السلام عليكم ورحمة الله
بالنسبه للباترول او الدينالي
بصراحه كلها روعه لكن ماجربت الباترول
الدينالي يتفوق في المواصفات والقوه والامان بعد الله سبحانه
والباترول يتفوق بالدبل والقوه لكن ماهو أقوى من الدينالي.
هذا اول شي.
ثاني شي
اذا انت تحب السفر والخط لا تبعد عن الامريكي و الالماني اذا امكن
وانا متاكد اذا جربت الامريكي ماراح تكون اخر تجربه لك
طبعا اتكلم عن موديلات 2007 وفوق
وفي البر والكشتات سواء الخفيفه او الطويلة والبعيدة ماراح يخيب ظنك
حسب استخدامي للتاهو 2008 عملي وبقوه وكانت وماتزال سيارتي الوحيده من 8 سنوات و فوق هذا استخدامي شوي ثقيل احمل عليه اسمده للمزرعه 10 اكياس :D وشوف الكيس كم كيلو
وخط المزرعه في نص الحره وما يحتاج اعلمك بحره المدينه والعلا
يعني بالعربي قالبه شاص :)
و إلى الان ما شفت فيه ملاحظات غير الديكور اصوات بسيطه مع الحفر والمطبات
والكفرات عريضه والعريض ما ينفع للحجر و الحصى تقال سكاكين و يبنشر
يمكن حلها انك تركب كفرات خاصه لكن مالقيت الزين
