الفرق بين سيارات الخليج وسيارات العالم

حسب الشركات

مثلا عندك فورد و شفروليه ما تجيب الاستنادر الامريكي

مثلا فورد موسنغ ايادي ابواب و مريات سودا و قماش رخيص و جنوط الظاهر 15

ولا ماليبو طيس وكلها اسود باسود ( بشكل عام )

عندك هيواندي تعتمد على السعر فمثلا الاكسنت عندنا 42 الف بامريكا تقريبا 53 الف عشان مواصفات السلامة ولو جبتها السوق محد راح يطالع فيها اهم شي الجنوط الفتحة !

عندك تويوتا الفل كامري مثلا تعادل مواصفات الاستنادر مازدا مع تفوق المازدا ببعض الموصفات لكن الشعب بيتشري عاد ليش يغير ويقلل ربحه طالما الامور ماشية !

الخلاصة تبي مواصفات راح تدفع اكثر و المستهلك السعودي اهم شي عنده مواصفات الفشخرة ومواصفات السلامة اقل ما يسال عنه اجمالا بالاضافة انه الافضلية للحجم الاكبر و ليش تخفيض الاستهلاك

فمثلا لو تجي تقول ابتما فل ب 120 الف كاملة المواصفات شد بلد ولا كادينزا نص فل مكينة اكبر بياخذ الكادينزا اما الدول الثانيةبيفضل السياراة الصغيرة عشان توفير البنزين و مواصفات مريحة

هي تعتمد على اشياء كثيره من موازنه وطلب وعرض و و الخ
واسوءها الجشع + الشعبيه او التطبيل اللي ماله سنع زي شيك بالجيب هذي تزود جشع الوكالات

ولو فرضنا الكامري تجي بكامل المواصفات + الوكيل اكيد يبي ربح منها = سعر غالي جدا وراح يتم الصرف عنها بكل تأكيد ، فيه احد يبي يدفع 150 الف ع كامري ؟ خصوصا ان فيه نسبه من متوسطه الى عاليه من اللي يشتريها دخله محدود نوعا ما

لكن لو جات بمواصفات مقبوله نوعا ما
وسعر مناسب او اكثر بشي بسيط ، هنا يعتبر شي مقبول
صحيح ربما يكون اغلى من الخارج ، لكن يبقى افضل من المثال اللي ذكرته فوق

والشي اللي اتمنى ينمحي بثقافه السيارات عندنا
اصحاب الفخفخه وهو مديون + شيك بالجيب
لو انتهت احتمال اسعار السيارات تنزل من 20 الف واكثر
: )

في سبب مهم ..اسواقنا تعد صغيرة مقارنة بالسوق الامريكي فما عندهم مشكلة باختلاف التجهيزات لأنها راح تنباع... السيارات الآن تباع هناك Build You Own .. يعني انت تختار التجهيزات اللي تبيها في السيارة .. يعني طبيعي تلقى سيارتين ستنادرد بالاسم ولكن التجهيزات تختلف ، ولهذا السبب لما يبيعون السيارة تلقاه يكتب المواصفات كاملة ...

اما عندنا احمد ربك ان الوكيل يخليك تختار اللون ..والخارجي بعد لأن الداخلي موحد ! ولما بتبيع السيارة تكتب مثلا السيارة ستاندرد وخلاص لأن المواصفات موحدة ..

كلامك صحيح

صديق لي اشترى أكسبدشن 2014

لكن بدون شاشه او الفئه الاقل من الفل وتقريبا مواصفاته شبه كامله

طبعا خليجي بــ 148 الف والان الاكسبدشن الجديد استاندر مافيه شيء بــ 156 الف !!

انا ماري وش السبب بالظبط هل انه بسبب اليوكن والتاهو زادت اسعارهم الكل زاد سعره

ولا وش بالظبط ؟؟

فيه شاهد يؤيد كلامك
انظر للاكسبيدشن الجديد
ما فيه الاستاندارد اللي نعرفه
أقل نوع في الاكسبيدشن الجديد يوازي تقريبا شبه الفل كامل في 2014
و لذلك شف الأسعار شلون طارت فوق
بعد ما كان الاكسبديشن يبدا بالـ 109 صار يبدا بالـ 155 !

هل لديك مثال من المواقع الرسمية للسيارات بحيث نعرف أن الستاندارد في الموقع أفخم من الفل كامل عندنا ؟

الوكيل ثم الوكيل ثم الوكيل

الكامري الي عندنا تشابه الكامري الاسترالية بأغلب الاشياء وليس بكل شيء بحكم انها تجي من عندهم

الهايلكس الي عندنا لا يشابه الهايلكس الاسترالي أو حتى التايلندي أطلاقا! وهو يصنع بتايلند وطبعا اقصد مايشابهه من ناحية المواصفات طبعا

الوكلاء هم من لهم دور كبير في مواصفات السيارات

وبأي طريقه يحاولون يقللون من التكلفه بقدر الإمكان

والان وكيل سيارات مازدا في السعوديه سياراتهم بمواصفات كامله وبسعر مغري ورسمي

هذا يرجع للأجواء اللي عندنا و انه الشركات غير مهتمة في تصنيعها خصيصا لنا
و أخيرا ثقافة شعب لانه حتى في دول عربية تلاحظ انه مواصفاتهم احسن مننا
و السبب انه عندنا أهم شيء المكينة فمثلا مين حيشتري سيارة صغيرة ب 150 الف حتى لو حط كل مواصفات العالم محد راح يشتريها
و الوكيل يحاول يبيع اكبر كمية و ينافس السوق حتى لا يخسر و تقعد السيارة في وجهه
و حتى لو فرضنا انه جاب مواصفات عالية ما عندنا مراكز صيانة راح تعرف لها احنا كذا و طلبيات قطع الغيار بالشهور
حتى أحيانا أشك انه الوكيل يعرف يعمل صيانة للسيارة

سوقنـا سـوق ضعيف ، وبعض الأحيان يكون عبارة عن رجيع لسيارات بها عيوب

يخشى الصانع أن يبيعها للزبون في دول العالم الأول لكي يتحاشى الملاحقة

القانونية والغرامات وتكاليف الإصلاح ...الخ ... والمواصفات حدث ولا حرج .

في نظري الشخصي الشركات لاتعير اي اهتمام للسوق العربي بشكل عام وتعتبره سوق ضعيف والعرب طول اعمارهم وهم نيام وسكوت
واحيانا مثل سيارات تويوتا كل وكيل يلعب في مواصفاتها

حقيقة الوارد الامريكي على سبيل المثال تجد انه سوق عجيب
الفل اوبشن معهم 3فئات وكل فئة بنواقص بسيطة كل مواصفات الامان والسلامة فيها

نحن الخليجي يجيبون لك سيارة على انها فل اوبشن وفي الاخير حتى ماتسوى الاستاندر الامريكي مثل ماقلت

التاهو على سبيل المثال الفل اوبشن الامريكي بمواصفات دينالي (الدوواسات اوتو والخ..)
ونحن الفل اوبشن مافيه هالميزة

السوق الامريكي محظوظ صراحة
اسعار اقل ومواصفات توب

هناك سيارات صعب تجلبها الى الخليج
لأن لها سيارات منافسة في السعر وأفضل منها في المواصفات
مثل نيسان باثفاندر وسنتافي هونداي دخلوا في منافسة مع الفورتشنر تويوتا
في السنوات الأخيرة سيطر الفورتشنر على السوق وسحب البساط من سنتافي وباثفاندر
لذلك على الوكيل أن يراعي فارق السعر أو المواصفات أو يمتنع عن جلب السيارة
وهذا يحدث في كل دول العالم
أيضا المستوى المعيشي له دور في ذلك
هل تريد من وكيل نيسان في سويسرا أن يجلب داتسون عراوي ستاندر بدون مكيف ؟
لذلك طبيعة السكان وثقافتهم الاستهلاكية لها دور

الوكلاء هم اللي يقدرون حاجة السوق ويختارون المواصفات غالبا
لكن حتى الشركات لها دور في هالموضوع

فورد فيوجن مثلا لو يجيبها الوكيل بكامل مواصفاتها وصل سعرها ١٥٠ الف!
غبي لو يسويها :bigggrin:

لذلك الأسعار تلعب دور
لابد يوازنون بين المواصفات والأسعار بحيث تظل السيارة منافسة

هالكلام طبعا يتعلق بالسيارات الشعبية
اما السيارات الفخمة تجي بكل مواصفاتها وعادة الوكيل يعطيك الخيار انك تطلبها طلبية خاصة بالمواصفات اللي تبيها