السلام عليكم ورحمة الله وبركاته
مساكم الله بالخير يالربع
الله لايريكم مكروه ويحفظكم من كل شر
البارحة صار سلنا حادثة الله لايعيدها كنا طالعين بالليل كشتة ومتوكلين على الله ودخلنا بالنفود وأقرب مكان او على ماقالوا نقرة وقفنا به حتى كنا مريحين الموتر لأبعد درجة طبعا موترنا جيب شروكي نوع ليبرتي موديل جديد اللمهم اول ماوقفنا الا ريحة الدخان اللي تفقع الصدر ونناظر تحت الا نشوف الدخنة وشوي الاتشب حتى ماقدرنا نفتح الكبوت مسك الله يكفينا الشر حتى كان الحريق بشكل مفاجأ لأننا او ماوقفنا وعشق خويي اللي هو راعي الموتر يوم عشه بالN الا امبير الار بي ام ينقز واستغربنا من هالشي اللمهم قدر الله وماشاء فعل الموتر شب كله ولابقى الااثار الحديد الله يعوض راعيه خير
لكن السؤال لكم وأعتذر على الإطالة حنا كلمنا عمليات الدفاع المدني وسوو تقرير بالحادثة
هل ممكن خويي صاحب الموتر يحصل على تعويض من علماً ان التأمين منتهي وحتى لو كان مجدد فلايفيد لأنه ضد الغير لكن هل فيه تعويض نستطيع الحصول عليه بشكل آخر
لأن خويي شاري السيارة من قريب له وكان محافظ عليها لكن القير جاه مشكلة وذهب به للوكالة اعتقد غيروا فيه كم قطعة او ووظبوه منب متأكد بالضبط
اقرب توقع ان الحريق كان بسبب الجير ،هل ممكن نحصل على تعويض من الوكالة وإذا كان يمكن لنا الحصول على تعويض ماهي طريقة المطالبة به ؟
وشكرا لكم وأعتذر عن الإطالة والله لايريكم مكروه
