السلام عليكم
يعطيكم العافية جميعا. .
عندي مشكلة في سيارتي كابريس 2008 LS نفس ما وصفها اخوي المرايا بموضوع قديم له هــنــا وجالس احاول اتواصل معاه، لكن قلت اعرض المشكلة بالورشة ممكن فيه تجارب أحدث ونصائح أكثر.
المشكلة هي دقة في القير قوية كأنه احد صادمك من الخلف لما يعشق للثاني، وخفيفة ولا تكاد تذكر لباقي التعشيقات. غيرت زيت القير والفلتر والوجه ونفس المشكلة.
فحص الكمبيوتر يقولي حساس القير الي هو Input Speed Sensor Circuit ومريت كذا ورشة بالتقرير وقالو توضيب : ( وما ارتحت صراحة، وواحد قالي هذا حساس جوا القير ووراني صورته ورقمه، ولكن ما كان واثق مرة. ودلوني على هندي بصناعية العروبة ورحتله ولما رفع عيار زيت القير حصله مصدي قال يعني فيه مويا داخله للقير، وشاف عيار مويا الرديتر لقى فيها زيت (انا لاحظته بالرديتر لكن توقعته صدا مو زيت) المهم قال مبرد القير عندك خربان حاط مويا بالقير ومرجع زيت بالرديتر! الحق غير المبرد وسيخ الرديتر ونظف المكينة. وبعدها الله يعينك توضب القير :confused1:
غيرت المبرد وضبطت الرديتر وكل شي.. خفت الدقة لكن لازالت وايضا فحص الكمبيوتر لازال يقول حساس القير نفس الاول.
الآن قلت بجرب بغير الحساس وعسى تطلع المشكلة منه وما احتاج توضيب :blue: لكن المشكلة اني رجعت للي قالي حساس وقال تركيبه يكلف 700 ريال وقيمته تقريبا 200 ريال..!
سؤالي هل تتوقعون انه فعلا المشكلة من هذا الحساس؟ وهل فيه مهندس بالرياض تنصحونا فيه وسعره طيب، لان اخونا المرايا بموضوعه يقول ركبه ب300 ريال فرق والله.
وبس شكراً لكم والمعذرة على الاطالة. .
