انطباع مبدئي عن تجربتي لباترول 6 سلندر

حياكم الله جميعاً والامر اصبح واقع والي يرغب في محرك v8 يلحق يشتري قبل لاينقطع وحسب علمي الوكيل مسوي عروض عليه علشان يخلص المخزون
حسب كلام مدير نيسان الامر اصبح واقع وتوجه عالمي وكل الشركات راح تصغر محركات وراح نشوف محركات كبيرة تنقطع من الاسواق بسبب الانظمة الجديدة

انا ودي نيسان تسوي مقارنه فيه استهلاك الوقود بين باترول وعدة سيارات كبيرة SUV ونشوف معدل الاستهلاك هنا ببين الصح لا يلعبون علينا ويبررون واحنا عارفين الاكستيرا من اول واستهلاكة بالله مع وزن الباترول بيوفر ؟
انا بشتري تاهو v8 او اكسبديشن تيربو او باترول 6 سلندر باخذ افضلهم اداء واقلهم استهلاك يالله مين يقنعني الان بافضل لي كسيارة عائلة بما ان الارمادا توقف واحب احط نيسان من الخيارات
انتظر احد يقنعني بان اخذ باترول من بين الخيارات
على فكرة لايهمني الشكل مثل الاداء والاستهلاك

السلام عليكم
أخوي نيساني هل أنت متأكد أن 6 سلندر بينزل على التيتان ؟ ياليت إذا عندك علم تقول لي متى ؟
لأني منزعج أن التندرا أوقفت الستة سلندر للغمارة ولا أعلم لماذا في 2014 ومستمرين بمحركين 5.7/4.6 فقط

أخوي هل بتتكلم جد؟ نيسان تستهدف هالفئة؟ كم عددهم اصلا وكم حصتهم السوقية؟ عزيزي هم ماعندهم أدنى اهتمام بهالفئة وكل تجهيز Y61 القوي جدا للظروف الصعبة ولشعبيته في الاوفرود البعض يفضل تزويده لان بالصحراء يحصل حريته بدون شرطة او لمجرد عشق الموتر نفسه. هذا يحصل مع اغلب السيارات بس هالفئات تظل (آثار جانبية) للمنتج وتشكل فئة ضئيلة جدا من حجم المبيعات. قول تعديل الاستراليين والاوروبيين في الاوفرود هنا معك.

الستة سلندر عشان الاقتصاد والاستخدام العائلي كموتر فخم دون الحاجة لقوة هائلة. تحياتي لك عزيزي.

.
.
.
نيسان كما ذكر الاخ صهيب في تجربته يقول انهم صنعوا اربعة نماذج من الباترول لتدليع الزبون الخليجي لانه هو الاهم بالنسبة لها
نسخة النيسمو ، للي يحبون القيادة الرياضية ويفضلون السرعة والتسارع والعزم
نسخة الصحاري ، لاهل الصيد والبر والتطعيس
نسخة الثمانية سلندر 400 حصان للاستعمال العادي والعائلي مع عزم قوي
نسخة الستة سلندر 275 حصان للاستعمال الاقتصادي والعائلي مع توفير في الوقود

اذا ، المستهلك امامه عدة خيارات ، والموضوع واسع له ،

الان اتضحت الرؤية ، في السابق يحتار الزبون اي المحركين يشتري الـ 300 او الـ 400 حصان ، الان الامر واضح

تبي عزم ، خذ الـ ثمانية سلندر

تبي توفير الوقود ، خذ الـ ستة سلندر


تحياتي

مثل ماقلت مهب لهواة التعديل بس برضوا ينحسب للشركة فتحت محرك TB للتعديل المفتوح !!!!

بالعقل صالون SUV و 4 ابواب يمشي 300



حتى GT-R اللي يصوره مهب مصدق انه مشى هذا الممشى
لو شرى GT-R وعدل عليها بتكون نفس التكلف هذا هدف نيسان قبل لا تفكر بالعوائل تستهدف هذولي بالباترول Y61 تحويلهم على الجديد Y62 لانها بفئة 6 سلندر طلعت جير عادي 5 سرعات و اتوماتيك 7 سرعات

مع احترامي لهواة التعديل والتوربو هذي فئة غير مهمة في سوق الشركة وعالم الأوفرود، هو شي ممتع وحلو بس هو مثل تركب تواير طينية وترفيع لسيارة نيسان GT-R، تعديل في غير محله، السيارة معمولة لأمور واضحة وهواة التعديل من هذا النوع هم في جانب هامشي.

لعلمك المحرك مجهز لسيارتين هما الباترول عندنا والتايتن عندهم



الباترول ارمادا عندهم سيارة موجهة لمنافسة يوكون وتاهو وسيكويا فطبيعي مايوفروها بمحرك 6 اسطوانات الان


المحرك جاء كموسع للخيارات لان محرك 317 حصان توقف انتاجه والابقاء فقط على محرك 400 حصر للخيارات وحصر للسعر

ليس تسليك عندك وعند استراليا و روسيا تعدد المحركات والديزل والبنزين بانواعه

ايضا لاند والسيكويا و الارمادا مبيعاتهم قليلة في امريكا لان اللي ماشي عندهم شيفروليه ( سوبربان - تاهو ) وعدد قليل من يوكن


واللاند قيل جدا مبيعته هناك

حتى الارمادا و السكويا تقريبا مبيعاتهم ماتتعدى 20 الى 25 الف مركبة

بعكس سوقنا اللاند و الباترول مبيعاتهم خرافية وعددهم كبير جدا اكثر من جي ام سي و غيره
حتى بروسيا و استراليا مبيعاتهم قوية بهذه الفئة


وضحت ياعزيزي

تحياتي لك

وفيه شيء بعد بضيفه يدرون بفشل محركات v6 على هالفئة لذلك ما يبيعونه بامريكا :bigggrin:

مثل ارمادا بامريكا الي هو اصلنا باترول ما يجي الا v8 حتى اللاند بامريكا مافيه الا 5.7 وسكويا وهم 381 حصان

فتسليك هنا حق السوق :a1120(121):

استغرب من اصرار تويوتا ونيسان على محركات كبيرة في سيارات الدفع الرباعي بتقنيات قديمة :c0038:

تويوتا تحركت وحطت مكينة محدثه ابتدائا على تاكوما 3.5 نفس الي على لكزس مع قير 8 نمر اقتصادية وقوة

نيسان ليش ما تطور المحرك اكثر عشان يصير v6مقبول لو نقارن مع محرك جي ام v6 4.3 موجود فيه احدث التقنيات بس لو يغير الى dohc القوة بتنقز بشكل كبير مع قير 8 نمر يكون الاقوى

هنا محرك v6 صحيح فزته قومة اقوى من القديم v8 والمساعد في هالشيء القير الجديد و final drive

لكن لو تم تطويره اكثر كان افضل

عموما اشكرك على التجربة الحيادية قصيرة لكن جدا ممتعة

المحرك حده استخدام مدني ويوفر بنزين اكثر من v8 القديم رغم انه الى الان الصرفية سيئة ماجابوا شيء جديد

ومافيه شيء يلزم شرائه لانه كروس اوفر بيكون اصرف اذا على هالحال فقدان ميزة اوف رود بسبب ضعف المحرك :a1120(121):

وحتى اللاند بعد مصخره بمكينة v6 عزمها اسوء من الباترول لكن يعفي هالشيء وجود محرك 4.6 الواحد بكيفه ماهو مجبر :xyxthumbs:

بأعتقادي بيحطون محرك سلسلة VQ40 لان هذ المحرك وهو استوك اقوى من محرك الفتك من سلسلة TB استوك

لكن نيسان ماسوت خير يوم فتحت التعديل على محرك 6 سلندر TB مثل سلسلة محركات RB القديمة اللي كانت نجي على 6 سلندر ومفتوح لها التعديل ايضا سلسلة VR مثل سيارتهم GT-R رح عدل مفتوح لك التعديل ولا تشبع


لكن سلسلة VQ مفتوحة لهم العديل بس بتكون اقل من TB و RB القدماء

محرك VQ تعديله رخيص ويركب عليه انراع التعديل حتى التوربو تشارج او سوبرتشارج ( انا ضد التعديل ) بس للتوضيح

ونزول باترول Y62 بمحرك 6 سلندر راح يجذب هواء التعديل على المكينة بأعتقادي هذا تفكير نيسان !!! قبل لا تهتم بالصرفية او العوائل تبغى محبين Y61 تحولهم على Y62 اقصد الصالون 4 ابواب في Y61

الله يعطيك العافية على المعلومات

حياك الله عزيزي واشكرك على المرور

الفتك حسب كلامهم محرك جديد واعتقد انه محرك4 لتر وربما بعض التعديلات البسيطة
باقي الاسئلة اجابتها في المقابلة ان شاء الله وراح اطرحها اول ماتوصل الصور:smile:

حياك الله ابو حازم واشكرك على واشكرك على الاطراء

اعتقد ان محرك 4 لتر ربما يتم وضعة في الفتك وهو الخيار الاقرب وان شاء الله المقابلة فيها الكثير من الاجابة على تسائلات الاعضاء
تحياتي لك

عمر محرك الفتك يكمل في 2017 حوالي 30 عام لسلسلة TB، مر بعدة مراحل تضخيم (Stroker) والنقلة الثورية في الفتك لين وصل إلى ما نعرفه اليوم. أتوقع TB48DE التطويرات لو طرأت عليه ماراح تعمل نقلة كبيرة إلا لو الغاية قوة وعزم أعلى مثلما عارفين عن هذا المحرك، بساتن المحرك ضخمة جدا وهي من أكبر البساتن في السوق بقياس 99.5 ملم واللي يوفر عزم ممتاز.

ننتظر التطورات والأهم لحقت لي على 2016 لا يصير مقلب في موديل 2017 يصير 4 سلندر توربو هههه.

الغريب سبب ايقاف محرك ٣٢٠ هو بسبب الاستهلاك العالي و كذلك الموصفات الخليجية الجديدة لعام ٢٠١٧
كيف سيستمر الفتك وهو اسوأ من محرك الباترول ٣٢٠
فيه تناقض بالموضوع

.
.
.
مشكور يا استاذ صالح ،

نعم تقرير بسيط ومفيد للغاية بدون الحشو الزايد او الكلام الذي لايخدم محبين السيارة

، من سؤالك عن الفتك ، هل تفهم انهم سيستبدلون المحرك الحالي بالمحرك الجديد هذا الذي نزل على بطل الدروب او عندهم نية لتغيير السيارة بالكامل ، ؟
هل سالتهم عن موعد طرح السيارة البديلة للاكستيرا .؟
، وعن مشاكل نيسان في السعودية ؟


تحياتي

جزاك الله خير هذي هي التجارب ولا بلاش من شخص ناضج وفاهم الشغلة، معلومات قيمة حول Y61 وقمت بترجمتها للأستراليين والجميع متحمس معها، أتوقع المحرك ممكن يتناسب مع سوقهم لو 4.0 مع 6 غيار عادي و 7 أوتو، وحتى هنا.

حياكم الله واسعدني النقاش الجميل والمفيد



حياك الله عبدالله

التصوير كان قبل التجربة على الطرق وان شاء الله راح اخذها حال توفرها للتجربة في السعودية واسوي تجربة متكاملة واحتمال اطلب مشاركة " الخل الوفي " بالتجربة:smile: