استفسار عاجل جدا, غدا بوقع عقد تمويل تأجيري مع بنك الامارات

مبروك مقدما

البنك عرض السعر عنده ممتاز مقارنة ببقية البنوك، اما بخصوص الدفعة فلها اكثر من حسبة بناء على تفضيلات المشتري فمثلا البعض يدفع اقل دفعة في سبيل يحتفظ بالكاش معاه وايضا لانه بعض البنوك المخالصة معاها صعبة في حالة وجود اي مشكلة فربما يخسر العميل الدفعة، وفيه مشتري يفضل دفع اكبر دفعة لتخفيف ارباح البنك لكن فعليا اذا حبيت تستفيد من تخفيض الارباح يفضل تخفض كمان عدد سنوات الايجار من 5 سنوات الى 3 سنوات او على الاقل 4.

عموما هذي زي ما قلت ترجع لتفضيلاتك كمشتري ،ا اما بخصوص الضمان الممتد فبعض البنوك زي الراجحي والاهلي يعطي ضمان ممتد كعرض اضافي مجانا للعميل، فاحتمال بنك الامارات ماعنده هذا العرض الآن.

الآن انت بما انك وقعت العقود توكل على الله والله يطرح لك البركة في سيارتك ولكن من البداية وقبل توقيع استلام السيارة احرص انك تستلم اثبات على اي عرض تم تقديمه لك من البنك يعني قالوا لك عقد صيانه ممتد خليه يعطيك عقد الصيانة رسمي بالكلام هذا. قالوا لك توكيل السفر مجانا خليهم يعونك ورقه رسمية بالكلام هذا لو ما عطوك من البداية وفي المستقبل احتجتهم صعب جدا تحصلهم ولكن قبل توقيع استلام السيارة ممكن تاخذ كل اللي تبيه.

حياك الله أخي أبو مؤيد,,

يعطيك العافيه...

أظن الغسان عرض التقسيط تبعه عن طريق بنك الراجحي,, اتصل فيهم من فتره على الرقم المجاني تبعهم, قالوا لي العرض مع بنك الراجحي.. اللي فيه ضمان ممتد 5 سنوات.. وهامش ربح نسيت كم بالضبط.. واذكر قالوا على سيارات مختاره..

الراجحي انا مستبعده, أخذت منهم سياره في 2008 وما صدقت خلصت منهم..
لما اروح لهم لأي غرض.. تجديد تفويض او اي معامله.. تحس كأنك داخل دائره حكوميه من الفوضى والزحمه والكل ينافخ :(

متفائل خير مع بنك الامارات,,

تحياتي لك

بسألك أخوي

ليه ماتاخذ السيارة دايركت من الغسان
http://www.infiniti-alghassan.com/ar/homepage.html

عندهم عروض أقساط وضمان ممتد وصيانة مجانية

ألف شكر لك عزيزي على التعقيب,,

بس شكلك تتكلم عن فتح حساب بنكي لدى بنك الامارات وتحول راتبك عندهم صح؟

أنا مجرد أخذت منهم سياره ..تمويل تأجيري منتهي بالتمليك بدون تحويل راااتب..

أما عاد احول راتبي عندهم :smilie16:

يعني تعاملي مع البنك ما بعد استلام السياره..مجرد دفع اقساط التأجير و تجديد التفويض فقط..

صحيح راح يفتحون لي حساب في بنكهم لإيداع الاقساط شهريا فقط,, لا بستلم منهم بطاقة بنك ولا شي..


تحياتي لك عزيزي

فيه نقطه

في حالة لاقدر الله صار حادث واعتبرت السياره totaled بتروح الدفعه الاولى وكل شي دفعته

والنقطه الثانيه
البنك خدمات النت حقته خااااااااااااااااااااااااااااااااااااااااااااااااااااااااااااااااااااااااااااااااااااااااااااااايسه

تخيل يطلعلك SAP errors
وخربيط ومره يفتح ومره لأ
ومره يوصلك رسالة الرقم السري ومرة لأ

واذا بغيت بطاقة او اب شي يقلك انتظر نطلبها من الامارات

وآخر شي
جيت اغير رقم الجوال لازم تمر الفرع
وتسوي طلب ياخذ 5 ايام عمل

فالبنك هذا
اننننننننننننننننننننحش

وفي السفر
كل مااسافر اي مكان يبهدلوني
على طول توقف البطاقات مع اني اكلمهم قبل لااسافر
فجأة تلقى كل بطايقك موقفه, بدون رسالة او ايميل او اتصال:a1120(121)::a1120(121)::a1120(121):
تكلمهم يقولك في عمليه في البلد الفلاني انت مسافر:bigggrin::bigggrin:

ألف شكر لكم اخواني جميعاً..

معذره تأخرت في الرد, لكن قرأت الردود على السريع بنفس اليوم اللي نزلت فيه الموضوع.. واستفدت من ايضاحك أخي أبو مؤيد..

وتوكلت على الله رحت للمندوب ووقعنا العقود.. بعد اصراري له اني بدفع المبلغ اللي عندي كامل.. وهو 40000 + 3000 رسوم ادارية للبنك,, سالته ليش 3000, قال 2000 للبنك, و1000 ريال لتمديد ضمان السيارة من 3 سنوات إلى 5 سنوات.. لان الغسان يعطي ضمان 3 سنوات للسيارة..
قلت اوك شي طيب.. العقود لسه ما استلمتها.. مع استلام السياره بعد كم يوم بأستلم العقود..

لكن حاب اتأكد من هالنقطه , إللي هي تمديد الضمان.. هل مفروض تكون موجوده مع العقد؟

فيه حاجات مهمه بعد تعتبر حصريه عند بنك الامارات قال لي عنها المندوب... بس ما ادري بتكون موجوده بالعقد او لا..

مثلا:

تفويض القياده.. التصريح للبحرين متضمن في نفس التفويض الخاص بالقياده داخل المملكة.. بمعنى ما يحتاج اسوي تصريح للبحرين, فقط التصريح لدول الخليج الأخرى.. ما رايكم؟؟
وهل ضروري تكون موجوده هالنقطه في العقد؟

ومثلا:

تأمين السياره.. حسب كلام المندوب,, هم وبنك الاهلي,, بس هالبنكين اللي يعطي تأمين إصلاح السياره بالوكاله خلال الخمس سنوات.. باقي البنوك.. تعطي تأمين اصلاح وكاله لأول سنتين فقط والباقي ورش..


ملاحظه: هامش الربح 2.99 % والتأمين 4.20%
أخطأت ببداية الموضوع كتبت 4.24%

مع خالص تحياتي لكم

معلومة جيدة جداً بالردود للاخوان ماقصروا وهذي نقطه استفدت منها

وماقصروا ~ الله يكتبلك ما فيه الخير ياصاحب الموضوع والشكر للشباب بافادتهم

أبو مؤيد شرحه كافي. سيكون ربح البنك أكثر إذا قللت الدفعة الأولى ؛ لأن فائدتهم على المتبقي.
لكن هذا يرجع للمشتري , إذا كان ما عنده مشكلة يكبر الدفعة فالأفضل أنه يكبر الدفعة.
هنا تستفيد شيئين: تقلل فوائد البنك + تخفف على نفسك القسط الشهري.