السلام عليكم ورحمة الله
مساكم الله بالخير
اخواني الكرام بفضل الله وحمده اليوم انا الله سلمني وكتب لي عمر من هالحادث
والحمدلله على كل حال ,, السالفه بالتفصيل انا موظف بالرياض ومن القراده اني ما أدل كثير
في الرياض دايم أضيع لذلك استخدم GPS انا من سكان جنوب الرياض وفي بالي اروح اليوم
الخطوط السعودية الي بالمروج شمال الرياض عشان عندي رحلة سابقة ابي اعدلها واحجز رحلة
جديده وبعد ماقربت من الخطوط ابي اوصل لشارعهم الي عنده مواقف واوقف هناك بس
فيه مشاريع حول الخطوط والشوارع تقفلت بالصبات عشان هالمشروع الي تعبنا بالرياض
وجلست الف وداور الف وادور ابي اعرف الشارع الي يدخل على مكتب الخطوط عجزت كل شارع
اما مقفل او فيه تحويل تودي على طريق ثاني بالنهاية طحت لي على شارع المغيره
حول سوق الخضار كنت ماسك الشارع أول مسار في أقصى اليمين وكنت داعس على مااذكر 100
او اقل يمكن 90 او 80 مااذكر صراحة انا دعست لاني شايف الخط طويل وطفشت من اللفلفه فجاه
وانا ماسك لمسار الايمن كان على يساري بالضبط سيارة ايسوزو 2013 داعس الأخ الا يبي ياخذ
اللفه الي على اليمين وانا اساسا داعس من جهة اليمين واستغربت ان الرجل ماهدى ولا خلاني
أعدي توقعت بيخليني اعدي بعدين يلف على راحته لاني واضح بالنسبة له ,, المفاجأة انه لف
يمين وحك سيارتي وراحت فيها البابين الي باليسار كاملة ودعست فرامل انحرفت سيارتي
على الرصيف الي على المسار الايسر وحكيت الرصيف وطلعت فوقه ورجعت سيارتي على وسط الخط وانكسر العكس
والجنط راح فيها طبعا مع البابين واحمدالله سبحانه ان بعد مادخلت بالرصيف رجعت السيارة للخط
وماراحت للخط المعاكس كان توفيت ,, المهم اتصلت بنجم وجا شاف الحادث واخذ اقوالي
واقوال الهندي الي كان يسوق الايسوزو بالأخير الخطأ طلع على الهندي 100 %
والمشكلة الهندي يقول اني انا دخلت عليه قلت لنجم كيف اذا بدخل عليه اول شي بسبب اضرار
كبيره لسيارته وثاني شي ماتنحرف سيارتي بهالشكل قالي ان كلامي صحيح وان الهندي
هو الي داخل علي لان كفرته نصها محكوك وهذا دليل انه هو الي دخل عليك لو كفرته كلها
مصدومه كان نقول انا الي دخلت على الهندي
الزبدة يااخوان كلمت لي راعي سطحه وجا اخذ سيارتي وقال اليوم سبت مافي شغل لكن بكره
بوديها لك واجيب لك الاوراق قلت توكلنا على الله وخليته ياخذها وعدني بكره الصباح يتصل
علي و يعطيني السيارة بالاوراق
والله يااخوان مدري وش اسوي وكيف اكمل من بعد مااستلمها بكره
مدري وين اروح واين اجي ماني عارف الانظمة نهائيا
ساعدوني وش الخطوات وهل بخسر واااجد على هالسيارة مع ان معي تأمين هل بيساعدني
ساعدوني يالربع
مساكم الله بالخير
اخواني الكرام بفضل الله وحمده اليوم انا الله سلمني وكتب لي عمر من هالحادث
والحمدلله على كل حال ,, السالفه بالتفصيل انا موظف بالرياض ومن القراده اني ما أدل كثير
في الرياض دايم أضيع لذلك استخدم GPS انا من سكان جنوب الرياض وفي بالي اروح اليوم
الخطوط السعودية الي بالمروج شمال الرياض عشان عندي رحلة سابقة ابي اعدلها واحجز رحلة
جديده وبعد ماقربت من الخطوط ابي اوصل لشارعهم الي عنده مواقف واوقف هناك بس
فيه مشاريع حول الخطوط والشوارع تقفلت بالصبات عشان هالمشروع الي تعبنا بالرياض
وجلست الف وداور الف وادور ابي اعرف الشارع الي يدخل على مكتب الخطوط عجزت كل شارع
اما مقفل او فيه تحويل تودي على طريق ثاني بالنهاية طحت لي على شارع المغيره
حول سوق الخضار كنت ماسك الشارع أول مسار في أقصى اليمين وكنت داعس على مااذكر 100
او اقل يمكن 90 او 80 مااذكر صراحة انا دعست لاني شايف الخط طويل وطفشت من اللفلفه فجاه
وانا ماسك لمسار الايمن كان على يساري بالضبط سيارة ايسوزو 2013 داعس الأخ الا يبي ياخذ
اللفه الي على اليمين وانا اساسا داعس من جهة اليمين واستغربت ان الرجل ماهدى ولا خلاني
أعدي توقعت بيخليني اعدي بعدين يلف على راحته لاني واضح بالنسبة له ,, المفاجأة انه لف
يمين وحك سيارتي وراحت فيها البابين الي باليسار كاملة ودعست فرامل انحرفت سيارتي
على الرصيف الي على المسار الايسر وحكيت الرصيف وطلعت فوقه ورجعت سيارتي على وسط الخط وانكسر العكس
والجنط راح فيها طبعا مع البابين واحمدالله سبحانه ان بعد مادخلت بالرصيف رجعت السيارة للخط
وماراحت للخط المعاكس كان توفيت ,, المهم اتصلت بنجم وجا شاف الحادث واخذ اقوالي
واقوال الهندي الي كان يسوق الايسوزو بالأخير الخطأ طلع على الهندي 100 %
والمشكلة الهندي يقول اني انا دخلت عليه قلت لنجم كيف اذا بدخل عليه اول شي بسبب اضرار
كبيره لسيارته وثاني شي ماتنحرف سيارتي بهالشكل قالي ان كلامي صحيح وان الهندي
هو الي داخل علي لان كفرته نصها محكوك وهذا دليل انه هو الي دخل عليك لو كفرته كلها
مصدومه كان نقول انا الي دخلت على الهندي
الزبدة يااخوان كلمت لي راعي سطحه وجا اخذ سيارتي وقال اليوم سبت مافي شغل لكن بكره
بوديها لك واجيب لك الاوراق قلت توكلنا على الله وخليته ياخذها وعدني بكره الصباح يتصل
علي و يعطيني السيارة بالاوراق
والله يااخوان مدري وش اسوي وكيف اكمل من بعد مااستلمها بكره
مدري وين اروح واين اجي ماني عارف الانظمة نهائيا
ساعدوني وش الخطوات وهل بخسر واااجد على هالسيارة مع ان معي تأمين هل بيساعدني
ساعدوني يالربع
