشه قيرات بجده تنصحون فيها اعطونا خبر
ومشكورين مقدما

عبدالعزيز 8 @user_231972 · 12-01-2015

الدعوة خربانه خربانه فالعقل يقول ابدا بالأرخص والاسهل وهو تغيير الزيت والفلتر
بما ان الزيت لونه متغير فيجب تغييره
وانت الله يهديك ليه ما انتظمت في تغيير زيت القير وفلتره

حبيبـ الامسـ @user_7055 صاحب الموضوع · 11-01-2015

زيت القير لونه رمادي غامق
السياره اذا عشقت بالـ D تاخذ نمره واذا دعست بنزين تنتع نتعه بسيطه وتمشي
وفيه صوته احتكاك بالقير .. احيانا اذا وقفت عند منعطف ورجعت دعست بنزين احيانا ماتمشي الا بعد دقيقه
طبعا بعد الملاحظه هذي وقفت السياره مارحت عليها ابدا بشيلها على سطحه لاينفرط القير كله
تنصحوني اغير زيت مع اني احس انها محاوله يائسه ؟؟؟ انتظر رد خبراء الجيربوكس والموضوع لايحتمل عرض تجارب

أبو ماجد البشري @user_109566 · 10-01-2015

انا مره شريت يوكن 2004 قبل 5سنوات مستورده من امريكا وكان ماشي 130 الف كلم وغيرت زيت القير والفلتر عند سوداني ويوم نزله من الرافعه رجعت من احسن شي يوم حطيته بالدي يالله يمشي لازم ادوس قوه ولا عشق 2 الباقيات كويسه رجعت له قال يازول انا كل اللي سويته تبديل الزيت وفلتر القير ونت تشوف اااي يازول وهالحين مالك إلا ورشه بها كمبيوتر عطيته حقه ورحت لورشه اسمها الشامي سنتر بصناعية الاحساء وركب جهاز ومشى عليه قال الحساس رقم واحد عطلان وفك كرتيل القير وطلعه مثل القلم حق السبوره وفيه فيشة كهربا وشريت واحد ب120 وركبوه والحمدلله للأن تمام

super_safari @user_201024 · 08-01-2015

ع

عبدالعزيز 8

كم لك ما غيرت زيت القير وفلتره وهل عايرته لا يكون ناقص

:xyxthumbs:
هذا أول مطلب عند ملاحظة عدم الاستجابة أو فضاوة القير.

حبيبـ الامسـ @user_7055 صاحب الموضوع · 07-01-2015

الدبل على 2 ماشغلته وبكره بعاير الزيت ... هل لو مثلا كان ناقص او معدوم وغيرته مع الفتلر يحل المشكله ؟

عبدالعزيز 8 @user_231972 · 07-01-2015

كم لك ما غيرت زيت القير وفلتره وهل عايرته لا يكون ناقص
وهل سيارتك فيها دبل وما هو وضع مؤشر الدبل اثناء حالة الثقل اللي تقول عليها

مركز جوانا @user_231566 · 07-01-2015

وعليكم السلام ورحمة الله وبركاته

الي بداخل القير ليست شريحه فقط
هي كمبيوتر القير وايضا مجمع سنولايد القير
الاعراض الي ذكرت لااعتقد السبب هو الكمبيوتر اتوقع والله اعلى واعلم هو عطل ميكانيكي من داخل القير
لو كنت في القرب كنت اعرتك TCM للتجربه الي هو كمبيوتر القير طبعا لابد ان يكون مطابق او رقم بديل للي عندك
في حال رغبتك بالاستزاده بالمعلومات تواصل معي جوال مباشره
شي اخير وهام جدا القير عندك من النوع الاسيواي وليس امريكي ومن الصعب ان توديه لااي ورشه عاديه ليس لديها الامكانيات والاجهزه والبرامج لاصلاح العطل وذلك لتعقيده
انصحك بالتوجه للمحال الكبيره مثل تريستار وكما اعرف بان ديكسول في المنطقه الغربيه هم الاحسن ولو كان سعرهم اغلى لكن اشتري راحتك والجوده في العمل
هذا والله اعلم ووفقكم الله