السلام عليكم ورحمة الله وبركاته
طبعا بدخل بالموضوع على طول
انا ناوي اشتري سيارة جديدة وميزانتي حدود 250 الف ريال
طبعا بالبدايا كانت عيني على ال XF بس نزل الشكل الجديد والشكل الجديد بيطول جدا لين يوصل لنه ببرطانيا ما نزل لسا
السيارة انشالله بشتريها خلال هذا الاسبوع او الاسبوع الجي باذن الله
لكن بالاخير بدأت احتار كل ما استقر تجيني خيارات ثانية
طبعا هذه اول سيارة ليا بتكون
بالبدايا كنت على ال C-class لكن للاسف طلعت صغيرة جدا جدا جدا تعتبر
بعد كدا المزراتي القبلي صحيح سعرها 300 الف بس قلت مو مشكلة نحاول نرفع الميزانية وسمعت انه فيها 50% و 50% بعدين لكن المشكلة من الصيانة وقطع الغير هل في شخص عنده خلفية عنها ؟
بعد كدا استقريت الى اليوم على البي ام الفئة الرابعة 435i قراند كوبي
وانا جالس مع الوالد فقلي طيب شوف البورش كيف طبعا البورش Cayman فشفتها وصراحة عجبتني لكن المشكلة قطع الغيار والصيانة وهذه متخوف منها لانه ولد عمي عنده سيارة بورش وكل بعد فترة شركة ويدفع مبالغ وقدرها
المهم الي اباه انا نصايحكم
انا ادور على سيارة مميزة تكون مو منتشرة وسعرها حلو, لو فخامة كمان حلو على شبابي
واهم شي الصيانة وقطع الغيار تقريبا هذه اهم نقطة فكيف صيانة كل سيارة و كيف قطع الغيار ؟
طبعا شوفرليت و كدلك و لكزس للاسف ما تعجبني نهائيا ولا فكرت نهائيا بيهم ولا بفكر
فايش رايكم ؟
واخر استفسار بخصوص جاكور F-Type كم سعر الاستاندر تبعها بالسعودية ؟
اسف جدا على الاطالة لكن اتمنى مساعدتي في الاختيار
ونهائيا ما ابا جيوب او SUV
تحياتي لكم
