تركيب مثبت سرعة لنيسان نافارا 2013

مشكورر بس ياخي خطر الي سويته ف_______ف الحين وش يفكك من مشاكل الكهرباء

اخوي شكرا لك ع طرحك لتجربتك المفيدة

انا لقيت باثفندر 2010 ستاندرد نظيف جدا ومتردد اشتريه لاني اسافر كثير واحتاج مثبت سرعة الموتر حلو بس عيبه انه مافي مثبت سرعه .. هل اقدر اركبله

الله محييك اخي الفاضل
سلمت يمينك على هذه التوضيحات
جعل الله سبحانه وتعالى جهدك هذا في ميزان اعمالك الصالحة ,, اللهم آمين
دمت في رعاية الله وحفظه
اخوك

حياك الله اخوي فورملا ون وبارك الله فيك

و شكرا على كلماتك و دعواتك وابشر بالي اقدر عليه وانا تحت امركم و ما وضعت هذه المشاركة الا لنتبادل المعرفة

اذكر بعض النقاط مبدايا

1- دعسة البنزين في اغلب السيارات الحديثة اليكترونية مثلها مثل النافارا الي في المقطع و هذا يسهل تركيب المثبت بشكل كبير و يصير الموضوع كله توصيلات كهربائية تنحصر في الطبلون جهة السواق

2- السيارات ذات الدعسة الميكانيكية لها مثبت من نفس الشركة السابقة لكن هنا يكون معاه دينمو بواير يحتاج تثبيت عند المحرك و مد للواير لذراع الدعسة على المكينة ( هنا الموضوع يحتاج جهد اكبر لكن ما اظن فيه اي صعوبة

3- التوصيلات نلخصها بـ :
كيبل للدعسة
كيبل ليد المثبت
كيبل فيه خمسة خطوط كالتالي
احمر يتوصل بمصدر كهرباء حار مع السيويتش ( و تاكد انه يبقى حار مع التشغيل ايضا )
اسود سالب للبودي
ازرق للخط الموجوب سويتش الفرامل
ابيض بني للخط السالب لسويتش الفرامل
و خط موف لاشارة حساس السرعة

مع القير العادي فيه اضافة لسويتش كلتش و خطين ( افصل فيهم بعد تجربتهم )




ممكن تجرب المثبت بدون ما تجرح الاسلاك و قبل تثبيته بشكل نهائي بالطريقة التاليه

بواسطة سلك موصله في الولاعة تشبك الاحمر و الازرق كلهم على الموجب
و تشبك الاسود و الابيض كلهم على السالب
و توصل الموف لخط حساس السرعة ( وهنا قد تحتاج لجرح السلك ان كان موجود )
توصل طبعا كيبل الدعسة

و توصل اليد بشكل خارجي دون تثبيتها على الدركسون و تجرب

لكن انتبه هذا فقط للتجربة بكل حذر و في طريق امان على سرعة منخفضة( المثبت يعمل حول 40 و فوق ) لان المثبت بهذا الشكل لايفصل لامع الفرامل و لا مع الكلتش فقط يفصل بزر تشغيل و اطفأ المثبت



( للمعلومية حاولت اجرب المثبت برفع احد الكفرات الخلفية في موقفي لكن المشكله بسب ان ما فيه حمل على الكفر راع يدعس المثبت بشكل عالي و غير منتظم فما انصح بتجربته بهذا الشكل )

و الفكره فقط للتتاكد مع توافق و عمل المثبت قبل بذل الجهد في تمديد و توصيل الاسلاك و التثبيت النهائي


تقييمي للمثبت :
يمكن بدري شوي اني اقيمه بشكل نهائي لكن كنظرة اولى

سعره معقول - ادائه جيد و ناعم عند رفع السرعة او اعادة التثبيت ( ممكن لان السيارة قير عادي فما فيه مجال انه يبدل نمر ) - الازرار لكل عليها خفيفة بشكل ما يعطي احساس بالجودة و المتانة



خطورة المثبت

في مثل سيارتي قير عادي و سويتش عادي اذا تركب بشكل صحيح ما اتوقع فيه اي مشكلة


بالتوفيق