الانفنتي g37 او q50تعتبر من السيارات المثالية الرائعة
تمتاز بالتقنيات والفخامة
الكرايلسر للاسف مجرد شكل من الداخل بلاستيك وليس فيها رمز للفخامة
ف نتمنى عودتها نفس عودة كاديلاك
هذا اللي اتخوف منه ، فخامة في الشكل والباقي بيتعبك طول ما انت تملكها من خرابات و قلة تحمل ... وفوق كذا سعرها يطيح بقوة .
السيارتين وكلائهم اسوء من بعض
للأسف ان كل السيارات اللي ابيها وكلاؤها سيئين جداً !!!! :(
كسيارة انفنتي افضل بمراحل
فخامة واعتمادية ومواصفات مميزه وجودة عالية وشكل اجمل برأيي
لكن الغسان فاشل.
جداً سمعتة سيئة! انا ما ادري كيف صار وكيل لشركات كبيرة زي لمبرغيني وغيرها !
تحسه ماخذ راحته ولا حاس بخطر من جهة الشركات الام ولا من جهة وزارة التجارة هنا
شكراً ك ، قلبي يقول انفينيتي جودةةةةةةةة
انصحك تجرب القيادة وتشوف وش شخصيةةالسياره الي تناسبك
الياباني كرتون وورق مقوى ومكاين صغيره.
الامريكي شي ثاني
فكرت كثير باستئجار السيارتين وتجربتها ، شكراً جزيلاً
صباح النور أخ عزيز
انا بجاوبك على اسئلتك من منطلق التجربة
حيث ان عندي سيارة الأهل انفينيتي Q50 موديل 2014
[COLOR=sienna]1- من ناحية الأداء : يعتمد هل بتاخذ الدودج 6 سلندر ولا 8 سلندر ؟[/COLOR]
إذا كانت الدودج 6 سلندر فانا أظمن لك ان الانفينيتي Q50 تتفوق عليها بالأداء
ماشاء الله السيارة سريعة جدا جدا وبسرعة تنزل عدادها
بالمناسبة عدادها 280كم !!
أما لو أخترت الدودج 8 سلندر RT أو SRT فطبعا الدودج ستتفوق بالأداء
بالنسبة للشق الثاني من السؤال عن الجودة :
لاحظ بالمنتدى وبالمجلات وباليوتيوب وبكل الدول بتحصل استدعاء للدودج بسبب عيوب مصنعية
والانفينيتي جودتها عالية والي يقولك هذي سيارة يابانية ومستواها وجودتها بسيطة صدقني هذا مو مجربها
انا قاعد أقولك هالكلام من منطلق التجربة ومتأكد من كلامي 100%
الانفينيتي جودتها عالية وحلوه وشكلها من الداخل يفتح النفس
2- قطع غيار الانفينيتي غالية
ماجربت الدودج لكن أتوقع ان الدودج قطع غيارة أرخص من الانفينيتي
الانفينيتي قطع غيارها مثل اللكزس بالأسعار تقريبا
3- الأهل كانت عندهم سيارة EX35 وهو جيب الانفينيتي الصغير وظل عندنا 6 سنوات وماشاء الله ماخترب ولا مره نهااائيا
وبعدها أخذنا Q50 والحين صارله سنه تقريبا [COLOR=sienna]وما شاء الله تبارك الرحمن ماخترب[/COLOR]
أما الدودج .......... مادري اسأل الي يمتلكون الدودج وهو يجاوبونك أفضل مني
4- انا من الكويت ومستوى وكيل الانفينيتي عال العال
كل شي عندهم فخم سواء صالات العرض أو قاعات الاستراحة في الخدمة السريعة
على فكرة عندنا الانفينيتي عليها صيانة مجانية لمدة 3 سنوات + تأمين شامل مجاني + سيارة بديلة في حالة ان السيرفيس يطول أكثر من يوم ، لكن مادري عن الوكيل عندكم في بلدك
وانا رأيي من رأي العضو لارامي الأفضل انك تجرب السيارتين بالقيادة وبعدها تحكم
وأيضا الأفضل انك تأخذ الكلام من اشخاص يمتلكون السيارات سواء الانفينيتي أو الدودج لأن كلامهم بيكون عن تجربة أفضل بنظري
وبالتوفيق مقدما
رائع جداً ، اشكرك على التفصيل في الرد
محتاج مثل هالنوع من التفاصيل والمعلومات
والمقارنة بين تشالنجر و انفينيتي هي للـ 6 سلندر
كلامك مقنع جداً وهذا اللي يقال كثير للامانة
بشكل عام ، انفينيتي يبين انها جودة! ولا عمري شفت احد يملكها ويشتكي
عكس اي سيارة امريكية ثانية، صحيح يستمتع بالاداء اكثر.. لكن العواقب منهكة وكل يوم ورشة وصيانة وقطع غيار! ( تخوّف )
وكيل انفينيتي عندنا في السعودية سيء لأبعد درجة حسب كلام عملائه
شاكر لك الافادة ، باخذ كل وقتي الين اوصل لقناعة تامة للسيارة اللي باخذها
الله يوفقنا واياكم
