نعم واول دفعة تسلمت للشيوخ في ابوظبي وتم تعديلها من المسعود .. ونزل ب فئتين حاليا البلاتينيوم و فئة الاستاندر ..
الي عرفته لحد الان النيسان راح يكون مثل اللاند .. 3 محركات
محرك 6 سلندر ب فئتين او 3 ..
محرك 8 سلندر 317 حصان ب فئتين او 3 فئات
ومحرك 8 سلندر 400 ب فئتين او 3 فئات
كل محرك راح يكون مقابله محرك من تويوتا للمنافسه..
عزم 6 سلندر تقريبا قريب من 317 .. ممتاز خصوصا ان قيره 7 نمر فيه عززم مش طبيعي تبارك الرحمن .. مستحيل تقول ان هذا 6 سلندر .. توقعته بيكون فاشل بس طلع ما شاء الله عزمه ممتاز جدا .. خصوصا ان التورك الي فيه عالي شوي
اما بخصووص توقف انتاج 317 حصان لحد الحين الاخبار متضاربه .. المسعود نفسه مايعرف يقول ماوصلنا اي بيان رسمي عن محرك 317 حصان بس لحد الحين في طلبات شراء لحد اخر السنه بتوصل دفعات .. طبعا الكلام من صديق في المسعود وهو مدير .. بس لحد الحين عليه حجوزات وموجود في السوق .. يمكن يتوقف بعد سنه بس حاليا هو موجود وما توقف ابدا
اشكرك اخوي على ردك الي وضع النقاط على الحروف
كما اشكر شركة المسعود للسيارات على شفافيتهم مع المستهلكين وحتى تجارب المحرك الجديد كانت عن طريقهم وبرعايتهم
وبالنسبة للفئة الجديدة 6 سلندر
اعتقد ليس شرطا ان تكون موجهة لفئة الشركات او الشيبان او السائقين
حتى الاشخاص الي دخلهم شبه محدود ويبحثون عن سيارة اوف رود حقيقية مريحة وواسعة وبسعر اقل وصرفية اقل بيكون الخيار حلو .
وبالنسبة للصرفية شخصيا ارى انها صرفية معقولة اذا كان عزم ونشاط السيارة جيد ومعقول
ومن غير المعقول ان نطلب صرفية من هذه السيارة بهذا الحجم والعزم وامكانات اف رود بنفس مستوى صرفية سيارات الكروس اوفر مثلا
اعتقد كان بامكان الشركة اعتمال نظام الحقن المباشر على المحرك الجديد لكن الظاهر انهم فكروا بتخفيض تكاليف التصنيع قدر الامكان اضافة الى وجود محرك اعتمادي لا يتعرض للمشاكل التي يمكن ان يتعرض لها محرك الحقن المباشر .
