السلام عليكم ورحمة الله وبركاته
من فترة افكر واقول وش الله حاد الناس حاليا على الجموس كعوائل
وبعضهم ياخذ قرض عشان يشتري
وفيه بدائل كثيرة باسعار ارخص بمراحل مثل الفورد اكسبلورر والنيسان باثفندر
يعني توي ادري ان الباثفندر مراتب الصف الثالث اوسع من التاهو وشنطته اكبر
وفوق كل هذا الركوب فيه اريح بمراحل , حتى حجم المقعدة من تحت اعرض
للركاب في الامام
طبعاً انا ما انكر قوة التاهو واليوكن وثباتها على الخطوط السريعة فـ فيه ناس
ولها استخدامها وتحتاجه بس لو فكرنا فيها بنحصل انهم قليلين جدا من نسبة
الملاك
وسيارات مثل الاكسبلورر والباثفندر مفيدة لهم اكثر , حتى شنطة الاكسبلورر
اكبر من التاهو بفرق واضح , وقيادته هو والباثفندر اسهل والطف وراحة الركوب فيها
فرق
الناس دائما تتكلم عن اتساع اليوكن والتاهو ولكن من خلال تجربتي ما اشوف هالشيء
يعني مراتب الصف الثالث ضيقة وحتى حجم الشنطة ما يساعد
عكس الاكسبيدشن مثلا الي مراتب صف ثالث بحجم منطقي وشنطة ممتازة
والاسوا هو حجم مقاعد الجيل الجديد من التاهو واليوكن الي صراحة اقل راحة من القديم
بفرق واضح , ركبت بالتاهو وركبت باليوكن وكلهم تعبت منهم , حجم المراتب صغير وماهي مليانة والي زادها سوء هو تصميمها بانها تكون حاضنة اكثر
ارجو ان احد مايفهمني غلط ويقول المقارنة غير عادلة , انا اقارن من ناحية
عائلة من الطبقة المتوسطة مجمعين ريال فوق ريال ويبون سيارة توديهم
وتجيبهم ووش الافضل لهم ؟
===
على كل حال خلال بحثي مع الاكسبلورر والباثفندر , اكتشفت شيء لي فترة
ناسيه الي هو الموستبيشي المونتيرو او الباجيرو سبورت
سيارة جميلة ومواصفاتها عالية صحيح انها من فئة الجيوب وليست بنعومة
الباثفندر والاكسبلورر لكن مواصفاتها قمة
وسعرها مميز على المواصفات , مميز جداً والي ابهرني فيها
انه توفير البنزين فيها افضل من الفورتشنر الـ 4 سلندر !!
شلون عاد لو قارناه مع الـ 6 سلندر اي المقارنة الفعلية
هل فيه احد هنا مجرب او ممتلك او يعرف احد مجرب السيارة ؟
ودنا نسمع اكثر عنها وعن وضعها
الناس الايام هذه تبحث عن الارخص + توفير البنزين
فرق لما اشتري تاهو بـ152
وفرق لما اشتري المونتيرو بـ114 مع كل مواصفاته العالية
نعم تلك فئة وهذه فئة لكن شرحت قصدي
وعشان اشرحه زود :
الالنترا تختلف عن السوناتا والاوبتيما
لكن من حقي اقارن النترا سعرها بـ58 وسوناتا بمعرض على 62
فئتين مختلفتين لكن مافيه فرق بالسعر وانا اشوف وش الافضل لي ؟!
مثال آخر :
النيسان صني من فئة والكيا سيراتو من فئة
لكن من حقي اشوف وضعي ماديا والانسب لي
الصني بـ 33 , والسيراتو بـ 44
وكلهم يكفوني ويكفون الي بيركبون معي
الصني اوسع مساحة للارجل وابرد مكيف وافضل من ناحية وكيل
خلاص انا النقاط هذي هي الي تهمني فـ اروح اشتري الصني واوفر 11 الف
رغم ان السيراتو اقوى بمراحل من الصني وحتى ارسى
لكن النقاط الي فرقت معي هي نقاط الصني رغم حجة وثقل نقاط السيراتو
مثال اخر : ( بس عشان توضح الفكرة )
بشتري تلفزيون سمارت
انا عارف ان سوني وسامسونج وال جي هم الافضل
لكن من حقي اقارن سوني مع TIT ماتجي تقولي حرام تقارن
لانه انا مثلا بالحالة ذي تهمني نقطة السعر حتى لو فيه اختلاف
مثلا في سامسونج 40 بوصة بـ 1500
TIT , بوصة 48 يـ1500
معليش ابشتري الـTIT رغم اني قارنت بينهم وهم احجام مختلفة
بس خلاص نقطة السعر والحجم الاكبر هي الي فرقت معي
مواصفات الموستبيشي حسب احد المعارض :
- نوع المحرك : 3000 سيسي - 6 سلندر
- نوع الجير : جير اوتوماتيك بـ 8 سرعات تبترونك
- نظام الدفع : دفع خلفي . دفع رباعي . دبل خفيف . دبل ثقيل
دوفولك . نظام منحدرات . نظام زحف
- مواصفات السيارة الخارجية
* فتحة سقف
* جنوط اللمنيوم مقاس 18 أنش
* انوار زينون
* انوار ليد
* كشافات ضباب
* غسيل الأنوار الأمامية
* حساسات أمامية
* حساسات خلفية
* اشارات مرايا
* وطاية جانبية
* حنايا عفش
- مواصفات السيارة الداخلية
* دخول بصمة
* تشغيل بصمة
* مرايا كهربائية مع خاصية الطيي
* زجاج كهربائي
* مقاعد بيج جلد
* شاشة معلومات
* كاميرا خلفية
* مكيف لمس
* مثبت سرعة
* بلوتوث
* تحكم دركسون
* مكيف خلفي
* كرسي السائق كهربائي
* تخشيب فورميكا
* نظام موفر الوقود eco
- مواصفات الأمن و السلامة
* فرامل abs
* ارباجات امامية جانبية
* عدد 7 حزام امان
* نظام الثبات الألكتروني
* تنبيه ما قبل الاصدام
* نقطه عمياء
بانتظاركم
