القرار الأخير ، رأيكم

بالنسبه ل الأخ محمد

صح كلامك من فترة طويله انا محتار وانشغلت شوي بسبب الجامعه
المهم انا ميزانيتي تقريبا 135 الف يمكن تزيد 10 او 20 الف بالكثير
طبعا المقاعد الخلفيه غير مهمه جدا

أنا أقول خلك على الموستنق

وإذا منت مقتنع فيها توكل على الله وخذ الزد

صدقني راح تطررررربك السياره هذي عشق

الله يوفقك واتمنى لك كل خير

ما ادري احسك من فترة طويلة جدا محتار يا اخوي سهيل وعندكم دراهم ولا تدري وين توديها وعندك غرام للبعض ومجننك ومو مخليك تشتري سيارة وبيجيك الجنون ههههه هذا انا تبي رائي كم ميزانيتك انت عزوبي انت تودي اهلك وتجيبهم عندك سيارة ثانية انت تبي فخامة او اداء رياضي او الاثنين او تبي شيء صغير وحلو واقتصادي جاوب ومالك الا موتر يطيب خاطرك

في البحرين عندنا مكاتب ثقة وكم واحد من ربعي جابو الموستنج الجديد وسيارات كثيرة كلاسيك بدون مشاكل الحمدلله

إذا لك خاطر كلمني على الخاص وبعطيك ارقام مكاتب ثقة خلال شهرين سيارتك واصله بإذن الله

لا تكثر خياراتك ترا بتتعب (( نصيحة أخ يعزك ))

بالنسبه لوكالة القولف ما أتوقع انها اسوء من صيانه كيا تخيلوا رقم تلفون ما عندهم وبعض الأحيان الخرابات ما يصلحونها وبعض الأحيان الزبون هو بنفسه يخرج سيارته

يعني انا أتوقع ان الجميح وساماكو أفضل من الجبر

والله النيسان زد كنت افكر فيها لما كان سعرها 120 الف لان كان عليها عرض لاكن الان ب 140 الف والتصميم قديم وفي اي لحظه يمكن يتغير

بالنسبه الكوماروا انا عندي الموستنج أفضل بسبب انها تكرف ووكاله فورد احسها أفضل
بالنسبه الشيروكو الار سعرها ب 175 سعرها يجيب لي أشياء أفضل وأفخم
على العموم انا قريب بنزل الوكالات ويمكن احصل أشياء ثانيه تتدخل بالي
وما نستغني عن نصائحكم
وشكرا

وش صار على موضوع النيسان زد ؟؟

أنا أشوف أنك تنتظر حتى توصل الكمارو الجديده

مع أن الكاديلاك ممتازه ولكن مثل ماتقول نادر احد يركب معاك

لذلك أشوف أنك تاخذ سيارة سبورت أفضل

وشيك على الفولكس واجن شيروكو آر

الله يوفقك ويكتب لك كل خير

صح كلامك ي الغالي برا أرخص لاكن فين المكتب الأمين الي أخليه يستورد السياره

صعبه أعطي واحد ما اعرفه أعطيه 140 الف وأقول له أبغى موستنج ويقول لي اصبر شهرين وتوصل ، ضميري ما بيرتاح لمده شهرين الفلوس ما حصلتها في الشارع

ثاني شيء في الجمارك هنا يسرقوا أشياء من السياره وهذا الشيء صار لي صاحبي وتم ذكر هاذي المشكلة في مواقع اخرى

عشان كذا قلت لنفسي اشتري من هنا موستنج ستاندر وسعرها أغلى من الشكل القديم بعشره الاف واعتقد فيها المواصفات الأساسيه حساسات وكاميرا وهذا المهم
بس انا سمعت انها بالحجز وتوصل بعد 5 شهور ( بنزل الوكاله قريب وبتاكد ) واذا بالحجز
اشوف لي اي سياره ثانيه احسن

إذا معزم على الموستنج الجديد لا تاخذه من الخليج لأن السعر مضاعف عن الموجود في أمريكا

160 الف من أمريكا تجيب لك الفل كااااااامل مع كراسي ريكارو بعد !!!!!

طيب عندي سوْال لي اهل الخليج الي من البحرين او الإمارات او الكويت

بكم عندكم اسعار الموستنج 5.0 ستاندر ؟؟

عندنا سعرها اعتقد بين ال 155 و ال 160 الف بس الوكيل عندنا يوفرها بالحجز واذا جاب كميات على طول تخلص

والله ي الغالي

انا الحمدلله عندي خبره في السيارات وجالس أدور لي سياره بسعر معقول ومناسب وتكون فخمة او رياضيه

انت ايش تشور على ؟؟
اللكزس اسعارها نار بالرغم من انها ملكه الكرف ووكيلها أفضل وكيل

كاديلاك ونم , رغم اني اشور عليك تاخذ الموتر اللي يقدم لك خدمات مابعد البيع
زي قطع الغيار والصيانه مستقبلا بعد مايخلص الضمان مثلا ..

الكاديلاك ATS و بأذن الله أنك ما راح تندم يا سهيل . .

ان كنت تحب القيادة الرياضية و التماسك و سهولة القيادة عند أي منعطف ..
التي هو موجودة في الجولف اصلاً ..

لكن ATS تقدم لك هذا الشي مع فخامة و ستايل جميلين :)

سيارات كاديلاك الجديدة ككل بشكل عام , اصبحت قيادتها تميل للرياضية و الطابع الي يحسسك في الطريق

خصوصاً في الـ ATS ..

بالتوفيق لك أن شاء الله

بالنسبة للفخامة لا في نظري الكاديلاك افخم من الجولف

لكن نظرت الناس للألماني دائما غير وأفخم وأغلا (( إذا كانت نظرت الناس تهمك )) انا لا اسوي إلي في بالي ولا ابالي بأحد

لكن إذا كانت المساحة الخلفية ما تهمك كثير والثبات توكل على الله وخذ الكاديلاك

مع ان الجولف ارخص من الكاديلاك

بالتوفيق وإذا بغيت شي تراني حاضر

وفي النهاية اقول لك (( صدقني إذا استعملة وتعايشة مع الألماني بتنفر من الشركات الثانية )) وهذي انا أعتبرها الفتنة في الموضوع خخخ

السبب يا صديقي أنك ستندم باختيارك لسيارة وكيلها ليس بالجودة المطلوبة.
مهما أغروك بالعروض والضمانات سيبقى الجميح أفضل من وكيل فولكسواجن.
قطع الغيار ليست متوفرة لدى وكيل فولكسواجن نهائياً. والطلبية للقطع تحتاج لها على الأقل ٢١ يوم .. ((على الأقل)).

هذا بالاضافة إلى أنك إذا في الحالات القصوى اضطريت تترك سيارتك لفترة معينة بالصيانة واحتجت سيارة فتوقع بنسبة ٩٩٪ تقول لك الصيانة ما عندنا سيارة بديلة ..

النقطة الثانية، القولف سيارة جميلة واقتنيتها من قبل ولكنها غير مرغوبة نهائياً في السوق السعودي للأسف.
فإذا عزمت على البيع لا تنصدم من سعرها في السوق.

النقطة الثالثة، الفخامة والوجاهة وراحة البال وحتى التميز في الاقتناء راح تقدمها لك سيارة الكاديلاك إذا امتلكتها بحول الله، ولن تجد هذا كله في القولف.

هذا بالإضافة إلى أن معطياتك من عروض وغيرها في الأساس مغرية في الكاديلاك أكثر من الفولكسواجن!!
١٠٠ ألف صيانة مجانية لسيارة فارهة
٤٥ ألف صيانة مجانية لسيارة من الفئات الصغيرة

أنا امتلكت R32 من قبل وللأمانة أقولها .. خذ لك أمريكي ولا يخدعك مستشار المبيعات بكلمة ألماني.
نحترم الألماني فقط إذا احترمنا ..

في الأخير هذا رأيي الشخصي وقد يكون نابع من تجربة شخصية ولكن لا تنسى الاستخارة قبل الاختيار.
وبالتوفيق لك ولي ولمن يقرأ.

طيب اعطيني السبب ؟؟

انحش من فولكسواجن نحشة الفريسة من الوحش.
الكاديلاك أمام مقارنتك هي الرابح الأكبر بلا منازع.

بالنسبه المقاعد الخلفيه كويس لو احد استخدمها كل سته شهور مره ، المقاعد الخلفيه بالنسبه لي مو مشكله
وبالنسبه للثبات صح كلامك الألماني أفضل
بس هل تحس ان القولف أفخم من ال ats ??