السلام عليكم و رحمة الله
اليوم أقدم لكم أول موضوع لي في المنتدى أسأل الله أن ينفع به
ندخل في الموضوع مباشرة...
أولا: قرار الشراء
كان عندي مرسيدس E280 موديل 1997 سيارة حبيتها لكن للأسف كان حب من طرف واحد (يا ليل الدراما :blue:)
كانت أعطالها كثيرة و السبب العمر و عدم المحافظة عليها بشكل جيد
قررت أشتري سيارة جديدة و كانت خياراتي جيلي EC7 و النترا و توسان
مدح لي أحد الزملاء الجيلي عن تجربة أخوه لها و الحمدلله كان عندي قيمتها كاش و اشتريت الفل لون فضي بتاريخ 3 محرم 1435
ثانيا: المواصفات و الأسعار
رحت وكالة جيلي اللي في الخبر طريق الكباري جوار الجزيرة فورد و كان عندهم أربع فئات:
سيدان ستاندرد قير عادي عليها عرض بـ 31 ألف ريال
سيدان ستاندرد قير أوتو بـ 41 ألف ريال بدون عرض
سيدان فل قير أوتو عليها عرض بـ 45 ألف ريال
و كان عندهم سيارة وحدة هاتشباك ستاندرد أوتو لون أبيض بـ 40500 ريال
مواصفات الستاندرد: مكينة 1800 سي سي, قير 5 سرعات عادي أو أوتو CVT, ريموت, قزاز و مرايات كهرباء, جنوط حديد 15 بوصة, فرامل قرصية أمامية و خلفية, ABS و EBD و 2 ابر باق
مواصفات الفل: نفس المكينة و القير الأوتو و باقي المواصفات + لمبات ضباب (أظن حتى الستاندرد) + جنوط المنيوم 16 بوصة, فتحة سقف, مقاعد جلد, حساسات خلفية و مكيف أوتو
تعليقي على الأسعار و المواصفات: صراحة نتفوا جباه المنافسين و المفروض تنزل بأسعار زي كذا عشان الناس تشتري و يصير لها سوق
ثالثا: الصيانة
الصيانة كل 5000 كيلو, مرتين وديتها صيانة مازدا في الخبر, مرة صيانة جيلي في الخالدية, مرة صيانة مازدا و مرة جيلي في الكعكية بمكة المكرمة و آخر صيانة كانت في بترومين
كل الصيانات بـ 280 ريال في الوكالة (بترومين بـ 90 ريال بدون فلتر) لكن صيانة 20000 كيلو كانت بـ 750 تقريبا و غيروا فيها فلتر الزيت + فلتر الهواء + فلتر المكيف + فلتر بنزين + بواجي
أسعار القطع: فلتر زيت بـ 15, فلتر هواء بـ 33, فلتر المكيف بـ 46, فلتر البنزين بـ 58, البوجي الواحد بـ 6
تعليقي على الصيانة: صيانتهم عادية ما عليها ملاحظات لكن صيانة جيلي في مكة هي الأفضل من ناحية تعامل و سرعة. أسعار القطع ممتازة باستثناء غلطت مرة و خليتهم يغيرون مساحات القزاز الأمامي بـ 115 ريال. النية إن شاء الله في المستقبل أغير زيت في بترومين و كل 20000 أوديها الوكالة
رابعا: تعليقي على السيارة بشكل عام
السيارة حلوة و مناسبة جدا لعائلة صغيرة و استهلاك البنزين ممتاز جدا. داخليتها ماهي ضيقة أبدا و شنطتها كذلك (طبعا تقدر تطبق المقاعد الخلفية و تزيد من مساحة الشنطة)
المقاعد الجلد ما هي سيئة خصوصا إني مركب تظليل حراري
المكيف في الحر إذا السيارة واقفة في الظهر أو حتى أول العصرية تحسه ما يجمل كثير لكنه في العموم بالنسبة لي مقبول
دعسات البنزين و الفرامل تحسها مرتفعة شوي و مكانها غلط لكن مع تزبيط الكرسي و مع التعود يمشي الحال
مكينة السيارة و القير صراحة ما يحتاج (للسواقة العادية طبعا). كنت متفائل كثير بالقير قبل شراء السيارة و بعد الشراء تأكدت ان تفائلي كان في محله
السيارة فيها تنسيم هواء خفيف من ناحية باب السواق يظهر أحيانا في الخطوط السريعة
السيارة أحيانا ما تشتغل على طول و هذي لاحظتها بعد كم شهر من الشراء. طبعا ما راجعت الوكالة في الملاحظتين (صراحة أنا اشتريت سياة جديدة عشان أريح راسي مو عشان أطرد ورا الورش أو الوكالات)
عزل السيارة الأرضي جدا سيء أما الهوائي فعادي (إذا ما ظهر التنسيم)
مشكلة السيارة الحقيقية هي توفر قطع الغيار في الوكالة فقط
خامسا: اذا رجع الزمن ورا هل اشتري هذي السيارة؟ الجواب نعم و بقوة
في الأخير اتمنى أنكم استفدتم من التجربة و أي سؤال أنا حاضر
اليوم أقدم لكم أول موضوع لي في المنتدى أسأل الله أن ينفع به
ندخل في الموضوع مباشرة...
أولا: قرار الشراء
كان عندي مرسيدس E280 موديل 1997 سيارة حبيتها لكن للأسف كان حب من طرف واحد (يا ليل الدراما :blue:)
كانت أعطالها كثيرة و السبب العمر و عدم المحافظة عليها بشكل جيد
قررت أشتري سيارة جديدة و كانت خياراتي جيلي EC7 و النترا و توسان
مدح لي أحد الزملاء الجيلي عن تجربة أخوه لها و الحمدلله كان عندي قيمتها كاش و اشتريت الفل لون فضي بتاريخ 3 محرم 1435
ثانيا: المواصفات و الأسعار
رحت وكالة جيلي اللي في الخبر طريق الكباري جوار الجزيرة فورد و كان عندهم أربع فئات:
سيدان ستاندرد قير عادي عليها عرض بـ 31 ألف ريال
سيدان ستاندرد قير أوتو بـ 41 ألف ريال بدون عرض
سيدان فل قير أوتو عليها عرض بـ 45 ألف ريال
و كان عندهم سيارة وحدة هاتشباك ستاندرد أوتو لون أبيض بـ 40500 ريال
مواصفات الستاندرد: مكينة 1800 سي سي, قير 5 سرعات عادي أو أوتو CVT, ريموت, قزاز و مرايات كهرباء, جنوط حديد 15 بوصة, فرامل قرصية أمامية و خلفية, ABS و EBD و 2 ابر باق
مواصفات الفل: نفس المكينة و القير الأوتو و باقي المواصفات + لمبات ضباب (أظن حتى الستاندرد) + جنوط المنيوم 16 بوصة, فتحة سقف, مقاعد جلد, حساسات خلفية و مكيف أوتو
تعليقي على الأسعار و المواصفات: صراحة نتفوا جباه المنافسين و المفروض تنزل بأسعار زي كذا عشان الناس تشتري و يصير لها سوق
ثالثا: الصيانة
الصيانة كل 5000 كيلو, مرتين وديتها صيانة مازدا في الخبر, مرة صيانة جيلي في الخالدية, مرة صيانة مازدا و مرة جيلي في الكعكية بمكة المكرمة و آخر صيانة كانت في بترومين
كل الصيانات بـ 280 ريال في الوكالة (بترومين بـ 90 ريال بدون فلتر) لكن صيانة 20000 كيلو كانت بـ 750 تقريبا و غيروا فيها فلتر الزيت + فلتر الهواء + فلتر المكيف + فلتر بنزين + بواجي
أسعار القطع: فلتر زيت بـ 15, فلتر هواء بـ 33, فلتر المكيف بـ 46, فلتر البنزين بـ 58, البوجي الواحد بـ 6
تعليقي على الصيانة: صيانتهم عادية ما عليها ملاحظات لكن صيانة جيلي في مكة هي الأفضل من ناحية تعامل و سرعة. أسعار القطع ممتازة باستثناء غلطت مرة و خليتهم يغيرون مساحات القزاز الأمامي بـ 115 ريال. النية إن شاء الله في المستقبل أغير زيت في بترومين و كل 20000 أوديها الوكالة
رابعا: تعليقي على السيارة بشكل عام
السيارة حلوة و مناسبة جدا لعائلة صغيرة و استهلاك البنزين ممتاز جدا. داخليتها ماهي ضيقة أبدا و شنطتها كذلك (طبعا تقدر تطبق المقاعد الخلفية و تزيد من مساحة الشنطة)
المقاعد الجلد ما هي سيئة خصوصا إني مركب تظليل حراري
المكيف في الحر إذا السيارة واقفة في الظهر أو حتى أول العصرية تحسه ما يجمل كثير لكنه في العموم بالنسبة لي مقبول
دعسات البنزين و الفرامل تحسها مرتفعة شوي و مكانها غلط لكن مع تزبيط الكرسي و مع التعود يمشي الحال
مكينة السيارة و القير صراحة ما يحتاج (للسواقة العادية طبعا). كنت متفائل كثير بالقير قبل شراء السيارة و بعد الشراء تأكدت ان تفائلي كان في محله
السيارة فيها تنسيم هواء خفيف من ناحية باب السواق يظهر أحيانا في الخطوط السريعة
السيارة أحيانا ما تشتغل على طول و هذي لاحظتها بعد كم شهر من الشراء. طبعا ما راجعت الوكالة في الملاحظتين (صراحة أنا اشتريت سياة جديدة عشان أريح راسي مو عشان أطرد ورا الورش أو الوكالات)
عزل السيارة الأرضي جدا سيء أما الهوائي فعادي (إذا ما ظهر التنسيم)
مشكلة السيارة الحقيقية هي توفر قطع الغيار في الوكالة فقط
خامسا: اذا رجع الزمن ورا هل اشتري هذي السيارة؟ الجواب نعم و بقوة
في الأخير اتمنى أنكم استفدتم من التجربة و أي سؤال أنا حاضر
