عشاق تويوتا وهوندا والاعذار الواهية الى متى ؟

تبون صدق ما فيه أحسن من تويوتا و الهوندا كأستخدام شخصي قليل الأعطال ((سيارات مع أستخدام تنحب) بكل صراحة ..

مشكلة لو تشتري سيارة وتظهر تشيكتها 8 ألف في وكالة ... شو شعورك وسياتك ما كملة 40 ألف كيلو متر هذي عينة من سيارات ذات

مواصفات و سعر مقبول في نظرك

يردون سعر سيارة في تشيكات الوكالة ...هي نفس مشكلة

سيارة غالية في وكالة قيمتها مثل تويوتا أو سيارة أرخص وتشيكاتها أغلى ((الحال هو عنتر أخو بلال)))

طبعا بتقول شيك سيارتك خارج الوكالة طبعا أرد عليك ما أريد أشيك سيارتي في أماكن يتعلمون عليها ويكسرونها ...

أنت غلط و أبوك صح

أنا كنت نفسك قلت حق شيبه شو تريد هايلكس مخيس في أحسن منه في سوق

أشترى هايلكس من أشتراه إلى الأن بس شيك عليه مرة وحدة سيارة عملية لأبعد حدود

طبعا متجاوز 150 ألف مب متأكد بس ما فيه أعطال و لاعبين فيه بعد ...

أبد

مجموعة فيات كرايسلر تلامس رغباتي
من سياراتهم الاقتصاديه
الى المسلز
الى السبورت سيدانز
والكروس اوفر دورانقو الوحيد كروس اوفر بتوزيع وزن 50/50 مثالي
والا سيو فيز
والاكزوتكز الخ

واهم شي انها تحط الدفع الخلفي من اولياتها :xyxthumbs:

شكرا على الموضوع القيم

يوم خذت اول مازدا لي في 2009 كانت مازدا الترا، كنت حاط في بالي ان قطع الغيار غالية لكن السيارة عجبتني وماحبيت احرم نفسي منها

بعدين انصدمت انها فعلاً ارخص من غيرها، وهالشيء خلاني ما اتردد في شراء الجيل الجديد 2014

مثال بسيط، الزينون احترق عندي وكان سعره 53 دينار (530) مع التركيب في المازدا، اما في التويوتا وتحديداً الأوريون كان 65 دينار (650 ريال) بدون تركيب

لاحظت ان السوبارو غالية بشكل فضيع، الأضواء الأمامية الواحد اكثر من 4400 ريال !!! شدعوة

المشكلة من الوكيل يستغل السمعة يعدل على السيارة تطلع تكلفتها اقل يرفع السعر الناس تشتري يحقق ارباح عالية والمشكلة الشركة الام ماتجبره على اشياء معينه وكلاء الخليج افضل من عندنا ما ادري وش السبب الي يخلي الواحد يشتري بدون مايبحث ويعرف ويمشي على السمعة هذا غلط كبير وموضوعك جميل يعطيك العافية

انا اشوف ان المشكله بطمع الوكلاء و يؤسفني اقول و جهلنا و اصرارنا على دعم الشركات اللي يضحكون علينا

كيف أقتنع بشراء كامري ب2 ايرباج فقط ب80-ألف ريال، بينما اللجاسي اليابانية أخذتها في 2011 بسعر مشابه وب7 ايرباج.
الأمان بيد الله والحوادث قضاء وقدر، لكن الاخذ بالأسباب واجب.

اشترينا مؤخرا نسيان باترول سفاري 2014 لنكتشف انه مافيه ABS، أذكر المرسيدس E190 عام 93 كان فيها ABS، مهزلة بصراحة والمفروض لا يسمح لها بدخول السوق السعودي. وفعلا حصل حادث مؤخرا والفرامل ما مسكت بشكل جيد والسيارة الي بالأمام راحت تالف.

هي وقفت على تويوتا وهوندا بس!

كيا وهيونداي وشفر وفورد والسيارات الأوروبية كلها أسعارها شاطحة

إللي أسعارها معقولة مازدا ونيسان وكرايسلر فقط

التعصب لماركة معينة ليس شيئا جيدا ولا شيء يمكن محوه من عقول الناس بسهولة

لكن الزمن لا يدوم لشركة معينة فسرعان ما تتغير تلك العقول بمجرد ان تخذلهم ماركتهم الحبيبة

مثلما حصل معي في تويوتا ومثلما يحصل معي حاليا مع هوندا مع اني ما زلت معجبا بهوندا

الا انها لم تعد تلامس رغباتي مع العلم باني راسلتهم شخصيا بالبريد الالكتروني وافادوني بان رغباتك ليست

لدينا ابدا


لذلك الزمن والمواقف من تلك الشركات كفيلة بفك لحام التعصب


اما لارامي :)

احتاج اشرحه وادرسه لاني ابي اعرف هل يملك اسهم في كرايسلر او لا :)

والله شخصيا ماعرف إذا بينهم فروقات

لكن ماشفت احد تكلم عنها في المنتدى

وغالبا في وكلاء السيارات في السعوديه يكونون أسوء من الخليجي

أخبر في فروقات بين الخليجي والسعودي
والسعودي أفضل
أقصد الباترول

ياصاحب الموضوع

موضوعك سبق وتم نقاشه

لكن خذها بصوره بسيطه كل شركات السيارات في الخليج اللي يحدد مواصفاتها هو " الوكيل "

وبشكل عام مواصفات الخليج اسوء من اي مواصفات دول اخرى تقريبا !!

تويوتا مواصفات سيئه وسيارات من مصانع أسوء واسعار عاليه وطبعا وكيلك المحلي هو الأسوء بالخليج

وتقدر تشوف الاندكروزر , الهايلكس , الأفالون كيف مواصفاتهم اقل من الخليج

ومو بس تويوتا هذا العيسى وكيل نيسان يبيع الباترول 400 حصان فل بلاتينيوم صدام سيتي بــ 310

وفي المعارض خليجي بــ 285 الف ريال , ايضا عندك وكيل كيا الجبر !! مواصفاته أقل من الخليج وسعره أعلى

منهم وخدمات مابعد البيع يكاد يكون الأسوء ( شين وقوي عين ) وفيه وكيل اخر لاعبها صح مثل الحاج حسين

وكلنا شفنا كيف اسعار سيارات مازدا عنده صارت ارخص من اللي في الإمارات !!

انا الان لا ابرئ هوندا
لاكن هذي اخطاء تصنيعيه
تحصل في اي شركة
وتغير المحرك بالكامل وليس تغير اجزاء منه
يحسب لشركة الام

تصدق أني أحب لارامي
لأنه يتعصب لشركة وليس لقبيلة
:xyxthumbs:

انا اتفق معاك في الكلام اللي تقوله و فعلا لو تشوف الشعب الامريكي ممكن يكونون افضل منا بكثير من ناحية ثقافة الشراء

يعني تشوف الامريكي ما عنده تعصب لمنتج بلده يشوف وين الشركه اللي تقدم له الافضل و ياخذ منها بغض النضر هذا الامريكي من وين اصله .

نحن للاسف المنتجات ليست منتجاتنا و لا منتجات دول عربيه او اسلاميه حتى
المنتجات منتجاتهم و نحن اللي نتعصب لها

مثل واحد دايم يشتري تويوتا للحين يوم اقول له ليش ما تفكر تغير يقول لي هذا التويوتا مثل الذهب
يعني تحس بعض الناس ماتدري شو يحسون فيه يحسسونك ان شركات السيارات كأنها موضوع فيه قبايل :c0214:

كلامك صحيح
اغلب السيارات التكلفة صناعتها معتدلة اكان باليابان او امريكا او غيره

لكن جشع الوكلاء معنا بالاسعار,مثالا الباجيرو والباترول اسعارهم معقولة وهم صناعة اليابان
لكن لما تاخذها من الوكيل سعرها مرتفع جدا

خذ خليجي
2015 سعرها 77 مواصفات كثيره
والسعودي 92 ولافيها شي

2016 فل سعرها 93 سعودي بدون دبل

خخخخخخخخخخخخخخخخخخخ
:bigggrin::bigggrin::bigggrin:

تصحيح :

وكالة أكورد

وليس

وكالة هوندا