يسعد صباح الجميع
اخوي بشير بالنسبه للصوت الي قلتلك عليه.
وديت السياره لاخصائي قيرات وركب معي وجرب السياره وقالي ان القير فيه مشكله ويحتاج توضيب او تغيير. لانه يعشق من الاول للثالث . والتبديله الثانيه مايمر عليها . والدعسه الثانيه مايقبلها ويجلس يحن بنمره.
اما صوت الطقطقه فعلا يقول من الحذاف . وانا نويت اغير القير مع الطنجره مع الحذاف .
وش تنصحني فيه ياذيبان .اغير ولا اخليه لين يجيم مره وحده.
أهلا وسهلا فيك أخي الكريم وحياك الله
- طبعا أنا لاشك في كلام الميكانيكي ولكن أنت تقدر تعرف وتتأكد هل تعشيقات القير مضبوطه ولايوجد فيها تفويت أو تأخير لأي نمره من النمر أو التعشيقات وذلك من خلال استخدامك للسيارة وتطبيق قراءة توقيتات كل نمره من النمر مثل ماذكرت وبينت لك في ردي الثاني الموجود في الصفحه الأولى وطبعا سبق وذكرت لك أنه لابد أن يكون مستوى الزيت ماهو ناقص وحالته جيدة بدون رائحة حرق للكلتشات أو تغير لونه للأسود ونظافة ممرات البدي فآلف (مخ القير) , وأيضا لابد أن يكون كيبل التعاشيق Tv Cable موزون بشكل صحيح ومايكون فيه أي شطب لأنه كل هالأمور لابد التشييك عليها لأنه تؤثر في التعشيقات ..... عموما لو كنت أنت قريب مني لجربت لك القير وتـأكدت لك أكثر
- الحذاف flywheel لابد من شراء جديد وطبعا اللي في السوق غالبا مايكون أمريكي وسعره رخيص حوالي 70 ريال ولابأس فيه , أما الطنجرة فالافضل وقت شراء أو توضيب القير التأكد من سلامتها واذا فيها مشكله لابد من شراء وحدة أخرى مستعملة او مجددة مع أنه نادرا ماتخرب الطنجرة الا اذا كان القير مخبط والرايش وصل الى الطنجرة
- تقدر أخي الكريم تمشي أمورك والقير بهذه الحالة وطبعا سعر القير المستعمل رخيص جدا مع الرجيع راح يطلع لك بحدود 500 ريال أما سعر التوضيب فاراح يكلفك مبلغ مايقارب 1350 ريال - 1500 ريال
