عدنا إليكم من جديد بعد غياب
حبيت أسألكم
سيارتي متسوبيشي جالنت ٢٠١٠ أربعة سلندر
اليوم صكيت ال٣٧٥ ألف كيلو
بسم الله ماشاء الله
آخر صيانة في الوكالة عند ٥ الف كيلو
وبعدها ماغير كل 5 الف كيلو أغير زيت وكل ٢٠ الف كيلو أغير فلتر زيت
في أقرب بنشر
الزيت توتال ١٠w٣٠
وكل ٧٠ ألف كيلو أغير زيت جيربكس علبة 5 لتر ب١٠٠ وكالة وفي أقرب بنشر أغيره ب٢٠ ريال
غيرت كراسي مكينة ورأس عكس داخلي
ومساعد وفلنجة بسبب قاعدة صبة في الطريق مدري كيف جات
وسير المكينة الخارجي غيرته مرة واحدة
وسير التايمن مرتين ١٧٠ الف كيلو و ٣٢٠ ألف كيلو
بواجي (شمعات اشتعال) كل ١٠٠ الف كيلو أستخدم حق هايلكس ٢٠١٠ الحبة ب٢٢ ريال لأن حق الجالنت الحبة ب١٠٤ سلامات
أقمشة أمامي مرة تجاري ومرة وكالة على حسب يعني
الخلفي مرتين وكلهم تجاري
دينمو تعبئة ب٧٠٠ تجاري والان له سنتين وزي اللوز
والباقي ولا حطيت يدي فيهم
أفكر حالياً أنظف البخاخات وماني عارف هل تحتاج تنظيف أم لا
عزم السيارة لا بأس به لكنه مو زي أول
وش تقترحون عليا أسويه ؟؟
قفلة
متسوبيشي فاقت توقعاتي وما أقول غير الله يسامح العيسائي قتل متسوبيشي في السعودية
