ساعدوني في اخراج الهواء من فرامل ABS

camry4 @user_78407 · 20-09-2015

السلام عليكم و رحمة الله و بركاته

عندي تويوتا اوريون 2009 فيه مشكله ان الفرامل تحس انها تهوي مع اني مغير الفحمات و الهوبات و منسم الهواء من الفرامل من الكفرات الاربع

والحاله ما تجي الا اذا صرت ماسك طريق سريع و فجأه وقفت السيارات وضغطت الفرامل تحس السياره ياللله توقف وربك يسترها

وشاهدت مقطع لاخراج الهواء من نظام abs وان السبب لدخول الهواء للنظام هو عدم تنسيم مسمار الزيت خلف الهوب عند تغيير الفحمات فيروح الهواء ل ABS ويعمل هذه المشكله مع العلم لمبة ABS طافيه

https://www.youtube.com/watch?v=jdiOlEKTqrE

عبدالعزيز 8 @user_231972 · 22-09-2015

فيه طريقة شفت فلبيني يسويها وتحتاج لشخصين
واحد يدوس على دواسة الفرامل للأخير بقوة وما يشيل رجله عن الفرامل والثاني عند الabs بالدور يفك اول ماسورة ليخرج الزيت قليلاً لين يشوف ان الزيت صافي من دون أي هواء او فقاعات
ومن ثم يغلق صامولة الماسورة الأولى والشخص الثاني يشيل رجله عن الفرامل بعد اغلاق صامولة الماسورة الأولى
وتزيد زيت في علبة الفرامل وهكذا تبدا بالماسورة الثاني بنفس الطريقة واللي بعدها بالدور الى ان تنتهي من جميع المواسير بالدور بنفس الطريقة

عبدالعزيز 8 @user_231972 · 22-09-2015

وعليكم السلام ورحمة الله وبركاته

اذا دواسة الفرامل تهوي للأخير ومع التكبيس على الفرامل تضبط
فالخلل من علبة زيت الفرامل
روح المشحمة واشفط الزيت اللي في علبة زيت الفرامل ونظف العلبة صح وضع زيت اصلي
وان شاء الله تضبط

تحياتي للجميع

formula one @user_278648 · 21-09-2015

تنويه : تم رفع الموضوع الى الاعلى

formula one @user_278648 · 20-09-2015

وعليكم السلام ورحمة الله وبركاته
عند تغيير الفحمات فلا حاجة الى تنسيم الهواء لان لا يوجد منفذ للهواء كي يدخل الى منظومة الفرامل
هنالك حالتين يحصل فيها هذا الخلل وهما :
1- خلل في الماستر بريك
2- خلل في الباكم
ولكي تفرق ما بين العطل فيما اذا كان من الماستر بريك او الباكم , لاحظ عند الضغط على دواسة الفرامل < وانتم بكرامة > اذا سمعت صوت < وشه > ونزلت الدواسة الى الاخير وفشلت عملية الفرملة فهذا يعني ان الخلل من الباكم , اما بدون صوت الوشه فهذا يعني ان الخلل من الماستر بريك .
بالتوفيق