السلام عليكم
كيف الحال يا إخوان
عساكم بخير
أرجوكم أحتاج إلى مساعدتكم صراحة تعبت من اللومينا وخراباتها وقطع غيارها الغالية
أحتاج الى شخص يعطيني رابط لموقع يوجد فيه قطع غيار لومينا 2006 LS رقم الشاصي 6g1zk51b06l477917
ويفضل لو كان الموقع خاص بالقطع الكندية درجة أولى
مع العلم أني تعبت من البحث برقم الشاصي ولم أحصل على نتيجة
القطع المطلوبة
1-قماشات أمامية وخلفية
2-جلد مقصات 4
3-كراسي مساعدات أمامية
4-مساعدات خلفية
5-مسمار توازن
6-مقصات
وسلامتكم
اخوي انا قلت عندك عطل بالمكينة او باحد الحساسات
و خاصا الحساسات عندنا غالية و بسعر جنوني
اما شايف طلباتك بسيطة واشياء استهلاكية مثل جلد مقصات و مسمار توازن و مساعدات و كراسي
و اسعارها متوفرة و مناسبة و موضروري تشتري اصلي
انا شريت مساعد خلفي ايمن لسيارتي ( كابرس 2006 نسخة 6 سلندر و نفس قطع اللومينا )
نوع المساعد جبرائيل او جبريل و يعتبر امريكي تجاري و قيمته 100 ريال فقط
و صارلي مركبه اكثر من سنة و ما اشتكى من شي و لله الحمد
اذا انت مصر تطلب من النت فقم بطلب فحمات
بس نصيحة شراء القطع من الانترنت مكلف و اخر شي ما رح تستفيد شي
و ينطبق عليك المثل القائل معايد القريتين
لان القطع تعتبر ثقيلة و شحنها مكلف
اللي يبي يطلب من الانترنت لازم يطلب قطعة مهمة و حجمها صغير و سعرها مرتفع محليا
مثلا حساس جمسع الحساسات بانواعها هذه وزنها خفيف و شحنها رخيص
و ايضا الاضوية و بعض الملحقات للمكينة بحيث تعثر وجودها هنا
و بخصوص بحث اللومينا لا تعذب حالك
السيارة استرالية و اسمها هولدن كومودور vz
و قطعها متوفرة في موقع ايباي الاسترالي و متوفرة بكثرة و لكن الاسعار باسترالية مرتفعة بسبب الضرائب عندهم
و هذه صفحة من موقع ايباي الاسترالي فيها قطع اللومينا 2006 نسخة 6 سلندر
http://www.ebay.com/sch/i.html?_from=R40&_trksid=p2050601.m570.l1313.TR0.TRC0.H0.Xholden+commodore+vz+.TRS0&_nkw=holden+commodore+vz+&_sacat=0
