مو مشكلة رغم أني شارحها بردي الي فوق لكن بشرحها بشكل مفصل أكثر
شوف كل سيارات الدفع الرباعي سواء كانت 4WD أو AWD فيها قطعة تسمى transfer case لو تكتب أسمه بالصور قوقل علشان تشوف صورته
هذا الجهاز هو المسؤول عن شغلتين في 4WD أما في AWD مسؤول عن شغله وحدة فقط!
طبعا أنا أتكلم عن حالة سيارات SUV والكروس أوفر أو البيك أب
في 4WD قطعة transfer case مسؤوله أنها تعطيك سرعتين دفع وهي خفيف وثقيل HIGH/LOW والشغله الثانية أنه يقوم أما بجعل نسبة الدفع مختلفة بين الأمام والخلف أو بقفل الوسطي بحيث يجعل نسبة الدفع بين الأمام والخلف متساوية وتسمى هذه العملية CENTER LOCK DIFFERENTIAL أي قفل المحور الوسطي أو قفل الدفرنس الوسطي (رغم أنه في الحقيقة مايسمى دفرنس لأنه مو دفرنس فعلي من شكله لكن بعض الاحيان نسميه دفرنس ولا الأسم الصحيح له محور وهو المقصود به المحور الوسطي هو transfer case)
بينما في AWD قطعة transfer case مسؤوله عن شغله وحدة فقط وهي أنها ياتشغل القفل الوسطي أو تفكه فقط!
في حالة الأوتلاندر للأسف أنه مكتوب 4WD في أحد الزرارات الي حق موديل 2007 و2008 لكنه بالحقيقة مجرد دفع رباعي خفيف فقط HIGH 4WD ONLY
بما أن كلمة LOW غير موجودة معناه مافيه دبل ثقيل
ولا أحد يلعب عليكم مندوبين المبيعات يقول الدبل الثقيل يشتغل من نفسه لأنه كذا ياينصب عليك أو يختلق الامر بنفسه لجهله أو لعدم فهمه بنظام الدفع :a1120(82):
مافي دبل ثقيل يشتغل من نفسه إطلاقا وأنا لم أسمع به أو أقراء عنه حتى الأن
طبعا transfer case لما تشغله على الخفيف يعطيك نسبة الدفع هذا الرقم المعتاد 1.000 أما تشبكه على الثقيل يعطيك نسبة الدفع بهذا الرقم من 2.300إلى 2.600 حسب نوعية السيارة يعني أكثر من ضعف قوة الدفع الطبيعية ويعطيك قوة جر أو دفع أفضل لتجاوز العوائق بشكل أفضل بس الضريبة السرعة القصوى ماتتعدى 60 كيلومتر/ساعة بالكثير(لازم تراجع كتلوج سيارتك لأن بعضها 40! كأقصى حد)
لكن لما أنت تشغل الدبل الثقيل LOW في 4WD فأنت ما تقوم بعملية تثقيل التروس ومضاعفة قوة الدفع فقط! بل أيضا يقوم بعملية قفل وسطي تلقائيا بنفس الوقت
فيه سيارات لما تشغل الدبل الخفيف في PART TIME 4WD وهو الي يمشي بالدفع الخلفي ثم تشبك الدبل ليتحول رباعي يعطيك تلقائيا قفل وسطي حتى على الدبل الخفيف! وساعات يجي معه زر قفل وسطي بحيث انك لما تشبك الدبل الخفيف مايشبك القفل الوسطي إلا لما تضغط على الزر زي حالة السيكويا وفيه سيارات مايجي فيها زر قفل وسطي بنفس نظام PART TIME 4WD ولا يشتغل القفل الوسطي حتى لو شغلت الدبل الخفيف! الي هو HIGH لكن يشتغل تلقائيا مع تشغيل الدبل الثقيل LOW ممكن اليوكون أحد هذه الامثلة
لكن في نظام دفع FULL TIME 4WD زي اللاندكروزر والباترول الجديد من 2010 وطالع ويوجد أمثله سيارات أخرى تستخدم هذا النظام من الدفع
هذه يمشي طول الوقت على الدبل الخفيف HIGH ولا يفصل!!! ويجي فيه زر يقوم بالقفل الوسطي علشان يعطيك 50% بالامام و50% بالخلف لكن من يوم تشغل الثقيل LOW مباشرة بدون ماتضغط الزر القفل الوسطي راح يشغل القفل الوسطي بشكل أجباري!
على فكرة ترى مو شرط كل السيارات الي فيها transfer case :smilie16: تعطيك قفل وسطي؟!
لأن السيدان والواجن والهاتشباك والسيارات المدنية الي مخصصة فقط للشوارع مافيها قفل وسطي خير شر
ففي هذي الحالة يكون جهاز transfer case مسؤول عن نسبة تحويل الدفع بين الأمام والخلف من الي أكثر ومن الي أقل (بالعادة نظام AWD بشكل عام يعطيك نسبة الدفع بالأمام أعلى من الي بالخلف بينما في FULL TIME 4WD يعطيك نسبة الدفع بالخلف أعلى من الي بالامام)
عارف أني كثرت شرح :smilie16:
لكن أن شاء الله الفكرة وصلت :c0214:
انا عندي اف جي 1 واللي فهمته من كلامك ان نسبة الدفع 50 50 بين الامام والخلف ما يتحكم فيها الدبل الثقيل والخفيف لا اللي يتحكم فيها السنترال دفرينشال لوك لكن الدبل الخفيف والثقيل اللي يعطونك اياه هو قوة الدفع يا مضاعفة بالثقيل او عادية بالخفيف. يعني تبي 50 50 يا تشغل الثقيل عشان يشتغل معاه السنترال دفرنشال لوك اوتوماتيكلي او اذا سيارتك فيها زر سنترال دفرنشال لوك تقدر تخليها 50 50 حتى بالخفيف. يعنى الدبل الثقيل والخفيف كفكرة لحالهم يعطونك قوة دفع امامي وخلفي لكن مو توزيع القوة 50 50.
تصدق كان عندي z71 والحين اف جي وكنت افكر ان الدبل الثقيل يعطيك 50 50 والخفيف 25 75 وان الدفلوك الخلفي مايشتغل الا بالثقيل عشان هالحركة صححتلي المعلومة جزاك الله خير .
وبناء على كلامك ان الرير دفرنشال لوك يختلف كفكرة عمل عن السنترال دفرنشال لوك. الاول يفصل القوة عن الكفر اللي يدور بدون فايدة ويعطيها الكفر اللي عالق. بينما الثاني يعطيك 50 50 بين الامام والخلف.
هاه 10/10
