ابو اسد يعطيك العافيه على رحابت صدرك
الي تقصده LE2 هو البلاتينيوم 320 سعره عند ال جميح 245 الف
جنط 20
مكينه 400 غير متوفر في المعارض ؟ وهل هو فئه واحده ؟
ما فيه كلام ينقال بعد الي قاله لك الأستاذ أبو أسد ..
الباترول ممتاز للغاية و سيارة ينشهد لها بقوتها ..
يعني قدراتها عالية في الأوف رود , و راحتها براحة GMC ..
موترك أن كان نظيف و LE يجيب لك من 120 ألف إلى 130 ألف
و أن كان SE يبي يجيب لك حول الـ 100-110 الاف ريال سعودي
فيه نوعية باترول موجودة بالمعارض سياحي لأبعد درجة داخليها أسود خليجي بسعر 170 ألف للأوتوماتيك والقير العايدي 165 ألف
مناسب للي يبي اسم باترول :)
أيه أعرفه
أسم الفئة XE وهي فئة أقل من SE
أسطباته الأمامية نفس موديلات 2010-2013
حسب ما أعرف أنه يجي مرايات لونها أسود
الظاهر بدون حساسات
وأعتقد نفس الشيء بدون كشافات ضباب
هذي احد الصور الي حصلتها له
أنا ما ادري ليه تخبرني عنه :c0214:
ولا علشاني قايل أني أن بغيت أغير أبي أخذ LE1 سياحي :smilie16:
أنا ودي في LE1 علشان مكينته 400 حصان وقيره 7 تغييرات ودفرنسه نسبته أعلى من الـ SE
أضافة أني ما أبي جنط 20 ولا هيدروليك الي بتحصلها من LE2 وأنت طالع
للمعلومية LE1 تقريبا نفس مواصفات وشكل SE2
صحيح أنه مايجي شاشة ملاحة حتى أعتقد بدون شاشة معلومات لكن ماتهمني قدر ما أني ما أبي جنوط 20 تكون قاسية باللشوارع وما أبي الهيدروليك خير شر ليس لأني سمعت أنه غير عملي بالباترول لكن لأني ما اقتنعت بهيدروليك مافيه خاصية الترفيع والتنزيل فهو غير محمس أبدا أني أخذه غير أن تكاليف صيانته بتكون مرتفعة اذا صار له شيء أو أستهلك المساعد أضافة أيضا أنك محكور أنك ماتغير المساعدات واليايات لنوع أقسى للبر أو أطول بسبب الهيدروليك :c0038: كل قطع الي شفتها بالانترنت لليايات والمساعدات للباترول مكتوبة لموديل غير الهيدروليك!
عندنا يباع LE1 بالوكالة في 243 ألف
واحد يقول لقاه بأحد المعارض بـ 236 ألف
بقطر أقرى قيمته 213 ألف ريال قطري
ما ادري عن قيمته بالأمارات
السلام عليكم ورحمة الله وبركاته
اسعد ربي اوقاتكم بكل خير
حبيت اشاوركم و اتمنى الي عنده معلومات يفيدني والله يوفقكم انا واعوذ بالله من كلمة انا أمتلك نيسان أرمادا 2013 وناوي ابيعه وازيد على المبلغ ومو عارف كم يجيب بس ماشاء الله ما زال جديد وحبيت اغير الى الافضل ولا يعيب ارمادا شي بالعكس من افضل السيارات الي شريتها ومن حبي لنسيان قررت اغير و نويت اشتري ان شاء الله باترول بلاتنيوم 2015 لون لؤلؤي داخلي جملي وحصلته موجود بمعرض الحميدي بسعر 245 الف ريال طبعا خليجي المهم يا اخوان ايش رايكم ببطل الدروب الي جربه و استخدمه الشي الثاني هل السعر مناسب واللون مناسب الشي الثاني وهو المهم الخليجي يشمله الضمان وهل واجه احد اي مشاكل بخصوص السيارات الخليجية اتمنى الي عنده معلومات يفيدني تعرفون المبلغ الي بشتري فيه مو بسيط الشي الاخير الي يعرف مواصفات الخليجي الي بالمعرض يفيدني والي يعرف اسعار اقل من الحميدي يساعدني ﻷني من تبوك وما عندي خبرة كافية بمعارض الرياض الحميدي عرفته عن طريق موقع حراج شاكر لكم واسف على الاطالة
وعليكم السلام ورحمة الله وبركاته
شوف فيه أشياء كثيرة بالباترول أفضل من الأرمادا
نظام التعليق السفلي بالكامل مخصص للطرق الوعرة أكثر من الارمادا
خزان الوقود بالباترول أكبر من الارمادا (140 لتر مقابل 105 لتر)
الفخامة أفضل بالباترول
نظام الدفع الرباعي أفضل بوجود دفلوك ونظام متعدد التضاريس ونظام نزول المنحدرات بالفئة القياسية
الحسنة الوحيدة بالأرمادا تراه حسب ما أعرف أن بالصف الثالث للمقاعد أوسع من الباترول
نظام الدفع في الأرمادا Part time 4WD يعني نظام دفع رباعي جزئي يمشي بالدفع الخلفي ثم تقدر تشبكه بالخفيف أو الثقيل
بينما نظام الدفع في الباترول Full time 4WD يعني نظام دفع رباعي مستمر! يمشي على الدبل الخفيف طوال الوقت ولا يفصل صحيح بيكون أكثر صرفية لكنه ماوضع عبث فهو ليس فقط أنه أفضل للطرق الوعرة بل أكثر ثبات وتماسك بالطرق المعبدة مقارنة بالنظام الموجود بالأرمادا (بتحس بفرق الرساوة أذا سقته) وترى الفرق مو كبير جدا في الاستهلاك وكبر التانكي بيساعد على تقليل الفرق وعلى فكرة الدفع الرباعي المستمر تراه افضل بالقومة :smilie16:
الموتر ماشاء الله بالخط يمشيني فوق 700 وبسرعة مابين 120-140 كيلومتر/ساعة مع مكيف
وبالمدينة يمشيني متوسط 600 (طبعا بقيادة هادية)
حقيقة أنا لي فترة عن المعارض ولا أدري كم سعره جديد لكن نصيحة لي أذا جيت الرياض مر العيسى وشوف كم سعره عندهم من باب العلم فقط وأعتقد من أرخص المعارض الي يبيع السعودي (تبع العيسى) وفرق كبير بينه وبين سعره بالوكالة هو معرض نجد وعنده فرعين الي يبيع نيسان بمعارض النسيم وواحد منهم شاري موتري (الي معي SE1 2010)
وبخصوص البلاتينيوم خذ شكل ومواصفات
لكن فيه ملاحظين عليه لازم تعرفها قبل لا تشتري الموتر
1- الجنوط مقاس 20 تراه أقسى مطاب من 18 وأنا ملاحظها مع زملائي الي بقروب ملاك بطل الدروب مشتكين منها وأنا الحمد الله ما اشتكيت لأن جنط موتري 18.
2- صدام السيتي أوبشن الموجود في البلاتينيوم أجمل شكل لكن ترى زاوية الدخول الأمامية أقل من الصدام العادي الي يسمى صدام الأوف رود.
صدام السيتي الموجود بالبلاتينيوم
وهذا صدام الأوف رود
ولو تلاحظ أنه معطي أكثر زاوية ومايحك بسرعة مقارنة بالي فوق يعني ترفق بالموتر من ناحية المطامر لأن الزاوية بتكون أقل
صدام السيتي زاوية الدخول 26.6 درجة
صدام الأوف رود زاوية الدخول 34.1 درجة
لاحظت الفرق!
أذا مصر تاخذ خليجي أفتح الباب وتأكد من الاستكر المكتوب وش المواصفات السيارة هل هي خليجية أو غير ذلك لأن ترى واحد من أخوياي أنخدع بكذب أحد المعارض شرى باترول بلاتينيوم على أنه خليجي وطلع بالأخير عراقي! ولا أكتشف هذا الشيء إلا لما طلع فيه عيب مصنعي جاء وداه الوكالة ورفضو يصلحونه سوى بلاغ تجاري يوم تفاهو وزارة التجارة مع الوكالة طلع من حق الوكالة ماتصلح والسبب أنه مو مواصفات خليجية! فالسبب الثاني الي يخليك تتأكد من أن الموتر خليجي أو لا أذا كان أستكر المواصفات المكتوب في الباب مغير خذ رقم الهيكل ووده لم الوكالة وقولهم هذا يدخل الضمان أو لا!
وحسب كلام وزير التجارة بأن الموتر الخليجي يدخل الضمان لكن الوكيل أعتقد لازم تدفع مبلغ معين علشان يدخل الضمان مدري هل هي من حقه أنه ياخذ مبلغ معين لأدخاله للضمان أو لا ولا ادري كم المطلوب مدري هي 180 ريال أو توصل 1000 ريال (هذي لازم تمر الوكالة أفضل تتأكد منهم) أو تريح نفسك وتشتري سعودي
وبخصوص الموتر الحمد الله معي الموتر حاليا فوق 3 سنوات (شاريه على نهاية 2010 أول وصول لدفعة 2011 للأسواق) وماتندمت على شراء السيارة ولله الحمد والله يبارك لي فيه
والموتر مايحتاج بالبر والتطعيس يبيض الوجه
ولو بغيت أغير الموتر بعته وشريت LE1 سياحي بدون هيدروليك وجنوط 18 وصدام أوف رود وأخر موديل :ch19:
أهم شيء أني أغير اللون اللؤلؤي الكئيب الي عندي (حول أكثر من 90% من الي عندي بالقروب كلهم لؤلؤي ووين ما اروح هاللون أكثر شيء أشوفه)
طبعا اللون وجهة نظر أخوي اللؤلؤي أفضل لون من ناحية تحمل الأوساخ وعدم وضوح المخوش من كثر الغسيل لكنه لون غير مميز بسبب كثرته بكل مكان
أكثر 3 ألوان منتشرة أشوفها عندي بالقروب هي الذهبي بالمرتبة الثانية ثم الفضي وأقل شيء (وهو أفضل شيء عندي) الأسود
وفيه ألوان ثانية جميلة لكن نادر أقل من تواجد الأسود تحصلها مثل العودي والفيراني(رمادي غامق)
بخصوص اللون الجملي الداخلي
أعتقد أنه افضل تحمل من الأوساخ عن اللون البيج
الي ماعجبني فيه أن الجزء العلوي أو المتبقي من الديكور رصاصي مو بيج
ويجي البلاتينيوم كذا البيج
عندي هذا أجمل ويفتح النفس أكثر لكن يحتاج محافظة وعناية أكثر
شوف العيوب الي لاحظتها بالباترول عندي هي:
1- أذا السيارة مو أنوارها زينون (هالوجين) فللأسف النور بالخط سواليف هههه لكل الزينون مافيه مشاكل.
2- اللون البيج الفاتح جميل جدا لكنه حساس جدا جدا جدا للأتربة ويحتاج عناية زايدة.
3- مساعدات البلد تستهلك بسرعة أذا بتدخل به أماكن بطناج فهي ماتصلح لها لازم تدور أستراليات.
4- غطيان مسامير الجنوط للأسف جاي معدنين من الداخل حديد ومن الخارج ألمنيوم من النوع الضعيف جدا يعني تفك الجنط ممكن أكثر من 3 أو 4 مرات ممكن غطاء المسمار يودع؟! لازم تغيير وقيمة الواحد 25 مدري 35 ريال عند العيسى وواحد منهم مشكلة صارلي بنشر حاولت أفك احد المسامير وماضبط وصار حتى مفك العجل مايدخل غطاء المسمار وديته لثلاث محلات بناشر ولا عرفو يفكونه بعد ماسويت رقعة خارجية للأسف أخر شيء وديته مخرطة وفكيته وأمر السليماني عندنا بالرياض الي بمخرج 5 طريق الملك عبدالعزيز وألقى عنده نفس المسامير حديد بالكامل ورمي جميع مسامير الجنوط على جنب وأطق لي 26 مسمار جديد قيمة الواحد كلفتي 6.5 ريال يعني بمجموع 156 ريال وأرتحت من ذي غطيان المسامير النكبة وتراها مشكلة مكررة لاحظتها بكل الباترولات الي من 2010 وطالع.
أذا عندك استفسارات ثانية أبد لا يردك إلا الكيبورد :ch19:
انتقالك جميل وطيب والباترول لايحتاج الى مشورة تاهذة وانت مغمض هههه بس حط في بالك انه الباترول se صرفيته اعلا عن الارمادا
لانه الباترول دفع رباعي شغال
عكس الارمادا اللي يمشي عالثناىي
وطبعا عزم الارمادا افضل
عندي لك راي وفكر فيه
ليش ماتاخذ le رقم2 وتزيد في المبلغ
او تاخذ 2013 le
لانه لما تغير الافضل تغير الى سيارة استهلاكها افضل وليس اكثر[/QUOTE
أشكرك جدا على ردك مع العلم توي انتبه على صرفية البنزين ومعلومة جديدة طيب le 2 ايش مواصفاته دفع الرباعي شغال او لا وكم سعره بالله
