السلام عليكم ورحمة الله وبركاته
كيف حالكم ياشباب
اليوم حبيت انقل لكم تجربتي في تغيير موية الرديتر حق مكسيما 2003
اول شي لازم تكون السيارة باردة وعلى ارض مستوية
شريت موية الرديتر من وكيل لنيسان واخذت جالونين من شركة نيسان اصلي ومايحتاج تظيف عليه موية مقطرة لانه مخلوط وجاهز ماعليك الا تعبي فقط
1-تفتح غطاء الرديتر ثم تفتح الصمام اللي تحت الرديتر يجي ع جهة اليسار
2-حط سطل او اي شي عشان تصب فيه الموية
3-بعد ماتخلص الموية صب موية مقطرة والغرض عشان تزيل باقي الشوائب وحاول تنفخ من فتحة الرديتر عشان تخرج كامل الموية
4-قفل الصمام وتأكد من احكام غلقه
5-خذ الجالونين وابدأ عب حتى يمتلئ الرديتر وبعدين عب القربة الين يوصل MAX
6-قفل الغطاء حق الرديتر وقفل الكبوت وشغل السيارة الين تحمى وادعس لها بنزين مرتين او ثلاث
7- طف السيارة واتركها تبرد لمدة كافية على حسب الاجواء حارة او باردة
8-بعد ماتبرد السيارة افتح غطا الرديتر واذا كان ناقص عبه حتى يمتلئ وعب القربة اذا كانت ناقصة
هذي كامل الخطوت
للملاحظة ؛موية الرديتر مخلوطة وجاهزة ماعليك الا تعبي على طول ولاتضيف اي موية
وللمعلومية هذي الطريقة قريتها من كتالوج السيارة
وعذرا على الاطالة
