انفنتي m56s لي ضروره

^
^
^
يوزر انتحاري

ردك اللي قبل هذا قد قريته من قبل هنا بالمنتدى ، و مو معقولة اني اصدقك و أكذب الناس !!!

اذا انت صادق ان معاك انفنيتي و فيها كل هالمشاكل ، أثبت لنا بصور الله لا يهينك

ملحوظة : الام 56 اس فراملها مو بريمبو الإيطالية

معليش اخوي شكلك ملخبط
هذي اسعار قطع الجي 37
كيف فرامل خلفي 200 ريال والرجال بيشتري الاس
اللي تجي فراملها بريمبو ايطالي !!!!!!!!!

السلام عليكم

الانفنتي هكذا يغريك بأمور كثيرة قبل الشراء
لكن بعد الشراء يطلع عينك

معاي انفنتي و هي هي نيسان تتفكفك بعد مده من الزمن والجلد حق الطبلون ينعجن مع الشمس
قطع الغيار ماتلقى ابدا الا بالوكيل و الوكيل اصلا مايوفر

كل فتره خرابات غريبه مثل حساس الكام بالمكينه وحساس الثروتل !!!!!!!!!!
واسعار عالية

ارقام وبدون اداء في الشارع
والله ما انصحك فيها انا مجرب السياره بنفسي تعبتني كثييير

وهذي الام تجي فراملها غاااالية مو زي الجي طقم ب500

للاسف ان جينيسيس حاليا تتفوق عليها بضمان وتعامل وفيه ناس كثير تمتلك جينيسيس رحت الوكاله مركز صييانه محد اعطاني اي خبر وهو ب اخر خريص بمكان صحراء يوم شفته كرهت الوكاله وسياره بكبرها اسال الفلبيني عن القطع يقول متوفر بس Q70 ام انقطعت من 2014 :c0038:
عالاقل لكزس وجينيسيس كل شي متوفر وهذا يدل على فشل وكالة الغسان شكرا لك شي احزني فعلا :blue:

ياعزيزي .. مثل الإنفينيتي وفئتها قضية الثبات والرساوة محسومة وبالذات عندما يتعلق الأمر


بالمحركات و أنظمة التعليق، فنيسان متفوقة فيهما ففي تقنية المحركات وجودة بنائها فلا ليكزس ولا


جينيسس تقارن فيها إطلاقآ وهذا ينطبق على التعليق وانفينيتي بالعموم سيارة فاخرة بنفس وطابع


رياضي لذلك قد تجدها أقل راحة مقارنة بفئتها وربما التجهيزات الداخلية ... فيما عدى ذلك فهي


متفوقة وبامتياز وقيادتها ماتعة جدآ وجامحة وبمقياس السعر مقابل الأداء والتجهيزات فهي تستحق


وبكل جدارة كل هللة تدفع فيها :xyxthumbs: وبالنسبة لقطع الغيار ماحك جلدك مثل ظفرك .. الأمر


بسيط زيارة سريعة للوكالة في وقت فراعك وقضي الأمر الذي تستفتي عنه :wavey:

أنا ولله الحمد من ملاك هذه السيارة
العزم والرساوة ما شاء الله ممتازة
القطع اشوفها معقولة ومتوفرة عند موزعي قطع غيار نيسان:
المساعدات ب 650 الواحد وبالوكالة حول 950 ريال
الفحمات حول 250 ريال وبالوكالة 400 ريال
السيور الاثنين بتقريبا 350 ربال
البواجي الواحد ب 75 ريال
فلاتر الهواء الواحد ب 75 ريال (تجي 2 عشانها دبل انتيك)
فلتر الزيت ب 35 ريال
قلب المروحة تبع الرديتر ب650 ريال
طبعا هذه القطع كلها أنا اخذهم من موزعي قطع غيار نيسان (للناس اللي تقول القطع غير متوفرة)

افضل حل اتصل على قسم قطع الغيار بالوكاله الغسان واسأل عن القطع اللي تبي,هنا صعب احد يفيدك باسعار القطع لان السياره نادره نوعا ما,لاكن اللي اعرفه عنها بشكل عام انها من افضل واجود السيارات في فئتها وان كان شكلها ماتغير كثير من فتره,لاكن تبقا فخمه وفيها اغلب المواصفات اللي بتحتاجها,ابرز الفروق بين الفئه الرياضيه والفخمه هي ان المقاعد الخلفيه متحركه في الفخمه عكس الرياضيه واللون الداخلي يختلف وايضا حجم الجنوط في الرياضيه اكبر,السياره بشكل عام ماسمعت عنها مشاكل او عيوب كبيره وقطع الغيار طبيعي تكون مرتفعه لاكن تبقا مقاربه او اقل من اللكزس,الوكيل غير منتشر لاكن من ناحية القطع لاتخاف لان وزارة التجاره تجبره يوفر لك اي قطعه تحتاجها خلال ايام قليله او حتى في نفس اليوم للقطع الاستهلاكيه,بالتوفيق وافضل شي تسال وتقارن بنفسك.

والله يازين قروب جينيسيس والنادي الكوري كل معلومات الجينيسيس موجوده من والى لكن هل سياره الفاخره محد يعرف عنها شي ونخاف نتسرع وبنهايه تطلع القطع نار يعطيكم العافيه عالعموم وبكنسل الفكره دام ان وضع سياره مجهول :blue: ماقصرتو ياشباب

شي غريب الوكاله بعيده عن بيتي انا ابي احد يعطيني نبذه بسيطه لا تعليق الصراحه:c0038:

والله ماعندي علم
أسعار القطع عند الوكالة

ي اخوان ياليت اللي يعرف اسعار القطع يفتينا والله ما اسال عن سياره الا ناس تطلع فيها مية عيب انا ابي اللي يعرف قطعها كم مثل المساعدات وهذي يفتينا عشان مانشتريها ونتوهق

تراني باخذ مستعمل وسعرها ممتاز كنت افكر بالجينيسيس بس الجينيسيس ثقيله وماعجبتني مثل انفنتي m56s المهم لاهنت يا اخوي كانك تقدر تعلمني سعر القطع لاني معجب بسياره جدا

كيف متوسطه كثبات وعزل شفت نسخه رياضيه ولقيتها ممتازه مقارنه بالمنافسين !!!

سمعت ان الوكيل جيد
بس مشكلته بعيد جداً
السيارة من ناحية العزل والرساوة والقوة ممتازة
جربت q50 وكانت رائعة كيف لو هذه

اذا الالتيما و الماكسيما قطعهم تختلف عن بعض ولا تركب ابدا !!!!

ماعدى قطعتين في التيما 6 سلندر نفس الماكسيما وهي كراسي المكينة و فلتر الهواء فقط !!!!!


وانفينيتي كنت اعتقد QX80 قطعها مثل الباترول طلعت تختلف تماما حتى الفحمات ماتركب عليها !!!!! وحتى الكمبيوتر يختلف تماما مع انهم كلهم 400 حصان


انفينيتي M56 او Q70 مافيه سيارة من نيسان دفع خلفي مثلها !!!!

انفينيتي G37 او Q50 محركها نفس الزي او زد والكمبيوتر واللميت يختلف عن بعض

انفينيتي FX50 او QX70 لا فيه من سيارات نيسان تشبه لقطعها ولا محركها 5.0 لتر !!!!

حتى انفينيتي QX60 نفس محرك الباثفايندر لكن قطعهم تختلف معدى المحرك والقير CVT فقط !!!!

كنت اتمنى قطع الانفينيتي مثل النيسان علشان تجي ارخص لكن انصدمت من قطعهم لا واعلمك بعض القطع ماتطلع لين تعطيهم رقم الشاصي اللي بالاستمارة !!!!

وش تبي اكثر من كذا تعقيد !!!!

حسب تجاربي للانفينيتي مثل FX45 نسخة امريكية جابها خويي من امريكا 2004 كانت بعض قطعها غير متوفرة بحكم انها كانت 8 سلندر والحمراني وقتها يبيع 6 سلندر FX35

وجربت G37 2008 ايضا قطعها كان بالسعر المعقول الاستهلاكية يعني فحماتها مانت ب 250 تقريبا



وبعها جربت اول نسخة من انفينيتي FX50 موديلها 2009 ايضا ماتطلبت الا قطع استهلاكية وايضا كان فيها مشكلة الجنط يتعفط بالحفر يعني خرط جنط


اما M56 الى الان السخص اللي اعرفه ما اشتكى منها مع النسخة اللي معه مكتومة ولا جازت لي S اسبورت



حسب ما اعرفه الفسان غير جيد ومكان وكالته باخر الدنيا

قطع انفينيتي الاستهلاكية سعرها معقول

اما القطع التثبيتية مثل المقصات و العكوس و المساعدات لا غالية جدا اذكرها من ايام الحمراني