السلام عليكم ورحمة الله وبركاته.
شباب الله يسعدكم والله اني في حيرة لا يعلمها الا الله.
مقبل على سيارة وراح اشتريها باذن الله يوم الأحد،
وكل تفكيري احصل لي سيارة سعرها مناسب وتخدمني 6 سنين أقل شي.
وانا انسان راعي خطوط، بحكم أن عملي في الظهران واهلي بالرياض.
فـ بصير رايح جاي!
حطيت عيني على المازدا 6 وقلت باخذها بحكم سعرها ومع الوقت بشتري لها جنوط الفل منها شكل أجمل ومنها عشان الرساوة.
وفجأة وأنا ادور بالمواقع، طلع خيار معي جديد!
اللي هو الفيوجن..
ابي اعرف وش رايكم فيها؟ ولو قارنتها بالمازدا الكفه ترجح لمين؟
وابي اللي سعرها مقارب للمازدا ستاندر اللي هي اظن s
تفاصيلها ومواصفاتها والمقارنات بينهم..
اللي مخوفني ورددني في المازدا سالفة العزل اللي الكل يشتكي منه!
ولا ادري صلحوه في 2016 ولا لا!
ويعطيكم العافيه جميع.
بنتظار ردوكم وتفاعلكم.
