اخوي لا تستعجل في الحكم على قير سيارتك
انا مره صارت معي في يوكن 2008 وبصراحه خفت على السيارة نفس اعراض سيارتك بالضبط
ولكن انا شكيت في المحطة اللي عبيت فيها بنزين وكان شكي في محله وهو سبب هاذي الاعراض بنزين مغشوش او واحد وضع شيء بالتانكي والحمد لله اختفى الخلل مع انتهاء البنزين
فأنت خلي البنزين ينتهي وعبي من محطه ثانيه مثل الادريس او محطه ثانية تثق بها.
فك أصابع البطارية ونظفها وتأكد من شدها
لا تنسى ان القير عندك كهربائي وكله حساسات شيك على كتاوت القير اللي في علبة الفيوز فكها وخضها واسمع هل يصدر منها صوت او هل عليها اثار سواد مما يتوجب تغييرها.
عند حدوث الخلل شيك على حرارة القير عندك بالطبلون شوف كم حرارة القير.
وأيضا عند حدوث الخلل هل تولع عندك لمبة البطارية لثواني ثم تختفي قد يكون الخلل من الدينمو في حالة ان اللمبة تولع .
وعن نوعية زيت القير المغير لسيارتك هل هو ديكسرون 6 مع التشييك على فلتر زيت القير لا يكون سقط وما ركب صح
مع التشييك على عمود الدوران (عمود الكردان) وشياله
