فزعتكم انا محتار بين 350 es و q70

أنا عندي انفينيتي Q70 حاليا و اي استفسار انا حاضر

طبعا صاحبي عنده ES 2014

بصراحه السيارتين جميلات و رائعه جدا و راح اعطيك بالتفصيل ايش تتفوق فيه الانفينيتي و ايش تتفوق فيه اللكزس من واقع تجربة للسيارتين

تتفوق انفينيتي في التالي :

1- الاضاءه الخارجيه تلف يمين و يسار مع حركة الدركسون
2- الشاشه ( للفئه اللي فيها نافيقيشن ) تجي لمس و تشغل صور و تشغل فيديو اما اللكزس ما تشغل ولاهي لمس
3- اثبت بمراحل و السيفتي فيها اعلى في القياده
4- المواد المستخدمه في السياره افضل .. افتح الدرج هينا و هينا وتحس بالفرق و افتح الشنطه و ركز وبتلاحظ ان الانفينيتي اكثر جوده
5- محرك اقوى بكثير من اللكزس
6- اكثر تميز بحكم توفر اللكزس في كل شارع
7- الشنطه تسكر لحالها (شفط)
8- انعم في المطبات .. تقدر تجرب سيارتي لو حبيت
9- دفع خلفيه
10- سخان و براد اسيات في كل الفئات حتى في الفئه الاقل


مميزات اللكزس



1- اوسع من داخل مع العلم انها اصغر من برا .. و السعه فارقه كثير في احساسك بالفخامه و كل ماوسعت السيارة كل ماحسيت بفخامتها
2- سقف بانوراما
3- ستاير جانبية في الخلف
4- الدخول الذكي حتى في الابواب الخلفيه
5- الوكيل متوفر في كل مكان ( جنب بيتكم ) .. اما الانفيتينتي لازم تكون من سكان الخبر حتى ترتاح
6- المحرك أهدأ من الانفينيتي
7- سعر اعاده البيع و الرغبة للسياره لما تبيعها
8- اعتقد ان الماوس في لكزس افضل من الماوس الموجود في انفينيتي << وجهة نظري


ملاحظه : الانفينيتي صيانتها بالكامل الى 100 الف كيلو معروفه و راح تكلمفك 22 الف ريال ,, و بعد الخصم بتكون بحدود 19 الف

اللكزس كصيانه اعتقد انه بيكلفك اكثر

و الله يوفقك و تشتري السيارة اللي ترتاح لها

خذ انفنتي فئه اكبر ودفع خلفي

اللكزس es عبارة عن افالون بعلامة لكزس

نصيحة فكر في اللكزس gs

شو جاب لجاب !!!

إنفينيتي طبعا

ماركة معروفه حتى عند البنات ووكيل يخدم احسن من ماركه مالها شعبيه ووكيل مايخدم لو سيارتهم طيارة ...
وافهم يافهيم

على حسب ميولك في القيادة تحب موتر هادي ومريح من الدوام للبيت وماتهمك قوة المحرك وطرب المحرك خذ لكزس احسن لميولك وذا تحب مكينة قوية واداء رياضي مع راحة تعتبر ممتازة وثبات خذ الانفنتي وانت مغمض انت الي تحدد وش تختار

انت تقارن فئتين مختلفتين كليا
لكزس es دفع امامي
انفنتي q70 دفع خلفي
انفنتي q70 تنافس لكزس gs
الانفنتي احسن

إسمح لي بتغيير الموضوع ولو بالقليل

إذا تبي سياره تجمع كل من es و q70 فــ هي الجنسيس

نصف فل بمبلغ 150 ألف وفيها مواصفات ماتحصلها لا في es ولا q70

ثانيا : الجنسيس دفع خلفي ومحرك v6 بقوة 320 حصان وبحجم أكبر من السيارتين

اللي ذكرت , ابرز مواصفاتها تبريد وتدفئه أماميه , ملاحه , بروجيكتور , أبواب كهربائيه ( شفط )

رادارات كامله ( مثبت ذكي , نقطه عمياء , مراقبة مسار ) , شنطه خلفيه ذكيه , أربع كاميرات

ومواصفات أخرى لاتحضرني الان وكل هذا وهي نصف فل !!! وش عاد الفل

أيضا ضمان 5 سنوات مفتوح المسافه وصيانه مجانيه 100 الف كيلو أو 5 سنوات مع سياره فاخره بديله .


بالنسبه للكزس es

لاتقرب السعودي أبدا

الخليجي يجي منه فئات كثيره بالسوق أبرزها :

ca وهي 6 سلندر أستاندر

ثم cc ويجي منها نوعين الأول برادار ومراقبة مسار وسعره بــ 165 - 169 ألف

النوع الثاني يكون بدون الرادار و مراقبة المسار والسعر أقل طبعا

والفئه الأعلى هي dd وسعره بــ 176 ألف

والأفضل تتأكد من المواصفات بنفسك بين كل فئه ومورد عن مورد


بالتووووفيق

فرفر المعارض

ابو جميل جايب فئة dd الفل وناقصها مواصفات ويبعها بسعر 200 الف

وذي المواصفات تحصلها في الخليجي في فئه cd وبسعر ارخص بكثير حول 158الف كذا

انت شوف المعارض

ابشر طال عمرك
بس ممكن تقولي وش مواصفات الخليجي والسعر

اجل لاتنسانا من التقرير وخذها خليجي ارخص وافضل مواصفات

وفيت وكفيت بيض الله وجهك
بعد كلامك عزمت على لكزس es ستة سلندر