السلام عليكم ورحمة الله وبركاته
وكل عام و انتم بخير و يارب يعيد علينا و عليكم هللشهر الفضيل و أنتم في صحة و عافية
اخواني الكرام انا محتاج خبراتكم الواسعة بالسيارات الحوض و محتار جدا السوق متوفر انواع و اشكال يقع الاشكال اني في حيرة و تفكير و ما ابغا ادفع شي الا و انا مقتنع فيه لكن بعد مشورتكم و خبراتكم انا الحمد الله امتلك سيارة دفع رباعي جيب لاند كروزر في اكس ار اعلى فئة و خايف عليه و ما ابغا اغامر فيه كثير بالبر و الطلعات بحكم الزوائد الي فيه و غير كذا دافع فيه مبلغ مو بسيط فعشان كذا قررت اخذ سيارة حوض غمارتين 2015 و اترك الجيب للطلعات الخفيفة و الزيارات و المناسبات الي محيرني بالحوض انواع مرة اقول ابغا سييرا و مرة سلفرادو و مرة فورد اف 150 و مرة دودج رام 1500
ورحت الشركة و سألت عن اسعارهم
السييرا و السلفرادو قريب الاسعار بحدود 160 الف
الفورد اف 150 بصراحة سعره ارتفع بكثير و انصدمت ﻷن زميلي اخذ واحد غمارة و نصف 136 الف و يوم سألت عن غمارة و نصف مو متوفر الي متوفر غمارتين و سألته عن السعر قالي 172 الف انصدمت بالسعر يوم ارتفع مع انه مو فل كامل
بعدها رحت وكالة المتحدة و حصلت عندهم دودج رام 1500 بصراحة انهبرت بالمواصفات سألت عن اعلى فئة ماشاء الله داخليه روعة و تبريد و تسخين مراتب و هيدروليك و اشياء كثيرة لا تحضرتي مقارنة بالفئات الثانية وسعر الدودج رام 174 الف لكن الي خوفني الوكيل
الان انا في حيرة و تفكير مو عارف ايش اخذ بعد توكلي على الله و بعد مشورتكم
انا ابغا الي جرب و استمتع بالسيارة دون تحيد او تعصب لماركة انا بستخدم ولا راح ابيع انتظر شوركم الله يوفقكم
