تقرير عن فخر الصناعة اليابانية تويوتا مارك اكس

السلام عليكم ورحمة الله وبركاته السيارة غنية التعريف(وين غنية وهي حق اليابان بس) :c0038:


السيارة من زمان تطحن من راسي وتعبت وانا ابحث عنها وانا ادخل على موقع تويوتا اليابان واكحل عيوني فيها والارقام تدور في راسي واوريكم الخدعة الافالون الي حق اسواق العالم هالحلوة حقت اليابان بس يا حظكم يا اليابانين


نبدا باسم الله


السيارة تتوفر بثلاث فئات
بريميوم الفاخرة
الرياضية يرمزها لها بحرف s بمعنى sport
الفئة السبورت فعلا gs


نجي للمحركات تتوفر بثلاث محركات
كلها dohc dual vvt-i
كلها ستة سلندر v6 حقن مباشر حق اليابان بس المباشر :a1120(121):
الاول 4GR-fse
سعته 2.5 لتر حقن مباشر ستة سلندر v6 بقوة تبلغ
204 حصان وعزم 260 نيوتن متر


المحرك الثاني 2GR-fse
سعته 3.5 لتر حقن مباشر ستة سلندر v6 بقوة تبلغ
314 حصان وعزم يبلغ 380 نيوتن متر


المحرك الثالث
نفس المحرك الثاني لكن عليه سوبر تشارج بقوة تبلغ
355 حصان والعزم 498 نيوتن اه بس على هالرقم


القير: 6 سرعات اوتوماتيكي


الفئات والاختلافات ما بينهم
الفاخرة والرياضية الفرق
الوجهية والخلفية من شكل خفيف مايل رياضي الى مايل للفخامة مقاس الكفرات البريك في الرياضية افضل الداخلية في الفاخرة خشب الرياضية مافيها خشب بل تصميم رياضي عادي كانه الفرق بين كامري xle و xse في امريكا


اما gs فرق كامل من وجهية وخلفية وداخلية وكفرات وفرامل ونظام التعليق شغل رياضي بالكامل


منظومة الدفع:دفع خلفي/دفع رباعي
نظام التعليق الامامي:نظام تعليق مستقل مقصات مزدوجة
نظام التعليق الخلفي:نظام تعليق مستقل متعدد الوصلات




الابعاد
طول: 4750 ملم
عرض: 1795 ملم
ارتفاع: 1435 ملم


الوزن: 1510 كيلو غرام الى 1550 كيلو غرام


المواصفات باختصار مو بقعد اذكر كل شيء
باختصار فيها كل الدلع
شاشة 7 انش بنظام ترفيهي نظام صوتي نقطة عمياء زنون نظام الخروج عن المسار كاميرا رادار مثبت سرعة ما يحتاج كلام طويل معروفه هالخرابيط الي مالها داعي وتزيد فلوس على قلة سنع وانا ماتهمني


استهلاك الوقود داخل المدن لمحرك v6 3.5
10 لتر لكل 100 كيلو
استهلاك الخطوط غير مذكور
خزان الوقود: 71 لتر
استهلاك محرك السوبر تشارج غير مذكور فشلونا في موقعهم لازم اتصل عليهم عشان اعرف بس ادري بجيب العيد فبحاول ابحث واذا حصلت بذكره


الفرامل
الامامية: اقراص مهواة
الخلفية: اقراص مهواة


طبعا اي شيء يتعلق بمحرك 2.5 v6 مو ذاكره لانه سعره رخيص مرة وعشان بعد البنزين غالي في اليابان


التسارع محرك v6 3.5 يتسارع في 5.3 ثانية مصدر ياباني موثوق :bigggrin:
محرك سوبر ثانية للاسف مافيه تجربه او معلومة


هذا الاشياء الاساسية واعذروني اذا مو مرتب ومتداخل اول مرة اسوي تقرير
بحط لكم الصور صحيح قليلة لكن شسوي بعد حق تويوتا زين انهم حطوا صور اصلنا :bigggrin:
وطبعا مو بقعد اقولكم اوصف هذه المقدمة انظروا الي التصميم الانسيابي :bigggrin: لا بحط الصور كحلوا عيونكم وبس


السيارة ذا الجيل طلع 2009 وصار فيس لفت في 2012


بحثت عنها هنا في موضوع لعلي اكحل نظري بالمعلومات بس للاسف ما حصلت نسيت الاسعار راح اذكر اسعار فقط 3.5


سعر 350s توقعوا 126 الف ارخص من الافالون السبورت
سعر بريميوم 350 يبلغ 137 الف
سعر gs يبلغ 147 الف


الاسعار تم تحويلها من الين الى دولار الى ريال


طبعا الصور من الشركة الام اما اذا بتستلمها من المصنع بترزز عندهم في هوكايدو :bigggrin: مثلي بتطلع ارارخص


فيه بكج لونه اصفر يحوم الكبد لا يغرونك فيه :bigggrin: تراه تسليك بس عشان سحب الدراهم


اسف نسيت شيء مهم الامان ماخذ درجات عالية في اختبار التصادم وايرباقات كاملة وانظمة الامان الحزمة المعروفه من تويوتا
Abs,ebd,ba,vsc,traction controll نظام التوقف الذكي


رضا المستهلكين عنها خمس نجوم 4.8
-----------------------------